ខេត្តប៉ៃលិន ៖ ជនសង្ស័យចំនួន២នាក់ ត្រូវបាននគរបាលនៃអធិការក្រុងប៉ៃលិន ចា ប់ឃាត់ខ្លួន តាមពាក្យបណ្តឹងរបស់ម្ចាស់រថយន្ត និងម្ចាស់ផ្ទះ បន្ទាប់ពីពួកគេបានយកដែក ទៅវាយបំបែកកញ្ចក់រថយន្ត បន្ទាប់មកលួចចូលក្នុងផ្ទះប្រជាពលរដ្ឋនៅពេលយប់ដោយប៉ុ នប៉ងលួចទ្រព្យសម្បត្តិ ។ តែបន្ទាប់ពីម្ចាស់ផ្ទះដឹងទាន់ ទើបនាំគ្នារត់គេចខ្លួន លុះក្រោយម ក ក៏ដាក់ពាក្យបណ្តឹងទៅនគរបាលឱ្យធ្វើការចាប់ឃាត់ខ្លួនតែម្តង ។
ប្រភពព័ត៌មានបានឱ្យដឹងថា ការចាប់ឃាត់ខ្លួន ជនសង្ស័យទាំងពីរនាក់ខាងលើនេះ បានធ្វើឡើងកាលពីវថ្ងៃទី02 ខែកុម្ភៈ ឆ្នាំ2017 ស្ថិតក្នុងភូមិ ផ្សារព្រំ ឃុំស្ទឹងកាច់ ស្រុកសា លាក្រៅ ដោយចាប់បានចំនួន02នាក់ ទី1. ឈ្មោះ សៀង ចិត្ត ភេទប្រុស អាយុ23 ឆ្នាំ ទី.02 ឈ្មោះ សន រ៉ាវី ភេទប្រុស អាយុ 20ឆ្នាំ រស់នៅក្នុងភូមិកើតហេតុខាងលើ ដោយបានយកដែកជ្រុងទំហំប្រហែល02សម និង ប្រវែង30 សម ទៅវាយបំបែកកញ្ចក់រថយន្តកូរ៉េ នៅវេ លាម៉ោងប្រមាណ02 រំលងអធ្រាត្រ ។
ប្រភពបន្តទៀតថា ក្រោយពីបានវាយកញ្ចក់រថយន្តរួច ពួកគេបានបន្តដំណើរទៅចំណុចដីថ្មីស្អិត ស្ថិតក្នុងភូមិផ្សារព្រំ ឃុំស្ទឹងកាច់ ដើម្បីប៉ុនប៉ងចូលលំនៅឋានប្រជាពលរដ្ឋមួយកន្លែងទៀត ដោយប៉ុនប៉ងលួចទ្រព្យសម្បត្តិ ។ តែត្រូវម្ចា ស់ផ្ទះឃើញទាន់ ស្រាប់តែជនសង្ស័រត់គេចខ្លួននៅវេលាម៉ោង03និង 30នាទីរំលងអធ្រត្រ តែម្តង ។ រហូតដល់ព្រឹកថ្ងៃទី០២ ខែកុម្ភៈ ម្ចាស់រថយន្ត និងម្ចាស់ផ្ទះ បានទៅដាក់ពាក្យនៅ ប៉ុស្តិ៍នគរបាលឃុំស្ទឹងកាច់ លុះក្រោយទទួលបានពាក្យបណ្ដឹង កំលាំងជំនាញបានចុះធ្វើកា រស្រាវជ្រាវ ស៊ើបអង្កេត ទើបឈានទៅដល់ការឃាត់ខ្លួនជនសង្ស័យទាំង02នាក់ខាងលើ។ បច្ចុប្បន្ននគរបាលនៃអធិការដ្ឋានស្រុកសាលាក្រៅ បានរៀបចំកសាងសំណុំរឿង ដើម្បីបញ្ជូនជនសង្ស័យទាំងពីរនាក់ទៅស្នងការដ្ឋាននគរបាលខេត្ត ដើម្បីអនុវត្តន៍តាមនីតិវិធីច្បា ប់ ។
សូមបញ្ជាក់ផងដែរថា បច្ចុប្បន្ននេះ ដោយសារតែឥទ្ធិពល នៃគ្រឿងញៀន និងល្បែងស៊ីសងគ្រប់ប្រភេទ ដូចជាបៀរ អាប៉ោង និងកន្ទុយលេខឆ្នោត ដែលពលរដ្ឋលួចលា ក់លេងនៅតាមផ្ទះ តាមផ្សារ ទើបធ្វើឱ្យនៅតាមភូមិឃុំនានាជាច្រើន មានចោរលួច ឆក់ ប្លន់ កាប់សម្លាប់ ក៏កាន់តែសាហាវ និងច្រើនឡើងៗ ធ្វើឱ្យប្រជាពលរដ្ឋជាច្រើនរស់នៅក្នុងលំនៅឋាន មានសេចក្តីភ័យខ្លាចចំពោះសន្តិសុខសុវត្ថិភាពយ៉ាងខ្លាំង ជាពិសេសភូមិឃុំមា នសុវត្ថិភាពទាំង៩ចំណុច ហាក់ដូចជាអត់សូវមានប្រសិទ្ធភាពនោះទេ ៕
ដោយ ៖ នីយ៉ា
