ខេត្តឧត្តមានជ័យ ៖ អតីតៈយុទ្ធជនដែលពិការដៃមួយចំហៀងម្នាក់ឈ្មោះឃួន បានភេទប្រុសអាយុ៤៨ឆ្នាំនិងប្រពន្ធឈ្មោះគន វួចអាយុ៤៦ឆ្នាំ រស់នៅក្នុងជីវភាពក្រក្សត់ រកព្រឹកខ្វះល្ងាច ដែលមានកូននៅក្នុងបន្ទុក៥នាក់ នៅក្នុងភូមិត្រពាំងធំ ឃុំលំទង ស្រុកអន្លង់វែង ខេត្តឧត្តមានជ័យ ។ សព្វថ្ងៃនេះ ក្រុមគ្រួរសារជនពិការកំពុងតែប្រឈម និងអត់ដីស្រែចំការបង្កបង្កើនផលបន្ថែមមួយកំរិតទៀត ក្រោយពីដីស្រែចំការរបស់ពួកគាត់ដែលបានកាន់កាប់និងអាស្រ័យផលពាក់កណ្ដាលជីវិតមក ព្រមទាំងមានប័ណ្ណកម្មសិទ្ធិ 01 វាស់វែង ដោយក្រុមយុវជនស្ម័គ្រចិត្តរបស់សម្ដេចតេជោ ហ៊ុន សែន ផងនោះ ពេលនេះត្រូវបានលោក ជន រះ មេឃុំលំទង និងបុរសរូបសង្ហា យិន រ៉ាឌី ប្រធានការរិយ៉ាលយ័ភូមិបាលបានក្លែងឯកសារសារធារណៈ ដោយធ្វើលិខិតកាន់កាប់ដីធ្លីអោយទៅអ្នកផ្សេង ។
មិនតែប៉ុណ្ណោះផលដំណាំដំឡូង ដែលគ្រួរសារជនពិការបង្ករបង្កើនផលបាន ត្រូវបានអ្នកទិញដីគោះយកទាំងអស់ គ្មានសល់ និងគំរាមផ្ដឹងគ្រួសារក្រខ្សត់របស់ជនពិការន្ថែមទៀត ដោយគេអាងអំណាចអាជ្ញាធរភូមិ ឃុំ និងប្រធានសុរិយោដីស្រុកនៅពីក្រោយខ្នង បង្វែសុំនុំរឿងនិងក្លែងឯកសារ ។
អ៊ុំស្រី ដែលបានទៅគោះដំឡូងមីនៅក្នុងដីចំការរបស់ជនពិការបានអះអាងថា រូបគាត់បានទិញដីចំការចំនួន៥ហិកតានេះ ពីអតីតៈអភិបាលស្រុកអន្លង់វែង ដោយមានលិខិតកាន់កាប់បញ្ជាក់ពីលោក ជន រះ មេឃុំលំទងនិងមួយច្បាប់ទៀតចេញដោយលោក យិន រ៉ាឌី ប្រធានការិយ៉ាលយ័ភូមិបាលស្រុកអន្លង់វែង ។ គ្រួសារជនពិការដែលត្រូវបានគេរំលោភយកដីស្រែចំការអស់នោះ បានលើកឡើងថា ពួកគាត់បានមករស់នៅទីកន្លែងនេះមុនគេ ដែលសុទ្ធសឹងជាព្រៃឈើស្រោង ទ្រុបទ្រុល ក្រោយក្រុមយុវជនរបស់សម្ដេចតេជោធ្វើការវាស់វែងរួច ។ ផ្ទៃដីនៅជុំវិញដីចំការរបស់គាត់រាប់រយហិកតា ដែលហ៊ុំពទ្ធ័ដោយព្រៃឈើស្រោងទ្រុបទ្រុល ដែលមិនបានធ្វើការវាស់វែងច្បាប់ ០១ ពេលនេះ ត្រូវបានក្រុមអាជ្ញាធរខាងលើឃុបឃិតគ្នាលក់គ្មានសល់ ។
លោក យិន រ៉ាឌី ប្រធានការិយាលយ័ភូមិបាលបានផ្ទៀងផ្ទាត់លើផ្លង់០១មួយ របស់ជនពិការនិងផ្លង់ចេញដោយរូបលោកនោះ មិនត្រួតស៊ីគ្នានោះទេ គឺនៅដាច់ដោយឡែកពីទៅបីរយម៉ែតពីគ្នាលោកបានបន្ថែមថា លោកមិនដឹងច្បាស់ទេថា ខាងភាគីជនពិការរំលោភទៅលើម្ខាងទៀត រឺម្ខាងទៀតរំលោភ មកលើដីជនពិការនោះឡើយ ។
លោក ខួន បានជាជនពិការបានសុំអំពាវនាវដល់ឯកឧត្តម ស ថាវី អភិបាលនៃគណះអភិបាលខេត្តឧត្តមានជ័យជួយអន្តរាគមន៍ជូនដល់គ្រួសារគាត់ផងដែលគ្រួសាររបស់គាត់មានដីចំការតែ៥ហិកតា ប៉ុណ្ណោះ សម្រាប់បង្ករបង្កើនផលចញ្ចឹមជីវិតបែជាអាជ្ញាធរថ្នាក់ក្រោមបាននាំបក្សពួកយកកាំភ្លើងទៅបាញ់គំរាមពីរគ្រប់ផ្លន់យកដីរបស់គាត់លក់អស់ ៕
