ខេត្តក្រចេះ ៖ កាលពីព្រឹកថ្ងៃទី១៩ ខែកុម្ភៈ ឆ្នាំ២០១៧ នៅខេត្តក្រចេះ មានបើកការដ្ឋានជួសជុលផ្លូវលំ១ខ្សែក្រោមការឧបត្ថម្ភថវិកាផ្ទាល់របស់ឯកឧត្តមគង់ ក្រឹង មានប្រវែងបណ្ដោយ១០៣១ម៉ែត្រ និងទទឹង៤ម៉ែត្រ។ ផ្លូវមួយខ្សែនេះ ត្រូវចំណាយថវិកាជិត១ម៉ឺនដុល្លារអាមេរិកដែលស្ថិតនៅភូមិក្បាលស្នួល ឃុំស្នួល ស្រុកស្នួល។
នៅក្នុងកម្មវិធីបើកការដ្ឋាននោះមានការចូលរួមពីសំណាក់លោក គង់ គឹមនី អភិបាលស្រុកស្នួល លោក ម៉ែន វណ្ណា អភិបាលស្រុកស្តីទី និងកងកំលាំងព្រមទាំងសមាជិសមាជិកា ជុំវិញស្រុកស្នួល និងមានបងប្អូនប្រជាពលរដ្ឋ ចូលរួម យ៉ាងច្រើនកុះករ។
លោក គង់ គឹមនី បានមានប្រសាសន៍សួរសុខទុក្ខដល់បងប្អូនប្រជាពលរដ្ឋហើយលោកអភិបាលស្រុកក៌បានលើកឡើងពីបញ្ហាមួយចំនួនស្តីពីភូមិ ឃុំមានសុវត្ថិភាព ជាពិសេសលោកបានសង្កត់ធ្ងន់គឺ ល្បែងស៊ីសងគ្រប់ប្រភេទ និងគ្រឿងញៀន សូមបងប្អូនជៀសអោយផុតគ្រប់ៗគ្នា។
ជាចុងក្រោយ លោកអភិបាលស្រុក ក៌បានដាស់តឿនដល់បងប្អូនប្រជាពលរដ្ឋ អោយមានការប្រុងប្រយ័ត្នចំពោះអគ្គីភ័យជាដាច់ខាតព្រោះវា នាំអោយអន្តរាយដល់គ្រួសារ ។
ជាមួយគ្នានោះ លោកអភិបាលស្រុក បានជួយឧត្ដមម្ភដល់ក្រុមគ្រួសារដែលភ្លើងឆេះផ្ទះនៅស្រុកស្នួលកាលពីថ្ងៃ១៤ ខែកុម្ភៈ ឆ្នាំ២០១៧ កន្លងមកនេះដោយក្នុងមួយផ្ទះទទួលបានប្រាក់ឧមត្ថម្ភ១លាន៥សែនរៀល ក្នុងប្រាក់ឧបត្ថម្ភនេះឯកឧត្តម គង់ ក្រឹង ក៏បានឧបត្ថម្ភចំនួន១លានរៀល និង គណបក្សប្រជាជនថ្នាក់កណ្ដាលស្រុកស្នួល៣០ម៉ឺនរៀល ព្រមទាំងមូលនិធិឥស្លាមស្រុកស្នួលចំនួន២០ម៉ឺនរៀលផងដែរ ៕
