លោក សុខ ពេញវុធ អភិបាលខណ្ឌដូនពេញ និងក្រុមប្រឹក្សាខណ្ឌ ចូលរួមក្នុងពិធីផ្សព្វផ្សាយនិងដាក់ឲ្យអនុវត្តថ្នាក់ក្រោមជាតិ

(ភ្នំពេញ)៖ នៅព្រឹកថ្ងៃច័ន្ទ ៤រោច ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រឹវនឹងថ្ងៃទី២១ ខែមីនា ឆ្នាំ២០២២ រដ្ឋបាលខណ្ឌដូនពេញ ដឹកនាំដោយ លោក ហែម អាន ប្រធានក្រុមប្រឹក្សាខណ្ឌដូនពេញ និង លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានអញ្ជើញដឹកនាំសមាជិកក្រុមប្រឹក្សាខណ្ឌ លោក លោកស្រីអភិបាលរងខណ្ឌ លោក នាយករដ្ឋបាលខណ្ឌ និង លោក លោកស្រីចៅសង្កាត់ទាំង១១ ចូលរួមក្នុងពិធីផ្សព្វផ្សាយ និងដាក់ឲ្យអនុវត្តកម្មវិធីសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ដំណាក់កាលទី២ (២០២១-២០៣០ តាមកម្មវិធីវីដេអូ Zoom Meeting ដែលពិធីបើកប្រព្រឹត្តឡើង ក្រោមអធិបតីភាពដ៏ខ្ពង់ខ្ពស់ សម្ដេចក្រឡាហោម ស ខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ និងជាប្រធាន គ.ជ.អ.ប និង ពិធីបិទ ក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដី នៃព្រះរាជាណាចក្រកម្ពុជា៕