ខេត្តប៉ៃលិន ៖ ក្រោយពីមានលិខិតស្នើសុំថវិកា ដើម្បីចូលរួមចំណែកយកទៅសាងសង់របងសាលា របស់គណកម្មាការទ្រទ្រង់សាលារៀនបឋមសិក្សា ហ៊ុន សែន អូរច្រា កា លពីប៉ុន្មានថ្ងៃកន្លងមក ។ ប្រជាពលរដ្ឋមួយចំនួន ដែលមានកូនចៅច្រើន រហូតដល់៧ទៅ៨នាក់នៅក្នុងបន្ទុកគ្រួសារ បានប្រតិកម្មយ៉ាងខ្លាំង ហើយពួកគេមួយចំនួនអត់ចង់ទៅរៀនសូត្រនោះឡើយ ខ្លាចគ្រូសម្លុត ខណៈឪពុកម្តាយអត់មានលុយបង់ជូនទៅសាលារៀន ។
ប្រភពព័ត៌មានពីស្ត្រីជាម្តាយសិស្សរស់នៅក្បែរៗសាលារៀនខាងលើ បានលើកឡើ ងថា សិស្សរៀននៅក្នុងសាលាខាងលើជាង៣០០នាក់ ការប្រមូលថវិកាពីសិស្សម្នាក់ៗចំនួ ន៦០០០រៀល ក្នុង១ឆ្នាំ បានធ្វើឡើងអស់រយៈពេល១ឆ្នាំ កន្លងមកហើយ ដោយពីមុនពួកគាត់មានលុយគ្រប់គ្រាន់ អាចបង់ឱ្យគ្រូបាន ។ តែរហូតមកដល់ពេលនេះ ដោយសារជីវភា ពខ្វះខាត ពួកគាត់អត់មានប្រាក់គ្រប់គ្រាន់ ដើម្បីឱ្យកូនយកទៅបង់ជូនសាលារៀនបាននោះឡើយ ។ ការអត់មានលុយបង់គ្រប់គ្រាន់នេះ ធ្វើឱ្យកូនចៅរបស់ពួកគាត់មួយចំនួនអត់ហ៊ានចូលរៀននោះទេ ព្រោះខ្លាចគ្រូស្តីបន្ទោស និងដកពិន្ទុកផងដែរ ។
ប្រភពបន្តទៀតថា កូនៗ របស់ពួកគាត់តែងតែរអ៊ូប្រាប់ពួកគាត់ថា លោកគ្រូអ្នកគ្រូនៅសាលារៀននេះ បានរៃ អង្គាសថវិកាពីសិស្សជាញឹកញាប់ រៀងរហូត ដូចជារៃអង្គាសទិញទឹកសុទ្ធឱ្យគ្រូហូប រៃអង្គា សទិញឥដ្ឋប្រហោង និងទិញឥដ្ឋការ៉ូឡាសម្រាប់សាលារៀនជាដើម ។ បើសិនជាអ្នកណាអត់មានលុយឱ្យទេ គ្រូតែងតែនិយាយថា អត់ឱ្យពិន្ទុ ហើយឱ្យត្រួតថ្នាក់ជាដើម ទើបកូនចៅគាត់មួយចំនួនឈប់រៀន ឱ្យជួយធ្វើការងារឪពុកម្តាយនៅផ្ទះមួយចំនួន ។ ចំណែកគ្រូមួយចំនួនទៀត អត់សូវយកចិត្តទុកដាក់បង្រៀនសិស្សនោះទេ ដោយរវល់តែលក់ដូរក្នុងសាលា រៀន ធ្វើឱ្យកូនៗ របស់ពួកគាត់រៀនមិនសូវចេះនោះឡើយ ។
