សម្ថកិច្ចខេត្តបាត់ដំបងចាប់ខ្លួនបុរសម្នាក់ពីបទ លួចយកកាបូប
បាត់ដំបង÷ជនសង័្សយលួចបានទ្រព្យសម្បត្តិដែលបានធ្វេីសកម្មភាពចូលលួចដល់ក្នុងផ្ទះលួចបានកាបូប។ចោរអស់លាក់រូបនេះត្រូវបានសមត្ថកិច្ចឃាត់ខ្លួនក្រោយលួចយកទូរស័ព្ទរបស់ជនរងគ្រោះបានមួយថ្ងៃរួចមក។
កាលពីថ្ងៃ អាទិត្យ ៣រោចខែកត្តិកឆ្នាំឆ្លូវត្រីស័កព.ស.២៥៦៥ត្រូវនឹងថ្ងៃទី ២០ ខែ វិច្ឆិកា ឆ្នាំ២០២១ វេលាម៉ោង២១និង៣៨នាទីនៅចំណុចស្តុបផ្សារលេី ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបងអនុវត្តតាមការណែនាំរបស់លោក ឧត្ដមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង រួមជាមួយយោបល់លោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ និងដោយបានការសម្របសម្រួលលើនីតិវិធីពីឯកឧត្តមកែវ សុជាតិព្រះរាជអាជ្ញានៃអយ្យការអមសាលាដំបូងខេត្តបាត់ដំបង ផងនោះលោក វរសេនីយ៍ឯក ឈឿង គឹមសុងនាយការិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប សហការជាមួយ កម្លាំងនគរបាលព្រហ្មទណ្ឌកម្រិតធ្ងន់ ដែលដឹកនាំដោយលោកវរសេនីយ៍ទោ វ៉ាន់តារា ជានាយរងការិយាល័យ ចុះប្រតិបត្តិការបង្ក្រាបករណីលួច(យកកាបូប)០១ ករណី និងបានធ្វេីការនាំខ្លួនជនសង្ស័យ ០១ នាក់ ឈ្មោះ យន្ត សុភា ភេទប្រុស អាយុ ៣៥ ឆ្នាំ មានទីលំនៅ ភូមិវត្តតាមិម ឃុំអូរដំបង១ ស្រុកសង្កែ ខេត្តបាត់ដំបងនិងដកហូតវត្ថុតាងដកហូតរួមមាន ៖
- ទូរស័ព្ទដៃម៉ាក iphone 6plus ពណ៌ ទឹកមាស ចំនួន ០១ គ្រឿង
-កាបូបខ្មៅ០១
-អត្តសញ្ញាណប័ណ្ណ បណ័្ណធនាគារនិងប័ណ្ណចាក់វាក់សាំងរួមទាំងកូនសោរមួយចំនួនផង( ជារបស់ជនរងគ្រោះ )
សូមជម្រាបជូនថាកាលពីថ្ងៃទី ១៩ ខែវិច្ឆិកា ឆ្នាំ ២០២១ វេលាម៉ោង ០៩និង៤០ នាទី នៅចំណុចផ្ទះរបស់ជនរងគ្រោះ ឈ្មោះ ទូច វណ្ណារិទ្ធ ភេទប្រុស អាយុ ៣៧ ឆ្នាំ ស្ថិតក្នុងភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង ជនសង្ស័យខាងលេីបានធ្វេីសកម្មភាពជិះកង់តាមផ្លូវមុខផ្ទះរបស់ជនរងគ្រោះ ដោយឃេីញផ្ទះរបស់ជនរងគ្រោះបេីកទ្វារធំ និង មិនឃេីញមានមនុស្សនៅផ្ទះជនសង្ស័យក៏ចូលទៅលួចយកកាបូបស្ពាយរបស់ជនរងគ្រោះដែលទុកនៅលេីតុខាងក្រោយរថយន្ត របស់ជនរងគ្រោះ រួចរត់គេចខ្លួនបាត់ ដែលនៅក្នុងកាបូបនោះមានទ្រព្យសម្បត្តិដូចខាងលេី។
នៅពេលដែលដឹងថាសម្ភារៈរបស់ខ្លួនត្រូវជនសង័្សយលួចយកទៅបាត់នោះជនរងគ្រោះបានដាក់ពាក្យបណ្តឹងចូលមកសមត្ថកិច្ចនគរបាល ហេីយឆ្លងតាមរយៈការស្រាវជ្រាវទេីបសមត្ថកិច្ចកំណត់មុខសញ្ញាបាននិងឈានដល់ការឃាត់ខ្លួនតែម្តង។
នៅពេលនេះការិយាល័យជំនាញកំពុងកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ច្បាប់ រីឯទ្រព្យសម្បត្តិបានប្រគល់ជូនម្ចាស់វិញ៕
