កែប៖ ទោះបីអាជ្ញារធរខេត្តកែបបាននិងកំពុងខិតខំយកចិត្តទុកដាក់ ជម្រុញស្តារនិងអភិវឌ្ឍន៍តំបន់ទេសចរណ៍ឆ្នេរកែបឱ្យមានសភាពលេចធ្លោបែបណាក្តី ហាក់នៅតែមានជនខិលខូចមួយក្តាប់តូចនិន្ទាឈ្នានីស អុជអាលដោយប្រើរូបភាពផ្សេងៗដើម្បីបង្ខូចកិត្តិយសថ្នាក់ដឹកនាំរបស់ខេត្តកែប។
ជាក់ស្តែងកាលពីថ្ងៃទី២១ ខែកុម្ភៈ ឆ្នាំ២០១៧នេះ មានគេហទំព័រក្នុងស្រុកមួយ បានសរសេររិះគន់ ឯកឧត្តម កែន សត្ថា អភិបាលខេត្តកែប ពាក់ព័ន្ធនឹងការកេងប្រវញ្ញថវិការដ្ឋក្នុងជពូក៦០និងជំពូក៦១ ដោយគេហទំព័រនោះសរសេរបង្ខូចកិត្តិយសដែលមិនអាចទទួលយកបាន ហើយសារព័ត៌មានខាងលើបរិយាយពីករណីរដ្ឋបាលខេត្តកែបបានឃុបឃិតគ្នាកេងកឹប ថវិការបស់ខេត្តខ្ទង់ពាន់លានរៀលដោយធ្វើខ្ទង់ចំណាយក្នុងឯកសារខ្យល់ក្នុងរូបភាពក្លែងបន្លំ។
ចំពោះការលើកលើងពីសំណាក់មជ្ឈដ្ឋាននានាដែលចាត់ទុកជាអ្នកវិភាគដ៏ហ្មត់ចត់នោះ បានសំរាយថា ចាប់តាំងពីការផ្លាស់ប្តូររចនាសម្ព័ន្ធគឺការតែងតាំងឱ្យឯកឧត្តមកែន សត្ថា ជាអភិបាលនៃគណៈអភិបាលខេត្តកែប មកនោះក៏ត្រូវបានជម្រុញឱ្យមានការស្តារនូវគ្រប់ហេដ្ឋារចនាសម្ព័ន្ធស្ទើទាំអស់ដែលជាទីតាំងមិនទាន់ចាត់ការរួចរាល់ដែលបន្សល់ពីថ្នាក់ដឹកនាំមុន ដោយជម្រុញការអនុវត្តន៍ស្ទើតែទាំងស្រុង ហើយក៏ត្រូវចំណាយថវិកាក្នុងកិច្ចការនេះអស់ថវិកាមិនតិចលើយទំរាំពុះពារបានលទ្ធផលនិងផ្លែផ្កាអាជ្ញាធរហាក់គ្មានពេលសម្រាកលើយ។
ជាងនេះទៅទៀត ជានិច្ចកាលរដ្ឋបាលខេត្តកែបក៏មានកម្មវិធីចុះជួយប្រជាពលរដ្ឋគ្រប់តំបន់ ដូចជាឧបត្ថម្ភដល់ចាស់ជរា ជនពិកា ជនងាយរងគ្រោះក្នុងឧបត្បិហេតុផ្សេងៗ មានគ្រោះទឹកជំនន់ គ្រោះរាំងស្ងួត ខ្យល់ព្យុះ ខ្យល់កន្ទ្រាក់ កុមារកំព្រានិងអ្នកផ្ទុកមេរោគអេដស៍ជាដើម។ទន្ទឹមនិងកិច្ចការខាងលើ ក្នុងអំឡុងពេលថ្មីៗនេះអាជ្ញាធរអាជ្ញាធរខេត្តក៏បានស្ថាបនាដងផ្លូវសំខាន់ៗក្នុងតំបន់ជាច្រើនខ្សែនិងសាងសង់សំណង់អគារជាច្រើនដូចជាស្នាក់ការធំគណបក្សប្រជាជនខេត្តកែប៘
ទាក់ទិននឹងការចោទប្រកាន់ខាងលើ ឯកឧត្តម កែន សត្ថា អភិបាលខេត្តកែប បានមានប្រសាសន៍ប្រាប់អ្នកសារព័ត៌មាននារសៀលថ្ងៃទី២២ខែកុម្ភៈ ឆ្នាំ២០១៧នេះថា លោកពុំបានប្រព្រឹត្តដូចការសរសេរចោទប្រកាន់តាមគេហទំព័រកាសែតនោះលើយ ហើយចាប់តាំងពីលោកកាន់តំណែងជាអភិបាលខេត្ត មានតែធ្វើការបម្រើរាជការដោយចិត្តស្មោះត្រង់ស្ទើគ្មានពេលសំរាកលើយ ហើយរាល់ករណីចោទប្រកាន់ថាលោកកេងកឹបថវិកានោះ លោកសូមបដិសេពទាំងស្រុង។ឯកឧត្តមបានបញ្ជាក់ទៀតថា ការចុះផ្សាយបង្ខូចកិត្តិយសលោកតាមគេហទំព័រនោះ អាចកើតលើងពីក្រុមមនុស្សប្រឆាំងមួយក្តាប់តូចដែលធ្វើការញុះញង់ អុជអាល ហើយមុននឹងមានការចុះផ្សាយនេះ អ្នកកាសែតរូបនោះក៏បានមកសុំថវិកាពីលោកចំនួន៥០០០០០រៀល(ប្រាំសែនរៀល)ប៉ុន្តែរដ្ឋបាលខេត្តពុំមានលទ្ធភាពជូនតាមសំណូមពរ គឺមានតែដោះស្រាយតិចតួច ទើបមានការវាយប្រហារតាមគេហទំព័រ ដើម្បីបង្ខូចកិត្តិយសលោកតែម្តង ៕
