ខេត្តបន្ទាយមានជ័យ ៖ លោកឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយជ័យ បានដឹកនាំកម្លាំងអាវុធហត្ថជាច្រើននាក់ នាំយកអំណោយរបស់អង្គភាពអាវុធហត្ថខេត្ត ទៅចែកជូនដល់គ្រួសារដែលពិការ៣នាក់ ជីដូន ម្តាយ និងចៅ និងស្ត្រីចំណាស់ម្នាក់ទៀតមានជំងឺ១នាក់រ៉ាំរ៉ៃ នៅព្រឹកថ្ងៃទី៣០ ខែមករា ឆ្នាំ២០១៧ នៅក្នុងភូមិស្រះរាំង ឃុំ ស្រះរាំង ស្រុកមង្គលបូរី ខេត្តបន្ទាយមានជ័យ។
លោកឧត្តមសេនីយ៍ត្រី ឱ បូរិន្ទ បានមានប្រសាសន៍ថា ជនពិការទាំងគ្រួសារនោះមានឈ្មោះ ខៀវ អាំ ភេទស្រី អាយុ៧៩ឆ្នាំ ជរាពិការ កូនស្រីមានឈ្មោះសំ ទឹម អាយុ៥២ឆ្នាំ ពិការដៃខាងស្ដាំ និងចៅស្រី ឈ្មោះសូត រ៉ាវី អាយុ២០ឆ្នាំ ពិការកើត(ជម្ងឺស្កន់) នឹងធ្វើពិធីប្រគល់ បង្គន់អនាម័យ០១បន្ទប់ ចំណាយអស់ថវិកាអស់៤៥០ដុល្លា អង្ករ១ការុង ទឹកបរិសុទ្ធវីតាល់១កេស ទឹកផ្លែឈើ១កេស និងថវិកាចំនួន១០ម៉ឺន រៀល ។
ក្នុងនោះដែរ លោកឧត្ដមសេនីយ៍ត្រី ឱ បូរិន្ទ បានឲ្យម្ចាស់អគ្គីសនីប្រចាំឃុំស្រះរាំងមកតភ្លើងរដ្ឋដាក់ក្នុងផ្ទះឲ្យប្រើប្រាស់តាមតម្រូវការបន្ថែមទៀតផង។
លោកឧត្ដមសេនីយ៍ត្រី បានមានប្រសាសន៍ឲ្យដឹងទៀតថា គ្រួសារមួយនេះអង្គភាពអាវុធហត្ថខេត្ត បានជួយឧបត្ថម្ភ ជាអង្ករ១ការុង និងថវិការ១០មឺុនរៀលជារៀងរាល់ខែ រហូតអស់មួយជីវិត
របស់គាត់ទៀតផង។
ស្របពេលនោះដែរ លោកឧត្តមសេនីយ៍ត្រី ឱ បូរិន្ទ និងសហការី បានចុះទៅសួរសុខទុក្ខ ស្ត្រីម្នាក់ទៀតឈ្មោះហាច ឈាវ អាយុ៦២ឆ្នាំ ដែលកើតជម្ងឺទឹកនោមផ្អែម និងជម្ងឺផ្សេងទៀតយ៉ាងធ្ងន់ធ្ងរដែលមានរយៈពេល២ឆ្នាំមកហើយដើរមិនរួច រស់នៅភូមិគោកក្រសាំង ឃុំស្រះរាំង ស្រុកមង្គលបូរី ខេត្តបន្ទាយមានជ័យ ហើយបានជួយឧបត្ថម្ភថវិកាចំនួន៦០មឺុនរៀលផងដែរ។
លោកឧត្តមសេនីយ៍ត្រី ឱបូរិន្ទ បានមានប្រសាសន៍ផ្តាំផ្ញើរដល់បងប្អូនដែលបានទទួលអំណោយពីអង្គភាពអាវុធហត្ថថា ការនាំយកអំណោយចែកជូនដល់ប្រជាពលរដ្ឋជួបការលំបាកនេះមិនប្រកាន់និន្នាការនយោបាយគណបក្សណាឡើយ។
លោកឧត្ដមសេនីយ៍ត្រី ឱ បូរិន្ទ បានធ្វើការផ្ដាំផ្ញើដល់មន្ត្រីមូលដ្ឋានថា បើប្រជាពលរដ្ឋណាម្នាក់ជួបការលំបាក សុំឲ្យរាយការណ៍មកអង្គភាពអាវុធហត្ថ លោកនឹងចាត់ចែងយកអំណោយមកប្រគល់ជូនពួកគាត់ឲ្យទាន់ពេលវេលាតាមលទ្ធភាពដែលអាចជួយបាន ៕
