សេចក្ដីប្រកាសគាំទ្ររបស់ឧត្តមសេនីយ៍ទោខូវ លីជាស្នងកាដ្ឋាននគរបាលខេត្តកំពង់ឆ្នាំង

យើងខ្ញុំទាំងអស់គ្នា ជាថ្នាក់ដឹកនាំ និងមន្ត្រីនគរបាល នៃស្នងការដ្ឋាននគរបាលខេត្ត កំពង់ឆ្នាំង សូមប្រកាសគាំទ្រ យ៉ាងពេញទំហឹង ចំពោះ ប្រសាសន៍ដ៏ខ្ពង់ខ្ពស់ របស់សម្តេច អគ្គមហាសេនាបតីតេជោ ហ៊ុន សែន នាយករដ្ឌមន្ត្រី នៃព្រះរាជាណាចក្រកម្ពុជា ក្នុងការប្រកាសគាំទ្រ ឯកឧត្តម ហ៊ុន ម៉ាណែត ជាបេក្ខភាព នាយករដ្ឋមន្ត្រី នាពេលអនាគត ។

ក្នុងនាមស្នងការ ស្នងការរង និងមន្ត្រីនគរបាល នៃស្នងការដ្ឋាននគរបាលខេត្តកំពង់ឆ្នាំង​ ទាំងអស់បានសម្លឹងឃើញ ពីភាពឆ្លាតវៃ ស័ក្តិសម ជាយូរណាស់មកហើយ ព្រោះថា ឯកឧត្តម ហ៊ុន ម៉ាណែត គឺជាយុវជនជំនាន់ថ្មី និងជាឥស្សរជន ថ្នាក់ដឹកនាំខ្មែរដ៏ឆ្នើមមួយរូប របស់ កម្ពុជា ដែលពោរពេញទៅដោយ សមត្ថភាព និងទេពកោសល្យខ្ពស់ ព្រមទាំងមានគុណធម៌ សីលធម៌ ដែលត្រូវបាន កងកម្លាំងប្រដាប់អាវុធ មន្ត្រីរាជការ និងប្រជាពលរដ្ឋ មានការគោរព និងកោតសរសើរ ហើយ ឯកឧត្តម បាននឹងកំពុងតែរួមចំណែកយ៉ាងសកម្ម ក្នុងការបំពេញ បេសកកម្ម ដើម្បីបុព្វហេតុជាតិ មាតុភូមិ និងប្រជាជនកម្ពុជាយើង ។

យើងខ្ញុំ ជាថ្នាក់ដឹកនាំ និងមន្ត្រីនគរបាល នៃស្នងការដ្ឋាននគរបាលខេត្តកំពង់ឆ្នាំង ទាំងអស់ មានជំនឿយ៉ាងមុតមាំថា ឯកឧត្តម ហ៊ុន ម៉ាណែត ពិតជាឥស្សរជនដ៏ឆ្នើម ដែលស័ក្ដិសម អនាគត ជា​ នាយករដ្ឋមន្រ្តី នៃព្រះរាជាណាចក្រកម្ពុជា ដើម្បីបន្តវេន ដឹកនាំ ការពារបូរណភាពទឹកដី សុខសន្តិភាព និងសុវត្ថិភាពសង្គម លើកកម្ពស់កិត្យានុភាពជាតិ និងការអភិវឌ្ឍជាតិ ឲ្យកាន់តែមានភាពរីកចម្រើនលើគ្រប់វិស័យ ដើម្បីវិបុលភាព សេចក្តីសុខ និង សុភមង្គល របស់ប្រជាជនកម្ពុជាយើង ៕