ខេត្តកំពង់ធំ ៖ គ្លីនិកឈ្មោះមន្ទីរសម្រាកព្យាបាល ក្រុងស្ទឹងសែងនៅក្នុងខេត្តធំ ដោយគេដឹងថាបានបើកព្យាបាល៣ខែកន្លងមកហើយដល់ថ្ងៃទី១៦ខែកុម្ភ:ឆ្នាំ២០១៧ដែលមានម្ចាស់ឈ្មោះវ៉ាន់ ចាន់ជូ ជាគ្រូពេទ្យចិនស្ទើរភ្លើង វះកាត់ស្ត្រីម្នាក់ស្លាប់ក្នុងខេត្តពោធិសាត់ នៅម៉ោង២១ និង៤០នាទីយប ថ្ងៃទី១៩ ខែមករា ឆ្នាំ២០១៥នៅក្នុងគ្លីនិកផ្ទះល្វែងជួលរបស់គ្រូពេទ្យចិនរូបនោះ ដែលមានទីតាំងនៅទល់មុខសណ្ឋាគារ KM ស្ថិតក្នុងភូមិពាលញែក១សង្កាត់ផ្ទះព្រៃ ក្រុងពោធិ៍សាត់ ។
ក្រុមអ្នកសារព័ត៌មានយើងបានជួបសម្ភាសន៍ជាមួយគ្រូពេទ្យចិនរូបនេះ នៅថ្ងៃទី១៦ខែកុម្ភ:ឆ្នាំ២០១៧ បានឱ្យដឹងថា ខ្លូនបានមកបន្តព្យាបាល អ្នកជម្ងឺនៅទីនេះជាង៣ខែមកហើយ ដោយសារម្ចាស់គ្លីនិកនេះត្រូវជាមិត្តភ័ក្ររបស់ខ្លូន ឥឡូវនេះគេទៅស្រុកចិនវិញហើយ។លោកបន្តថា លោកបានឱ្យលុយទៅឈ្មោះវុធអនុប្រធានមន្ទីរសុខាភិបាលខេត្តកំពង់ធំច្រើនហើយ ដើម្បីជួយរត់ការច្បាប់ឱ្យខ្លួនបានបន្តជំនួសម្ចាស់មុន ប៉ុន្តែជាង៣ខែហើយ លោក វុធ មិនឃើញយកច្បាប់មកឱ្យទេ។
ពាក់ព័ន្ធករណីបើកគ្លីនិកគ្មានច្បាប់អនុញ្ញាតរបស់គ្រូពេទ្យចិន ឈ្មោះវ៉ាន់ ចាន់ជូ នេះ លោក វុធ អនុប្រធានមន្ទីរសុខាភិបាលខេត្តកំពង់ធំ បានឱ្យដឹងតាមទូរស័ព្ទនៅល្ងាចថ្ងៃទី ១៦ កុម្ភះនេះថា គ្រូពេទ្យចិន ឈ្មោះវ៉ាន់ ចាន់ជូ នេះ ឌុកទ័រ ឯកទេស ចំពោះច្បាប់ គឺនៅមានច្បាប់ចាស់ពីមុនមក ៧ ខែទៀតទើបផុត ចំពោះច្បាប់ថ្មី គ្រូពេទ្យចិន ឈ្មោះវ៉ាន់ ចាន់ជូនេះ កំពុងដាក់ស្នើរសុំទៅក្រសួងហើយ។
គួរបញ្ជាក់ផងដែរថាកាលពីថ្ងៃទី១៩ ខែមករា ឆ្នាំ២០១៥ នៅក្នុងគ្លីនិកផ្ទះល្វែងជួលរបស់គ្រូពេទ្យចិនរូបនោះ ដែលមានទីតាំងនៅទល់មុខសណ្ឋាគារ KM ស្ថិតក្នុងភូមិពាលញែក១សង្កាត់ផ្ទះព្រៃ ក្រុងពោធិ៍សាត់ គ្រូពេទ្យគ្មានបទពិសោធន៍ច្បាស់លាស់ ឈ្មោះវ៉ាន់ ចាន់ជូ ភេទប្រុស អាយុ៥២ឆ្នាំ មានស្រុកកំណើតនៅខេត្តហេណាន ប្រទេសចិន ចេះនិយាយភាសារខ្មែរបន្តិចបន្តួច ហើយបានមកបើកគ្លីនិក ព្យាបាលអ្នកជំងឺ នៅក្នុងក្រុងពោធិ៍សាត់ ប្រមាណពី៤ ទៅ៥ឆ្នាំ ទៅហើយ តែគ្មានច្បាប់ អនុញ្ញាតនោះទេ ។ បានវះកាត់ដុំគីសស្ត្រីរងគ្រោះបណ្តាលឲ្យស្លាប់ឈ្មោះស៊ឹង ចាន់ធឿន អាយុ៣២ឆ្នាំ មានកូនស្រី៤នាក់ រស់នៅភូមិសាន្ត ស ឃុំអន្សារចំបក់ ស្រុកក្រគរ ។
