ខេត្តបន្ទាយមានជ័យ ៖ លោកជំទាវម៉ៅ ម៉ាល័យ កែ គឹមយ៉ាន ឧបនាយករដ្ឋមន្ត្រីអជ្ញាធរជាតិ ប្រយុទ្ធប្រឆាំងគ្រឿងញៀន ដឹកនាំប្រតិភូ ជំទាវមកពីភ្នំពេញ ខេត្តបាត់ដំបង ខេត្តបន្ទាយមានជ័យ ចុះសួរសុខទុក្ខប្រជាពលរដ្ឋ កាលថ្ងៃទី២៤ ខែមករា ឆ្នាំ២០១៧ នៅភូមិអូរវេងខាងជើង ឃុំតាបែន ស្រុកស្វាយចេកខេត្តបន្ទាយមានជ័យ។
លោកជំទាវម៉ៅ ម៉ាល័យ កែ គឹមយ៉ាន និងក្រុមការងារ បានចុះពិនិត្យទៅតាមផ្ទះ ប្រជាពលរដ្ឋនិមួយៗឃើញពលរដ្ឋមានជីវភាពសមរមនិងមានសេចក្តីសុខសប្បាយជាងមុនឆ្នាំ១៩៧៩ដល់១៩៩៣។នៅឆ្នាំ១៩៨០ទោះជារាជរដ្ឋាភិបាលកម្ពុជា របស់គណបក្សប្រជាជនកម្ពុជាដែលមានសម្តេចអគ្គសេនាបតីតេជោហ៊ុនសែននាយករដ្ឋមន្ត្រីកម្ពុជា បានដឹកនាំកម្លាំងរំដោះប្រទេសជាតិឲ្យរួចផុតពីរបបប្រល័យពូជសាសន៍ប៉ុលពតក៏ដោយនៅទឹកដីនេះនៅមានសង្គ្រាមរាំរ៉ៃបាញ់គ្នាឥតឈប់ឈធ្វើឲ្យប្រជាពលរដ្ឋរស់នៅគ្មានក្តីសុខ ។ លុះក្រោយឆ្នាំ១៩៩៣ រាជរដ្ឋាភិបាលកម្ពុជា ដែលមានសម្តេចអគ្គសេនាបតីតេជោហ៊ុនសែននាយករដ្ឋមន្ត្រីបានប្រើនយោបាយឈ្នះឈ្នះឲ្យខ្មែរចេះស្រលាញ់គ្នាបង្រួបបង្រួមជាតិឈប់ច្បាំងគ្នាដោយប្រើប្រាស់កាំភ្លើងចូលរួមបោះឆ្នោតដោយលទ្ធិប្រជាធិបតេយ្យទើបប្រជាពលរដ្ឋនៅតាមតំបន់សង្គ្រាមរាំរ៉ៃទាំងអស់ទទួលសន្តិភាពពេញលេញនិងប្រកបរបរចិញ្ចឹមជីវិតបានធូរធារដូចនៅភូមិអូរវេងខាងជើង នេះដែរ ។ ក្រោមការដឹកនាំរបស់ប្រមុខរាជរដ្ឋាភិបាលកម្ពុជា ដែលមានសម្តេចអគ្គសេនាបតីតេជោហ៊ុនសែននាយករដ្ឋមន្ត្រីមានការរីកចំរើនការអភីវឌ្ឍន៍ ស្ពាន ថ្នល់ សាលារៀន មន្ទីរពេទ្យ វត្តអារាម ធនធានមនុស្សនិងជីវភាពសំបូរសប្បាយជាងមុន ។ ក្នុងនោះដែរ ក្រុមលោកជំទាវបានជូនសារុង មី និងលុយខ្លះ ជូនចាស់ជរាក្នុងភូមិផងដែរ។
ប្រជាពលរដ្ឋបានពោលថា បើគ្មានការបញ្ចប់សង្គ្រាមពួកគាត់ពិតជារស់លំបាកដោយការគេចគ្រាប់កាំភ្លើងហើយកូនចៅក៏មិនបានរៀនសូត្រហើយក៏គ្មានដីដាំដុះសំរាប់ចិញ្ចឹមជីវិតដែរនេះដោយមានសម្តេចអគ្គសេនាបតីតេជោហ៊ុនសែននាយករដ្ឋមន្ត្រីមានការបង្រួបបង្រួមជាតិឲ្យមានសន្តិភាព ។ ប្រជាពលរដ្ឋបានថ្លែង អំណរគុណដល់ក្រុមលោកជំទាវ ជាពិសេសលោកជំទាវម៉ៅ ម៉ាល័យ កែ គឹមយ៉ានជានិច្ចជាកាលតែងតែចុះសួរសុខទុក្ខប្រជាពលរដ្ឋក្នុងស្រុកស្វាយចេកដោយគ្មានការរើសអើងនិងជូនពរដល់ក្រុមងារងារជួបសេចក្តីសុខនិងមានសុខភាពល្អគ្រប់ៗគ្នា ៕
