ខេត្តបន្ទាយមានជ័យ ៖ ឯកឧត្តម សាយសំអាល់ រដ្ឋមន្ត្រីក្រសួងបរិស្ថាន លោកសួនបវរអភិបាលខេត្តបន្ទាយមានជ័យ លោក លី សារី អភិបាលរងខេត្តបន្ទាយមានជ័យ និងមន្ត្រីពាក់ព័ន្ធជាច្រើននាក់ទៀត បានបើកកិច្ចប្រជុំពិភាគ្សាដើម្បីស្វែងរកដំណោះស្រាយលើផលប៉ះពាល់ផ្ទៃអាងស្តុបទឹកអូរខៃដន កាលពី ព្រឹកថ្ងៃទី៣១ខែមករាឆ្នាំ២០១៧នៅសាលាខេត្តបន្ទាយមានជ័យ ។
ក្នុងកិច្ចប្រជុំនោះ លោក សួន បវរ បានមានប្រសាសន៍ថា ថ្ងៃនេះ នៅក្នុងសាលប្រជុំសាលាខេត្តបន្ទាយមានជ័យ បានបើកកិច្ចប្រជុំពិភាគ្សាដើម្បីរកដំណោះស្រាយលើផលប៉ះពាល់ផ្ទៃអាងទឹកអូរខៃដនតាមការស្នើសុំរបស់ក្រុមហ៊ុនអានកូ វ៉ធើសើបផ្លាយ ។
លោក សួន បវរ បានបញ្ជាក់ទៀតថា អាងស្តុបទឹកអូរខៃដនស្ថិតនៅក្នុងទីប្រជុំជនក្រុងប៉ោយប៉ែត ក្នុងភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យអាងនេះ លាតសន្ធឹងស្របតាមផ្លូវរថភ្លើងប្រវែង៤គីឡូម៉ែត្រ មានបណ្តោយប្រវែង៧គីឡូម៉ែត្រ អាងនេះសាងសង់ក្នុងសម័យខ្មែរក្រហម ។
ឯកឧត្តម សួន បវរ បានបញ្ជាក់ទៀតថា អាងអូរខៃដនវាបានផ្តល់អត្ថប្រយោជន៍ជាច្រើនលើការងារផ្គត់ផ្គង់ ដល់ការប្រើប្រាស់របស់ក្រុងប៉ោយប៉ែត យកទឹកស្រោចស្រព្វលើវិស័យកសិកម្ម របស់ក្រុងប៉ោយប៉ែត ស្រុកអូរជ្រៅ និងតំបន់នៅជំវិញមួយចំនួនទៀត ក្នុងការពង្រីកក្នុងការធ្វើស្រែតាមបែបប្រពលវប្បកម្ម ស្រែប្រាំង ឬស្រែបង្កើនរដូវដំណាំរួមផ្សំនានាដើម្បីយកទៅផ្គត់ផ្គង់ក្រុងប៉ោយប៉ែត និងអាចក្លាយជារមនីយដ្ឋានសម្រាប់ការកំសាន្តរបស់ប្រជាពលរដ្ឋក្នុងខេត្តបន្ទាយមានជ័យបានទើតផង ។
ឯកឧត្តម សួន បវរ បានបញ្ជាក់ទៀតថា អាងអូរខៃដនវាបានផ្តល់អត្ថប្រយោជន៍ជាច្រើនក៏ពិតម៉ែន តែក៏វាប្រឈមនិងផលប៉ះពាល់នានា ដែលយើងពិនិត្យជារួមមានអាងទឹកបោះបង់ចោលយូរពេក ធ្វើឲ្យប្រជាពលរដ្ឋចូលទៅរស់នៅក្នុងអាងចាប់យកផ្ទៃអាងធ្វើស្រែចំការ ក្រៅពីនេះ ក៏នៅមានការប៉ះពាល់ទៅលើប្រជាពលរដ្ឋមួយចំនួន ដែលរស់នៅក្នុងតំបន់អាងនេះ ព្រោះនៅពេលរដូវវស្សាទឹកធ្លាក់មកពីថៃច្រើនធ្វើឲ្យលិចផ្ទះប្រជាពលរដ្ឋ ។ ក្រោយពីជួសជុលអាងរួចអាងមានផ្ទៃទឹកច្រើនគ្របដណ្តប់ទៅលើឈើព្រៃនៃតំបន់នេះ អាចបាត់បង់ដោយសារផ្ទៃទឹក ។
ក្នុងកិច្ចប្រជុំនោះដែរឯកឧត្តម សាយ សំអាល់ លោកសុំឲ្យប្រធានមន្ទីរពាក់ព័ន្ធ អាជ្ញាធម៌មូលដ្ឋាន ពិសេសស្រុក ក្រុង និងក្រុមហ៊ុនអានកូវ៉ធើរសឹបផ្លាយ ក្នុងកិច្ចប្រជុំនេះត្រូវលើកឲ្យអស់នូវបញ្ហាប្រឈមពាក់ព័ន្ធក្នុងអាអូរខៃដននេះ ដើម្បីរួមគ្នាដោះស្រាយ និងមួយចំនួនដោះស្រាយមិនបានត្រូវសុំអនុសាសន៍ និងគោលការណ៍ពីសម្តេចតេជោ ហ៊ុន សែន ជួយរកដំណោះស្រាយផលប៉ះពាល់ផ្ទៃអាងស្តុបទឹកអូរខៃដន ក្នុងខេត្តបន្ទាយមានជ័យនេះបន្តទៀត ៕
