ឯកឧត្តមវេជ្ជបណ្ឌិត ស៊ូ ស៊ីផាណ្ណា ប្រធានប្រតិបត្តិ សមាគមគ្រូពេទ្យស្ម័គ្រចិត្ត យុវជនសម្តេចតេជោ តំណាង ឯកឧត្តម ហ៊ុន ម៉ាណែត និង លោកជំទាវ ពេជ ចន្ទមុន្នី បានដឹកនាំប្រតិភូនាំយកនិងប្រគល់ អំណោយសម្ភារៈប្រើប្រាស់ និង បរិក្ខារពេទ្យដ៏ថ្ងៃថ្លា របស់ឯកឧត្តម ហ៊ុន ម៉ាណែត និងលោកជំទាវ ពេជ ចន្ទមុន្នី ផ្តល់ជូនយោធិនពិការ និងមណ្ឌលសុខភាព ក្នុងមជ្ឍមណ្ឌលអភិវឌ្ឍន៍យោធិនពិការ សម្តេចតេជោ ហ៊ុន សែន គូលេន ៣១៧ សៀមរាប។

ឧត្តមសេនីយ៍ឯក ពៅ ស៊ា នាយកមជ្ឈមណ្ឌលអភិវឌ្ឍន៍យោធិនពិការ សម្តេចតេជោ ហ៊ុន សែន គូលេន ៣១៧សៀមរាប តំណាងយោធិនពិការក្នុងមណ្ឌល បានថ្លែងអំណរគុណ យ៉ាងជ្រាលជ្រៅបំផុត ចំពោះ ឯកឧត្តមវេជ្ជបណ្ឌិត ស៊ូ ស៊ីផាណ្ណា ប្រធានប្រតិបត្តិ សមាគមគ្រូពេទ្យស្ម័គ្រចិត្តយុវជនសម្តេចតេជោ និងប្រតិភូ ដែលបាននាំមកនូវអំណោយសម្ភារៈប្រើប្រាស់ និង បរិក្ខារពេទ្យដ៏ថ្ងៃថ្លា របស់ឯកឧត្តម ហ៊ុន ម៉ាណែត និងលោកជំទាវ ពេជ ចន្ទមុន្នី ផ្តល់ជូនយោធិនពិការ និងមណ្ឌលសុខភាព។

ឯកឧត្តម ពៅ ស៊ា បានថ្លែងអំណរគុណយ៉ាងជ្រាលជ្រៅ ចំពោះឯកឧត្តម ហ៊ុន ម៉ាណែត និងលោកជំទាវ ពេជ ចន្ទមន្នី ដែលតែងតែយកចិត្តទុកដាក់ពីសុខទុក្ខរបស់បងប្អូនយោធិនពិការនិងគ្រួសារ ដោយបានជួយឧបត្ថម្ភជាបន្តបន្ទាប់ ដូចជា ព្យាបាលជំងឺដោយមិនគិតថ្លៃ ថ្នាំពេទ្យ បរិក្ខារពេទ្យ សម្ភារៈប្រើប្រាស់ ផ្តល់នូវអាហារូបករណ៍ ដល់កូនចៅយោធិនពិការ ក្នុងការរៀនសូត្រថ្នាក់មហាវិទ្យាល័ យ ។ល។

ឯកឧត្តម ពៅ ស៊ា បានថ្លែងអំណរគុណដល់ សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ក្រសួងការពារជាតិ និងថ្នាក់ដឹកនាំគ្រប់ជាន់ថ្នាក់ ដែលតែងតែយកចិត្តទុកដាក់ គាំពារគ្រប់បែបយ៉ាងនាពេលកន្លងមក ទើបបច្ចុប្បន្ននេះយោធិនពិការ និងគ្រួសារ មានជីវភាព ល្អប្រសើរដូចប្រជាពលរដ្ឋទូទៅ។

ឯកឧត្តមវេជ្ជបណ្ឌិត ស៊ូ ស៊ីផាណ្ណា បាននាំពាក្យផ្តាំផ្ញើសួរសុខទុក្ខ ពីឯកឧត្តម ហ៊ុន ម៉ាណែត និង លោកជំទាវ ពេជ ចន្ទមុន្នី ដល់យោធិនពិការ ក្នុងមណ្ឌលទាំងអស់ និង បានលើកសរសើរ ដល់យោធិន ដែលបានចូលរួមអនុវត្តតាមវិធានការ របស់រាជរដ្ឋាភិបាល និង ក្រសួងសុខាភិបាល បានយ៉ាងល្អ ក្នុងការទប់ស្កាត់ កាត់ផ្តាច់ឫសគល់នៃ មេរោគកូវីដ-១៩ បានយ៉ាងល្អនៅក្នុងសហគមន៍ និងបានខិតខំក្នុងការងារបង្កបង្កើបផលកសិកម្ម ការចិញ្ចឹមសត្វរួមផ្សំ ទើបអាចធ្វើឲ្យជីវភាពក្នុងគ្រួសារមានការរីក ចម្រើនដូចបច្ចុប្បន្ននេះ។

ឯកឧត្តមវេជ្ជបណ្ឌិត ស៊ូ ស៊ីផាណ្ណា បានផ្តាំផ្ញើយោធិនទាំងអស់សូមចូលរួមអនុវត្តនូវរាល់វិធានការ របស់ក្រសួងសុខាភិបាល និង អនុសាសន៍របស់ សម្តេចតេជោ៣ការពារ ៣កុំឲ្យបានល្អ។

សូមបញ្ជាក់ថា អំណោយដែលផ្តល់ជូនរួមមាន ម៉ាស់ ចំនួន៥០០០០, អាវការពាររោគកំរិត២ ចំនួន ១០០០០, របាំងមុខ ចំនួន១០០០, ភួយចំនួន ៦៤០, ឈើច្រត់ជនពិការ ចំនួន១៥, ឈើច្រត់ជរាចំនួន ១៥,ជើងរៀន ដើរ ចំនួន១៥, ជើងរៀនដើរមានកង់ ចំនួន៥, ជែលលាងសម្អាតដៃ ចំនួន១០០០០ដប, ទឹកថ្នាំសម្លាប់មេរោគ100ml ចំនួន៤៨០ដប, ទឹកថ្នាំសម្លាប់មេរោគ៥០០ml ចំនួន៣៦០ដប, ទឹកថ្នាំសម្លាប់មេរោគ១០០០ml ចំនួន២៤០ដប, ទឹកថ្នាំសម្លាប់មេរោគ៥l ចំនួន៦០ដប, ទឹកថ្នាំសម្លាប់មេរោគ១០l ចំនួន៣០ដប, សាប៊ូលាងដៃ ២០លីត្រ ១០ដប, កូកាកូឡាកាហ្វេ ៥០កេស, Milk Tea ១០០កេស, ទឹកត្រី១១០យួរ, ទឹកស៊ីអ៊ីវ១១០យួរ, ត្រីខកំប៉ុង៤០ កេស, និង ថ្នាំពេព្យចំនួន១៩មុខផ្សេងទៀត៕