បាត់ដំបង÷ស្នងការដ្ឋាននគរបាលខេត្តបាត់ដំបង លោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌឃាត់ខ្លួនមុខសញ្ញាជាជនសង័្សយឆក់យកទូរស័ព្ទដៃម្នាក់ត្រូវបានសមត្ថកិច្ចនគរបាលឃាត់ខ្លួនអនុវត្តតាមច្បាប់បន្ទាប់ពីធ្វេីសកម្មភាពលួួចបានសម្រេចមួយថ្ងៃ៖
-កាលពីថ្ងៃពុធ ១១កេីត ខែមិគសិរ ឆ្នាំឆ្លូវត្រីស័កព.ស.២៥៦៥ ត្រូវនឹងថ្ងៃទី១៥ខែធ្នូ ឆ្នាំ២០២១ វេលាម៉ោង ១២ និង ១៥ នាទីនៅចំណុចភូមិកំពង់ក្របីសង្កាត់ស្វាយប៉ោក្រុងបាត់ដំបង អនុវត្តតាមយោបល់ដឹកនាំរបស់
លោកឧត្ដមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង រួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ និងដោយមានការសម្របសម្រួលលើនីតិវិធីពី ឯកឧត្តមកែវ សុជាតិ ព្រះរាជវអាជ្ញានៃអយ្យការអមសាលាដំបូងខេត្តបាត់ដំបង ផងនោះលោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាលបានដឹកនាំកម្លាំងក្រុមអន្តរាគមន៍ បង្ការ បង្ក្រាបសហការជាមួយកម្លាំងការិយាល័យ នគរបាលព្រហ្មទណ្ឌកម្រិតធ្ងន់ដែលដឹកនាំដោយលោកវរសេនីយ៍ទោ វ៉ាន់ តារ៉ា ជានាយរងការិយាល័យ ចុះប្រតិបត្តិការ បង្ក្រាប ករណីខាងលើ មួយករណី និងបានធ្វេីការនាំខ្លួនជនសង្ស័យចំនួន០១នាក់ មកកាន់ស្នងការដ្ឋាន ដេីម្បីសាកសួរស្រាវជ្រាវក្នុងនោះគឺ៖
ឈ្មោះ បូ ចាន់ដេត ភេទប្រុស អាយុ២៦ឆ្នាំ មានទីលំនៅភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបង ។
-*វត្ថុតាងដកហូតរួមមាន៖
– ម៉ូតូ ០១គ្រឿងម៉ាក ហុងដាឌ្រីម ពណ៍ខ្មៅ ស៊េរីឆ្នាំ២០១៣ ពាក់ស្លាកលេខ បាត់ដំបង 1A-2686 ជាមធ្យោបាយធ្វើសកម្មភាព។
-ទូរស័ព្ទដៃចំនួន ០២គ្រឿង (ម៉ាក Vivo Y51 និង Opp Reno4) ។
សូមជម្រាបជូនថា កាលពីថ្ងៃទី១៤ខែធ្នូ ឆ្នាំ២០២១ វេលាម៉ោង ១៥ និង ២៥នាទី នៅចំណុចភូមិ១៣មករា សង្កាត់ព្រែកព្រះស្តេច ក្រុង-ខេត្តបាត់ដំបង ជនសង្ស័យខាងលេី បានធ្វេីសកម្មភាពឆក់ទូរស័ព្ទចំនួន ០២គ្រឿង (ម៉ាក Vivo Y51 និង Opp Reno4) ពីជនរងគ្រោះឈ្មោះ ឆុន ចិន្តា ភេទស្រី អាយុ២៩ឆ្នាំ មានទីលំនៅចំណុចកើតហេតុខាងលើ ។
ក្រោយកេីតហេតុជនរងគ្រោះបានដាក់ពាក្យបណ្តឹងចូលមកសមត្ថកិច្ចនគរបាល ហេីយឆ្លងតាមរយៈការស្រាវជ្រាវនេះសមត្ថកិច្ចកំណត់មុខសញ្ញានិងឈានដល់ការឃាត់ខ្លួនតែម្តង។
បច្ចុប្បន្នការិយាល័យជំនាញកំពុងកសាងសំណុំរឿងបញ្ជូនជនសង័្សយទៅសាលាដំបូងខេត្តបាត់ដំបងចាត់ការបន្តតាមនីតិវិធី ច្បាប់ រីឯវត្ថុតាងបានប្រគល់ជូនជនរងគ្រោះវិញ ៕