កាលនោះបុរសជាប្តីឈ្មោះប៉ៃ សារ៉េត ធ្លាប់បានរៀបរប់ឲ្យអ្នកសារព័ត៌មានដឹងថា ប្រពន្ធរបស់គាត់ បានថតអេកូមើលឃើញមានដុំគីសដៃស្បូន ក៍យកមកព្យាបាលនៅគ្លីនិកឯកជន របស់គ្រូពេទ្យចិននេះ កាលពីព្រឹកថ្ងៃទី១៩ ខែមករា ។ នៅវេលាម៉ោង១៥រសៀល គ្រូពេទ្យចិនរូបនេះ បានចាប់ផ្ដើមធ្វើការវះកាត់អស់រយះពេលជាងពីរម៉ោងទើបរួចរាល់ ។ លុះដល់ម៉ោង២១ និង៤០នាទីយប់ ស្រាប់តែប្រពន្ធរបស់គាត់ដាច់ខ្យល់ស្លាប់ ធ្វើឲ្យគាត់ និងកូនៗស្រែកយំផ្អើលទាំងយប់ តែម្តង។
ពេលនោះគាត់បានទូរស័ព្ទប្ដឹងទៅសមត្ថកិច្ច នៅឯស្រុកក្រគរ ព្រោះមិនស្គាល់សមត្ថកិច្ច នៅក្នុងក្រុងពោធិ៍សាត់ទេ ។ ភ្លាមៗនោះ សមត្ថកិច្ចបានមកដល់ ប៉ុន្តែរវល់តែពិនិត្យមើល សាកសពប្រពន្ធរបស់គាត់ ដែលមានមនុស្សអ៊ូអរនោះ ស្រាប់តែគ្រូពេទ្យចិនរូបនោះ លួចរត់គេចខ្លួនបាត់តែម្ដង ។
លុះដល់ព្រឹកថ្ងៃទី២០ ខែមករាគេនៅចាំថា លោក ប៉ង់ ចាន់សុយុទ្ធារ៉ា ព្រះរាជអាជ្ញារង និងលោកវេជ្ជបណ្ឌិត ច័ន្ទ សុខា ប្រធានមន្ទីរពេទ្យបង្អែកខេត្ត និងកម្លាំងសមត្ថកិច្ចមួយចំនួនទៀត បានចុះទៅពិនិត្យសាកសពរួចហើយបានបញ្ជាក់ថា គ្រូពេទ្យចិនរូបនេះ គ្មានបទពិសោធន៍ និងជំនាញច្បាស់លាស់ទេ វះកាត់ធ្វើឲ្យឈាមកកក្នុងខ្លួន ទើបបណ្ដាលឲ្យស្ត្រីខាងលើស្លាប់បែបនេះ ។ សមត្ថកិច្ចបានសម្រេចបិទគ្លីនិកនោះទាំងស្រុងហើយ ដាក់បណ្ដាញតាមចាប់គ្រូពេទ្យជនជាតិចិននោះឲ្យបាន ដើម្បីយកមកផ្ដន្ទាទោសតាមច្បាប់ ។ ចំណែកសម្ភារពេទ្យនៅក្នុងគ្លីនិកនោះ បានរឹបអូសយកទៅប្រគល់ឲ្យមន្ទីរពេទ្យបង្អែកខេត្ត សម្រាប់ព្យាបាលអ្នកជំងឺ។
មតិរិះគន់នៅឆ្នាំ២០១៧នេះថាបើគ្រូពេទ្យចិនខាងលើជាប់ពាក់ព័ន្ធការចាប់ខ្លួនរបស់តុលាការចុះហេតុអ្វីបានបើកគ្លីនិកនៅខេត្តកំពងុធំបានរលូនយ៉ាងនេះ ហើយប្រជាពលរដ្ឋប៉ុន្មាននាក់ទៀតជួបគ្រោះថ្នាក់ដល់អាយុជីវិតដូចជនរងគ្រោះនៅខេត្តពោធិសាត់ ៕
