ខេត្តបាត់ដំបង ៖ ឯកឧត្ដម ហ៊ុន ម៉ាណែត អគ្គមេបញ្ជាការរងកងទ័ពជើងគោក បានសំណេះសំណាល ពង្រឹងស្មារតីនិងបំពាក់ឋានន្តរសក្ដិ ជូននាយទាហានដែលចូលបំរើកងទ័ពក្នុងឆ្នាំ១៩៧៩រហូតដល់ឆ្នាំ២០១៧ ចំនួន៤២១នាក់ នៅព្រឹកថ្ងៃទី២៦ ខែមករា ឆ្នាំ២០១៧ នៅបរវេណមជ្ឈមណ្ឌលសុភមង្គលស្ថិតក្នុង សង្កាត់ទួលតាឯក ក្រុងបាត់ដំបងដែលមាននាយទាហានត្រូវបំពាក់ចំនួន៤២១នាក់ ក្នុងនោះមានថ្នាក់ -ឧត្តមសេនីយ៍ចំនួន៤១នាក់ -ថ្នាក់វរសេនីយ៍ឯកចំនួន៩៥នាក់ -ថ្នាក់វរសេនីយ៍ទោចំនួន១៤០នាក់ -ថ្នាក់វរសេនីយ៍ត្រីចំនួន៦៨នាក់ -ថ្នាក់អនុសេនីយ៍ឯកចំនួន៣៥នាក់ -ថ្នាក់អនុសេនីយ៍ទោចំនួន១០នាក់ -ថ្នាក់អនុសេនីយ៍ត្រីចំនួន២១នាក់ និងថ្នាក់ចំណុងចំនួន២១នាក់។
ឯកឧត្ដម ហ៊ុន ម៉ាណែត បានមានប្រសាសន៍ថា ៖ ការបំពាក់ឋានន្តរសក្ដិ ជូននាយទាហាននាពេលនេះ គឺជាការលើកផ្តល់កិត្តិយសនិងដឹងគុណ ចំពោះកងទ័ព ដែលបានបម្រើជាតិមាតុភូមិជាពិសេសនៅក្នុងដំណាក់កាលគ្រាលំបាកបំផុត។
ឯកឧត្ដមបន្តថា ការជ្រើសរើសយកតែកងទ័ពបំរើកាងារនៅក្នុងគោលនយោបាយឆ្នាំ១៩៧៩ ចុះយកមកបំពាក់ថ្ងៃនេះ គឺជាព្រឹត្តិការប្រវត្តិសាស្ត្រងងឹតបំផុត ដែលប្រទេសជាតិយើងរងរបបតាំងពីលន់ណុលទំលាក់គ្រាប់រងការលំបាកបំផុត ។ ហើយក្រៅពីគោលនយោបាយឆ្នាំ១៩៧៩ចុះនេះថ្នាក់ដឹកនាំក្រសួងក៍កំពុងពិចារណាទៅលើគោលនយោបាយផ្សេងទៀត ហើយបើសិនបងប្អូនកងទ័ព ដែលមានឈ្មោះហើយនៅអត់ទាន់បានបំពាក់ សូមកុំភ័យ គឺនឹងអាចបំពាក់នៅតង់ទី២ឆាប់ៗនេះ នៅមុនថ្ងៃចូលឆ្នាំខ្មែរខាងមុខនេះ ៕
