កំពង់ចាម ៖ អធិការនគរបាលស្រុលជើងព្រៃ បានបញ្ជូនខ្លួន អតិតទណ្ឌិតម្មាក់ ដែលបានដោះលែហឲ្យមានសេរីភាពថ្មីៗ ឲ្យទៅនៅក្នុងពន្ធនាគារ ជាលើកទី២ម្តងទៀត ព្រោះតែទណ្ឌិតម្នាក់នេះមិនកែខ្លួន ដោយបានចាប់រំលោភសេពសន្ថវ រហូតបានសំរេច លើនារីមានសតិមិនល្អ ។
លោកវរសេនីយ៍ត្រី យ៉ែម សុផល អធិការរងនគរបាលស្រុកជើងព្រៃ បានឲ្យដឹងថា ករណីរំលោភសេពសន្ថវ នេះបានកើតឡើង នៅវេលាម៉ោង១៣:០០នាទី ថ្ងៃទី២៨ មករា ២០១៧ នៅក្រោមផ្ទះឈ្មោះ សំ ហន ភេទប្រុស អាយុ៦៣ឆ្នាំ ជាឪពុកនារីរងគ្រោះ មានទីលំនៅភូមិសង្កែ ឃុំស្តើងជ័យ ស្រុកជើងព្រៃ ខេត្តកំពង់ចាម។
ជនសង្ស័យត្រូវបានសមត្ថកិច្ច ចាប់ខ្លួនឈ្មោះ ឆុំ ស៊ឺន ភេទប្រុស អាយុ៣៥ឆ្នាំ មានទីលំនៅភូមិ-ឃុំកើតហេងុខាងលើ ជាអតីតទណ្ឌិត ត្រូវបានដោះលែងចេញពីពន្ធនាគារ កាលពីថ្ងៃទី២១ កក្តដា ២០១៦ ពីបទប្រទូស្តកេរ្តិ៍ខ្មាស់ ។
ចំណែកនារីរងគ្រោះឈ្មោះ (ហ.យ) អាយុ៣៤ឆ្នាំ ជាមនុស្សមានសតិមិនល្អ មានផ្ទះក្បែរជនសង្ស័យ ភូមិ-ឃុំកើតហេតុ ។
ស្ត្រីរងគ្រោះ បានឲ្យដឹងថា នៅពេលកើតហេតុ នាងនៅក្រោមផ្ទះតែម្នាក់ឯង ពេលនោះស្រាប់តែមានឈ្មោះ ឆុំ ស៊ឺន ភេទប្រុស បានចូលមកដល់ក្រោមផ្ទះ ចាប់នាងផ្តួលទៅលើគ្រែ ហើយរំលោភសេពសន្ថវ រហូតបានសំរេច ខណៈនោះឪពុកនាងបានមកទាន់ ចាប់ឈ្មោះ ឆុំ ស៊ឺន ប្រគល់ជូនសមត្ថកិច្ច ។
លោក សំ ហន (ឪពុកនារីរងគ្រោះ) បានឲ្យដឹងថា នៅមុនពេលកើតហេតុ លោកបានយកម៉ូតូទៅលាង ពេលលាងម៉ូតូហើយ ក៍បណ្តើរម៉ូតូមកទុកក្រោមផ្ទះ ក៍បានឃើញឈ្មោះ ឆុំ ស៊ឺន កំពុងរំលោភសេពសន្ថវ កូនស្រីរបស់ខ្លួន ឃើញដូច្នេះ លោកក៍បានចូលទៅចាប់ឈ្មោះ ឆុំ ស៊ឺន ប្រគល់ឲ្យសមត្ថកិច្ច ។
ជនសង្ស័យ បានសារភាពថា នៅមុនពេលកើតហេតុ ខ្លួនបាននៅក្រោយផ្ទះផ្លាសខ្សែចំណងគោ ហើយដើរត្រឡប់មកវិញ ស្រាប់តែឈ្មោះ ហ.យ នៅក្បែផ្ទះស្រែកហៅខ្លួនឲ្យទៅជិត ហើយក៍បបួលខ្លួនរួមភេទ ។ ឆុំ ស៊ឺន (ជនសង្ស័យ) បន្តថា ពេលរួមភេទរួចបានសំរេចហើយ ស្រាប់តែឪពុកនាងមកទាន់ ក៍ចាប់ប្រគល់ឲ្យសមត្ថកិច្ចតែម្តង ។ ជនសង្ស័យ ត្រូវបានសមត្ថកិច្ច កសាងសំណុំរឿង បញ្ជូនទៅតុលាការ ចាត់ការតាមនីតិវិធី ។
ដារ៉ា
