ខេត្តប៉ៃលិន ៖ ប្តីប្រពន្ធមួយគូត្រូវនគរបាលចាប់ឃាត់ខ្លួន ខណៈប្តីរកស៊ីឌុបការ៉េមល ក់តាមភូមិអត់សូវចំណេញ បែរជាបែកគំនិតនាំប្រពន្ធរកស៊ីជួញដូរគ្រឿងញៀន លុះនគរបា លដាក់ភ្នាក់ងារសំងាត់តាមដានដឹង ក៏ធ្វើការចាប់ឃាត់ខ្លួនទាំងពីរនាក់តែម្តង ។
ក្រោយពីចាប់ឃាត់ខ្លួន ជនសង្ស័យទាំងពីរនាក់សារភាពថា ពួកគេពិតជារកស៊ីជួញដូរគ្រឿងញៀន មែន តែទើបលើកទី១ប៉ុណ្ណោះ ។
ហេតុការណ៍ចាប់ឃាត់ខ្លួនលលកញីឈ្នោលនេះ បានកើតឡើងកាលពីវេលាម៉ោង១២ និង៣០នាទីថ្ងៃត្រង់ ថ្ងៃទី២១ ខែមីនា ឆ្នាំ២០១៧ ស្ថិតនៅចំណុចអូរត្រែង ក្នុងភូមិទឹកផុ ស សង្កាត់ប៉ៃលិន ក្រុងប៉ៃលិន ។
ប្រភពព័ត៌មានបានឱ្យដឹងថា ជនសង្ស័យទាំងពីរនាក់ ទី១- ឈ្មោះ ឡាច ឡោះ ភេទប្រុស អាយុ៣១ឆ្នាំ ជាអ្នករកស៊ីជិះម៉ូតូលក់ការ៉េម (ប្តី) ទី២- ឈ្មោះ ធី សុខលី ភេទស្រី អាយុ៣០ឆ្នាំ ជាអ្នកធ្វើចំការ (ប្រពន្ធ) ទាំងពីរនាក់រស់នៅក្នុងភូមិខាងលើ ។
ប្រភពព័ត៌មានពីនគរបាលប្រឆាំងបទល្មើសគ្រឿងញៀននៃស្នងការនគរបាលខេត្តប៉ៃលិនបានឱ្យដឹងថា ក្រោយទទួលបានព័ត៌មានពីកម្លាំងសម្ងាត់ លោកស្នងការបានបញ្ជាឱ្យខាងការិយាល័យប្រឆាំងគ្រឿងញៀន ដឹកនាំកងកម្លាំងក្រោមឱវាទ ចុះធ្វើការបង្ក្រាបករណីជួញដូរគ្រឿងញៀនខុសច្បាប់មួយកន្លែង ហើយក៏ឈានដល់ធ្វើការឃាត់ខ្លួនជនសង្ស័យចំនួន២នាក់ រួមជាមួយនឹងវត្ថុតាង មានថ្នាំញៀនប្រភេទម៉ាទឹកកក (ICE) ចំនួន២៨កញ្ចប់តូច និង ម៉ូតូ១គ្រឿង ព្រមទាំងសម្ភារប្រើប្រាស់គ្រឿងញៀនមួយចំនួនផងដែរ ។
ប្រភពបន្តទៀតថា ជនសង្ស័យខាងលើ ជាមុខសញ្ញាប្រើប្រាស់គ្រឿងញៀនជាយូរ មកហើយ តែដោយសាររកភស្តុតាងមិនឃើញក៏រង់ចាំរហូតដល់ពេលនេះ ស្រាប់តែភ្នាក់ងា រសម្ងាត់រាយការណ៍ថា ពួកគេទាំងពីរនាក់ប្តីប្រពន្ធកាន់តែប្រហើន ដោយរកស៊ីជួញដូរថ្នាំ ញៀនខុសច្បាប់ ។
ចំណែកជនសង្ស័យទាំងពីរនាក់បានសារភាពថា ពួកគេពិតជាបានរកស៊ីជួញដូរគ្រឿ ងញៀនមែន ដោយទទួលទិញតពីអ្នកលក់ម្នាក់រស់នៅក្នុងក្រុងប៉ៃលិន តែអត់ស្គាល់ឈ្មោះ នោះទេ ហើយគេក៏មិនប្រាប់ឈ្មោះដែរ ។ ការរកស៊ីគ្រឿងញៀននេះ ១កញ្ចប់តូចលក់បាន ១ម៉ឺន៥ពាន់ទៅ២ម៉ឺនរៀល ដោយលក់ឱ្យមនុស្សក្មេងចាស់ប្រុសស្រីមកពីក្នុងភូមិ និងអ្នករស់នៅភូមិក្បែរៗគ្នានោះផងដែរ ។ ទោះបីជាយ៉ាងណាក៏ដោយ បច្ចុប្បន្ន សមត្ថកិច្ចជំនាញ កំពុងរៀបចំសំនុំរឿង ដើម្បីបញ្ជូនជនសង្ស័យទាំងពីរនាក់ទៅអយ្យការអមសាលាដំបូងខេត្ត ឱ្យចាត់ការតាមនិតិវិធីច្បាប់ ។
សូមបញ្ជាក់ផងដែរថា គ្រឿងញៀន គឺជាសារធាតុម្យ៉ាង នាំឱ្យមនុស្សញៀន ខណៈ ពេលប្រើយូរៗទៅ ហើយនៅពេលដែលញៀន មនុស្សនោះនឹងក្លាយទៅជាឆ្កួត(បែកថ្នាំ) នៅពេលប្រើប្រាស់ដល់កម្រិត ។ ដូច្នេះសូមឱ្យយុវជនទាំងឡាយជៀសឱ្យផុតពីថ្នាំញៀន ៕ ដោយ ៖ នីយ៉ា
