ខេត្តឧត្តរមានជ័យ៖ កម្លាំងការិយាល័យប្រឆាំងគ្រឿងញៀនខេត្តឧត្តរមានជ័យបង្ក្រាបគ្រឿងញៀន២ករណីឃាត់ខ្លួនបុរសម្នាក់និងស្ត្រីម្នាក់ ដកហូតថ្នាំញៀន៣ កព្ចាប់ធំ ស្មើ ទម្ងន់១២,៨៤ក្រាម កាលម៉ោង៤និង២០នាទីរសៀលថ្ងៃទី ៩ខែមិនាឆ្នាំ២០១៧នៅចំណុចខាងត្បូងសាលាបឋមសិក្សាស្ថិតនៅភូមិត្រាំចានឃុំព្រះប្រឡាយ ស្រុក ត្រពាំងប្រាសាទ ខេត្តឧត្តរមានជ័យ។
ករណីទី១៖ការចុះបង្ក្រាបករណីប្រើប្រាស់គ្រឿងញៀន បាន១ករណី នៅម៉ោង៣រសៀលថ្ងៃទី ៩ខែមិនាឆ្នាំ២០១៧ នៅចំណុចរោងជួសជុលត្រាក់ទ័ ស្ថិតនៅភូមិអូចិញ្ចៀន ឃុំអន្លង់វែង ស្រុកអន្លង់វែង ស្រុអន្លង់វែង ខេត្ត ឧត្តរមានជ័យ ។ ឃាត់ខ្លួនបុរសជនសង្ស័យម្នាក់ ឈ្មោះ ឆាន់ លីដា អាយុ២២ឆ្នាំ រស់នៅភូមិទួល កណ្តាល ឃុំ ត្រពាំងប្រីយ ស្រុកអន្លង់ វែង ខេត្ត ឧ.ជ ។ ក្នុងនោះ ជំនាញបានធ្វើតេស្តទឹកនោមឃើញមានសារធាតុញៀន (+)។
ករណីទី២ ៖ ការចុះបង្ក្រាបករណីជួញដូរចែកចាយថ្នាំញៀនបាន១កណី កាលម៉ោង៤និង២០នាទីរសៀលថ្ងៃទី៩ខែមិនាឆ្នាំ២០១៧នៅចំណុចខាងត្បូងសាលាបឋមសិក្សាស្ថិតនៅភូមិត្រាំចានឃុំព្រះប្រឡាយ ស្រុក ត្រពាំងប្រាសាទ ខេត្តឧត្តរមានជ័យ។
សមត្ថកិច្ចនគរបាលឃាត់ខ្លួនឈ្មោះ វ៉ាន់ ណា ភេទ ស្រី អាយុ៤២ឆ្នាំ រស់នៅភូមិត្រាំចាន ឃុំព្រះប្រឡាយ ស្រុកត្រពាំងប្រាសាទខេត្តឧ.ជ ។ ដកហូតសំភារះវត្ថុតាងរួមមាន : ថ្នាំញៀនប្រភេទមេតំហ្វេតាមីន (Ice)ចំនួន៣ កព្ចាប់ធំ ស្មើ ១២,៨៤ក្រាម, ប្រាក់រៀលចំនួន ៥០០០០០រៀល (ប្រាំសែនរៀល) ,ទូរស័ព្ទដៃ១ គ្រឿង។
បច្ចុប្បន្ន ជនសង្ស័យ ទាំង២នាក់និងវត្ថុតាង ត្រូវបានកសាងសំណុំរឿងបញ្ជូនទៅតុលាការចាត់ការតាមនិតិវិធី ៕