កគាត់បញ្ជាក់ទៀតថា សា លារៀនមួយនេះ កាលពីពេលថ្មីៗ សម្តេច ហ៊ុន សែន ទើបតែជួយឧបត្ថម្ភថវិកា ដើម្បីសាងសង់អាគារកំពស់ពីរទៅបីជាន់ ប៉ុន្តែបែរជាខ្វះថវិកាធ្វើរបង ហើយរៃអង្គាសពីសិស្សទៅវិញ ។
ពាក់ព័ន្ធទៅនឹងបញ្ហានេះ លោកស្រី អ៊ុង សុជាត្តា ហៅពៅ ជានាយិកាសាលាបឋម សិក្សា ហ៊ុន សែន អូរច្រា បានឱ្យដឹងថា ពាក់ព័ន្ធទៅនឹងការរៃអង្គាសថវិកា ដើម្បីសាងសង់ របងសាលារៀននេះ មិនពាក់ព័ន្ធទៅនឹងគ្រូក្នុងសាលារៀនេះឡើយ គឺខាងលោក នួន សាវុធ ជាប្រធានគណកម្មាការទ្រទ្រង់សាលា ជាអ្នកប្រមូលយកទៅធ្វើរបងសាលារៀននេះ ដោ យព្រះសង្ឃគង់នៅវត្តអូរច្រាជាអ្នកផ្តួចផ្តើមជួយសាងសង់ជូន ដើម្បីការពារកុំឱ្យបាត់បង់ទ្រ ព្យសម្បត្តិក្នុងបរិវេណសាលា ។ លោកស្រីបន្តទៀតថា ចំណែកការរៃអង្គាសថវិកា ដើម្បីទិញឥដ្ឋការ៉ូឡា និងឥដ្ឋផ្សេងទៀត ខាងលោកស្រីបានធ្វើមែន គឺដើម្បីរៀបចំក្រាលឥដ្ឋ ក្នុងបរិវេណសាលា កុំឱ្យមានការលំបាកធ្វើដំណើរ ខណៈមានភ្លៀងធ្លាក់ជោគជាំ ។ ចំណែកការលក់ដូរនំចំណីនៅក្នុងសាលានោះគ្រូអត់មានលក់ទេ គឺប្រពន្ធគ្រូ និងបងប្អូនតែប៉ុ ណ្ណោះ អត់មានលោកគ្រូអ្នកគ្រូណាម្នាក់លក់ដូរនោះទេ ។
ចំណែក លោក នួន សាវុធ ប្រធានគណកម្មាការទ្រទ្រង់សាលាបឋមសិក្សាខាងលើ បានឱ្យដឹងថា ការស្នើសុំថវិកាដល់សិស្សម្នាក់៦០០០ពាន់រៀល ក្នុង១ឆ្នាំនេះ គឺខាងលោកបានជួបប្រជុំជាមួយគណកម្មាការ លោកគ្រូអ្នកគ្រូ ព្រមទាំងឪពុកម្តាយសិស្ស រួចរាល់អស់ហើយ ថែមទាំងយល់ព្រមគ្នាផងដែរ ដោយបានទទួលថវិកានោះ ១ឆ្នាំកន្លងមកហើយ ដើម្បីយកទៅធ្វើរបងសាលារៀន ។ លោកបន្តទៀតថា ពាក់ព័ន្ធនឹងការរៃអង្គាសប្រាក់ធ្វើរប ងសាលានេះ ខាងមន្ទីរអប់រំយុវជននិងកីឡាខេត្តប៉ៃលិន ក៏បានដឹងរឿងនេះដែរ ។
ទោះបីជាយ៉ាងណាក៏ដោយ ភ្នាក់ងារយើងបានទាក់ទងទៅលោក តង់ ធារ៉ា ប្រធាន មន្ទីរអប់រំយុវជន និងកីឡា ខេត្តប៉ៃលិន ដើម្បីបំភ្លឺចំពោះបញ្ហានេះដែរ តែទូរស័ព្ទចូលជាច្រើ នលើកច្រើនសារ អត់មានអ្នកទទួលនោះទេ ៕ ដោយ ៖ នីយ៉ា
