ខេត្តព្រះវិហារ ៖ មន្ដ្រីផ្នែករដ្ឋបាលព្រៃឈើឆែប និងសង្កាត់រដ្ឋបាលព្រៃឈើជ័យសែន សហការកម្លាំងអាវុធហត្ថ កម្លាំងនគរបាល បង្ក្រាបសិប្បកម្មកែឆ្នៃ១កន្លែង គ្មានលិខិតអនុញ្ញាតពីរដ្ឋបាលព្រៃឈើ ដកហូតឈើប្រណិតធ្នង់ចំនួន ៦៤ដុំ សុក្រមចំនួន ១៩ដុំ និងឈើកកោះ៣សន្លឹក នាថ្ងៃទី០៣ ខែកុម្ភៈ ឆ្នាំ២០១៧ រោងសិប្បកម្ម នៅអូរស្នៀត ឃុំតស៊ូ ស្រុកជ័យសែន ខេត្តព្រះវិហារ។
សមត្ថកិច្ចបានដកហូតឈើប្រភេទប្រណិត(ធ្នង់)ចំនួន ៦៤ដុំ/សន្លឹក ស្មើនឹង ២,៦៦៣ម៉ែត្រត្រីគុណ។ ឈើប្រភេទលេខ១(សុក្រម)ចំនួន ១៩ដុំ ស្មើនឹង ១,០៤៤ម៉ែត្រត្រីគុណ។ ឈើអារប្រភេទលេខ១(កកោះ) ០៣សន្លឹក ស្មើនឹង ០,១២២ម៉ែត្រត្រីគុណ។ សរុបរួម ៨៦ដុំ ស្មើនឹង ៣,៨២៩ម៉ែត្រត្រីគុណ រួមនឹងសំភារៈមួយចំនួនទៀត។
វត្ថុតាងលើ្មសខាងលើត្រូវបានយកមករក្សាទុកនៅស្នាក់ការ សង្កាត់រដ្ឋបាលព្រៃឈើជ័យសែនជាបណ្តោះអាសន្ន ដើម្បីរៀបចំសំណុំរឿងតាមនីតិវិធី ៕
