ខេត្តបាត់ដំបង ៖ ដោយមានការសង្ស័យឃ្លាំងទំនិញឈ្មោះ ចាន់ ធូមានទំនិញមិនបង់ពន្ធ កាលពីថ្ងៃទី៣-ខែកុម្ភ:-ឆ្នាំ២០១៧ ស្ថិតនៅភូមិភ្នំតូច ឃុំពេជ្រចន្តា ស្រុកភ្នុំព្រឹក ខេត្តបាត់ដំបង លោក យ៉ែម ហេមរ៉ាត់ ប្រធានគយរដ្ឋាករប្រចាំច្រកអូរំដួល បានសហការជាមួយលោក ពុទ សុខា ជំនួយការនាយកដ្ឋានបង្ការ និងបង្ក្រាបបទល្មើសសេដ្ដកិច្ចបានដឹកនាំមន្ត្រីគយចល័តក្រោមឱវាទអមដោយដីការអនុញ្ញាតអោយឆែកឆេលេខ៤៦៩ត.ទ្រដោយរួមសហការជាមួយកងរាជអាវុធហត្ថលើផ្ទៃប្រទេសព្រមទាំងអាជ្ញាធរមូលដ្ឋានគ្រប់ស្ថាប័នចុះឆែកឆេរឃ្លាំងផ្ទុកទំនិញនោះជាបន្ទាន់។
លុះដល់ម៉ោង១០.៣០នាទីថ្ងៃទី៣ខែកុម្ភ:ឆ្នាំ២០១៧សមត្ថកិច្ចគ្រប់ស្ថាប័ណ្ណយើងបានធ្វើការត្រួតពិនិត្យទំនិញនៅក្នុងឃ្លាំងដែរស្ថិតនៅទីតាំងខាងលើនោះដែលជាកម្មសិទ្ធិឈ្មោះ ចាន់ ធូ ភេទស្រីអាយុ៣២ឆ្នាំហើយនិងប្ដីជាជនជាតិថៃឈ្មោះ ចាន់ សម្ប្តត្តិ ភេទប្រុសអាយុ៥៥ឆ្នាំ ព្រមទាំងម្ចាស់ទំនិញមានឈ្មោះថា ផេង តុងហេង ភេទប្រុសអាយុ៣៣ឆ្នាំរស់នៅភូមិ គីឡូលេខ៤ សង្កាត់ផ្សារកណ្ដាល ក្រុងប៉ោយយប៉ែត ខេត្តបន្ទាយមានជ័យ រហូតដល់ម៉ោង១២.៤០នាទីទើបកម្លាំងសមត្ថកិច្ចយើងត្រួតពិនិត្យចប់ ។
ក្រោយពីត្រួតពិនិត្យរួចបានឃើញក្នុងទំនិញទាំងនោះ មានដូចជា ៖ ការបូបយួរដៃសំរាប់ស្ដ្រីចំនួន១៩៨៨គីឡូក្រាម និងកាបូបស្ពាយរបស់ស្ត្រីចំនួន២៨៥គីឡូក្រាម ព្រមទាំងខ្សែក្រវ៉ាត់មានចំនួន២៤០ខ្សែ ស្មើនិង២៤គីឡូក្រាម មុខទំនិញទាំងនោះសុទ្ទតែគ្មានពន្ធនាំចូលទេ ។ ដោយឃើញទំនិញទាំងអស់នោះសុទ្ទតែអត់មានពន្ធដូច្នេះ មន្ត្រីគយបានសម្រេចឃាត់ទំនិញបទល្មើសទាំងអស់នោះរក្សាទុកនៅទីស្នាក់ការគយនិងរដ្ឋាករច្រកអូររំដួល ដែលស្ថិតនៅភូមិអូរឃុំពេជ្រចន្ដា ស្រុកភ្នំព្រឹក ខេត្តបាត់ដំបង រួចធ្វើកំណត់ហេតុល្មើសច្បាប់គយ ដើម្បីបញ្ជូនទៅអគ្គនាយកដ្ឋានគយ និងរដ្ឋាករកម្ពុជា ដើម្បីរង់ចាំសេចក្ដីសម្រេចវិនិច្ឆ័យដ៏ខ្ពង់ខ្ពស់ពី ឯកឧត្តមអគ្គនាយក នៃអគ្គនយកដ្ឋានគយនិងរដ្ឋាករកម្ពុជា៕
