ត្បូងឃ្មុំ៖ នៅសាលាឃុំ ទន្លូង បានរៀបចំគម្រោងនៃការដេញថ្លៃ ផ្លូវបេតុងអាមេចំនួន១ខ្សែការសាងសង់ឬការងារសាងសង់ផ្លូវបេតុងអាមេប្រវែង ០.២១២គ.ម ទទឹង ៦ម៉ែត្រ កម្រាស់បេតុង ១៥០មម។
ការថែទាំ
រយៈពេល០៦ខែតំលៃប៉ាន់ស្មាន១៥៩.៤២៨.៨០០រៀល (មួយរយហាសិបប្រាំបួនលានបួនរយម្ភៃប្រាំបីពាន់ប្រាំបីរយរៀលគត់)។
ការបើកសំណើរដេញថ្លៃនេះធ្វើឡើងនៅសាលា ទន្លូង នៅព្រឹកថ្ងៃពុធ ៤រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកញ្ញា ឆ្នាំ២០២៦។
ក្រុមហ៊ុនទទួលបានគម្រោងសាងសង់មានឈ្មោះក្រុមហ៊ុន ទ្រីម៉ារឌី ឈ្មោះអ្នកដាក់សំណើរដេញថ្លៃ ទ្រីម៉ារឌី ដេញថ្លៃបានចំនួនទឹកប្រាក់ ១៥៥,៨២០,០០០រៀល តម្លៃទាបជាងគេ ដែលអាចទទួលយកបាន។
គេសង្កេតឃើញថាក្នុងការដេញថ្លៃគម្រោងនេះមានក្រុមហ៊ុនជាច្រើនដែលមកដាក់សំណើរនៃការដេញថ្លៃតែដល់ពេលដេញថ្លៃគឺមានតែ០៦ក្រុមហ៊ុនធំៗនិងមានទឹកលុយច្រើនប៉ុណ្ណោះដែលបានដាក់ចូលដេញថ្លៃ ដោយក្រុមហ៊ុនផ្សេងៗទៀតនោះមិនបានដាក់ដេញថ្លៃនោះទេ ដែលគេហៅថា(គម្រោងមិនបែក)។
ប្រភពបានឲ្យដឹងថានៅមុនពេលដេញថ្លៃមានក្រុមហ៊ុនមួយបានដើរនិយាយថ្លៃជាមួយក្រុមហ៊ុនផ្សេងៗទៀតដែលខ្លួនចង់បានហើយពេលត្រូវរ៉ូវគ្នាហើយនោះក្រុមហ៊ុនផ្សេងទៀតនោះមិនអាចដាក់សំណើរដេញថ្លៃបានទេដោយចាំទទួលផលប្រយោជន៍ពីអ្នកចង់បានគម្រោងធ្វើផ្លូវនេះដែលគេហៅថាគម្រោងចរចា ។
មហាជនលើកឡើងថា ទង្វើបែបនេះធ្វើឲ្យបាត់បង់ថវិកាជាតិដែលរាជរដ្ឋាភិបាលបានដាក់ថវិកានេះដើម្បីឲ្យអភិវឌ្ឍន៍ភូមិឃុំសង្កាត់តែបែរជាបុគ្គលមួយចំនួនយកថវិការបស់រដ្ឋ នេះដាក់ក្នុងខោប៉ៅរៀងៗខ្លួនទៅវិញ ។
ទន្ទឹមនេះផងដែរពួកគាត់នាំគ្នាសប្បាយចិត្តនិងសាទរ រាជរដ្ឋាភិបាលក៏ដូចជាអាជ្ញាធរភូមិឃុំស្រុក ដែលបង្កើតគម្រោងសាងសង់ផ្លូវនានានៅក្នុងភូមិឬសហគមន៍ដើម្បីឲ្យទៅប្រជាពលរដ្ឋធ្វើដំណើរ ក៏ដូចជាដឹកជញ្ជូនកសិផលទៅកាន់ទីផ្សារបានយ៉ាងងាយស្រួលផងដែរ។
ពលរដ្ឋសុំសំណូមប្រដល់អាជ្ញាធរពាក់ព័ន្ធគ្រប់លំដាប់ថ្នាក់ក្នុងខេត្ដត្បូងឃ្មុំមេត្តាដាក់មន្ត្រីជំនាញ ស៊ើបអង្កេតករណីគម្រោងនៃការដេញថ្លៃសាងសង់ផ្លូវបេតុងអាមេ នៅសាលាឃុំទន្លូងស្រុកមេមត់ខេត្តត្បូងឃ្មុំនេះផងទានដើម្បីរក្សាថវិការបស់រដ្ឋដើម្បីអភិវឌ្ឍន៍ភូមិឃុំបន្តទៀត ។
អង្គភាពសារព័ត៌មានយើងនិងរង់ចាំធ្វើការផ្សាយជាបន្តបន្ទាប់ប្រសិនបើមានការពន្យល់បកស្រាយពីអាជ្ញាធរពាក់ព័ន្ធឬសមុីភាគីពាក់ព័ន្ធរៀងរាល់ម៉ោងធ្វើការ ៕សូមអរគុណ!
