ខេត្តរតនគិរី ៖ នៅសាលប្រជុំ សាលាខេត្តរតនគិរីបានរៀបចំ ពិធីប្រកាសតែងតាំងប្រធាន មន្ទីរបរិស្ថានខេត្ត នាព្រឹកថ្ងៃទី ១១ ខែមករា ឆ្នាំ២០១៧ ក្រោមអធិបតីភាព ឯកឧត្តម សាយ សំអាល់ រដ្ឋមន្ត្រីក្រសួង បរិស្ថាន ដោយមានការចូល រួមពី ឯកឧត្តម ថង សាវុន អភិបាលគណៈអភិបាលខេត្ត រតនគិរី លោក ណាប់ ប៊ុនហេង សមាជិកក្រុមប្រឹក្សាខេត្តកង កម្លាំងប្រដាប់អាវុធទាំង៣ ប្រភេទនិងមន្ត្រីរាជការជុំវិញ ខេត្តប្រមាណជាង១០០នាក់។
ថ្លែងនៅក្នុងឱកាសនោះ ឯកឧត្តម ថង សាវុន អភិបាល គណៈអភិបាលខេត្តរតនគិរី បានផ្តាំផ្ញើរដល់លោក ផុន ខេមរិន្ទ បច្ចុប្បន្នជាអនុប្រធាន ស្តីទីត្រូវក្រសួងបរិស្ថានប្រកាសតែងតាំងជាប្រធានមន្ទីរ បរិស្ថានខេត្តរតនគិរីថ្មីជំនួស លោក ជូ សុភ័ក្ត្រ ប្រធានមន្ទីរបរិស្ថានចាស់ត្រូវផ្ទេរភារ កិច្ចទៅកាន់ប្រធាននាយកដ្ឋាន អភិរក្សធន់ធានធម្មជាតិដែន គោកខាងកើតទន្លេមេគង្គនៃ អគ្គនាយកដ្ឋានរដ្ឋបាលការ ពារនិងអភិរក្សាធន់ធានធម្មជាតិនៃក្រសួងបរិស្ថានវិញថា ឱ្យខិតខំយកចិត្តទុកដាក់ចំពោះការងារនិងគោលនយោបាយរាជរដ្ឋាភិបាលក៏ដូចជាក្រសួងបរិស្ថានដាក់ចុះត្រូវយកចិត្ត ទុកដាក់លើការងារគ្រប់គ្រង និងការងារផ្តល់សេវាជូន ប្រជាពលរដ្ឋបន្តការងារ ទំនាក់ទំនងអោយបានល្អជា មួយអង្គភាពពាក់ព័ន្ធនិងអង្គ ការជាដៃគូរសង្គមស៊ីវិល នានា ។
ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និង ឯកឧត្តម ថង សាវុន បាន ប្រគល់នូវសេចក្តីប្រកាស់តែង តាំងនិងត្រាជូនដល់លោក ផុន ខេមរិន្ទ ប្រធានមន្ទីរបរិស្ថានថ្មីចប់សព្វគ្រប់ ។
លោក ផុន ខេមរិន្ទ ប្រធានមន្ទីរបរិស្ថានថ្មីបានឡើង ប្តេជ្ញាចិត្តស្មោះត្រង់គោរព និងអនុវត្តអោយបានខ្ជាប់ខ្ជួន ជានិច្ចនូវគោលនយោបាយ របស់រាជរដ្ឋាភិបាលកម្ពុជា ដែលមានសម្តេចអគ្គមហាបតី តេជោ ហ៊ុន សែន ជាប្រមុខ ដឹកនាំដ៏ឆ្នើមអោយទទួលបាន ជោគជ័យ ។ ខិតខំយកចិត្ត ទុកដាក់ឱ្យអស់ពីសមត្ថភាព កម្លាំងកាយចិត្តនិងស្មារតី បំពេញការងារប្រកបដោយ ឆន្ទះទទួលខុសត្រូវខ្ពស់និង ប្រកាន់ខ្ជាប់នូវសិលធម៍ ឥរិយាបថ ជាអ្នកដឹកនាំ ។
ចូលរួមគោរពជានិច្ចតាម គោលការណ៍ដឹកនាំការចាត់ តាំងការណែនាំរបស់ក្រសួង និងការណែនាំរបស់ថ្នាក់ដឹកនាំ ខេត្តពង្រឹងសាមគ្គីផ្ទៃក្នុងនិង ពង្រីកទំនាក់ទំនងល្អកិច្ចសហ ប្រតិបត្តិការណ៍ជាប់ជាប្រចាំ ជាមួយអង្គភាពនានាអាជ្ញាធរ ពាក់ព័ន្ធ ដើម្បីលើកកំពស់ ប្រសិទ្ធិភាពការងារចូលរួម ទប់ស្កាត់និងបង្ក្រាបរាល់បទ ល្មើសធន់ធានធម្មជាតិសំដៅ ពង្រឹងការអនុវត្តច្បាប់ឱ្យបាន ប្រសិទ្ធភាពស្របតាមគោល ការណ៍ណែនាំរបស់ក្រសួង និងសារាចរណែនាំលេខ០៥ ស.រ.ណ.ន របស់រាជរដ្ឋាភិបាលកម្ពុជា ស្តីពីវិធានការចាំ បាច់នានាក្នុងការពង្រឹងការ គ្រប់គ្រងធម្មជាតិ ។
ចង់ចាំជានិច្ចប្រសាសន៍ ណែនាំផ្តាំផ្ញើរដ៏ថ្លៃថ្លាប្រកប ដោយអត្ថន័យលើការងារ គ្រប់គ្រងនិងការផ្តល់សេវា ជូនប្រជាពលរដ្ឋអោយមាន ប្រសិទ្ធិភាពខ្ពស់ ។ ឯកឧត្តម រដ្ឋមន្ត្រីក៏បានថ្លែងការផ្តាំផ្ញើរ ដល់មន្ត្រីទើបតែប្រកាសតែង តាំងអោយយកចិត្តទុកដាក់ ពិសេសបន្តអនុវត្តយុទ្ធសាស្ត្រ ចតុកោណតំណាក់កាលទី៣ និតិកាលទី៥ នៃរដ្ឋសភា និង លើកកំពស់ស្ថានភាពប្រសិទ្ធិ ភាពការជឿទុកចិត្តក្នុងការ ផ្តល់សេវាសាធារណៈប្រកប ដោយគុណភាពតាមរយៈការ ប្រកាន់ខ្ជាប់នូវឆន្ទៈម្ចាស់ការ ភក្តីភាព និងមនសិកាវិជ្ជាជីវៈ របស់មន្ត្រីរាជការដែលជា លក្ខខណ្ឌដ៏ចាំបាច់មួយដើម្បី ឱ្យសម្រេចនូវគោលបំណងនៃ ការដំណើរការកែទម្រង់ ជាពិសេសសហការកែទម្រង់ ជាសាធារណៈ ។ ឯកឧត្តម បន្តថាក្រសួងនិងរៀបចំកាត់ បន្ថយដីសម្បទានពី៩០ឆ្នាំ មកត្រឹម៥០ឆ្នាំ ដើម្បីងាយ ស្រួលអោយប្រជាពលរដ្ឋក្នុង ការប្រកបមុខរបរកសិកម្មបន្ត ពីក្រុមហ៊ុនដែលវិនិយោគជា មួយរាជរដ្ឋាភិបាល ហើយ បែងចែកដីកសិកម្មនិងដីអភិរក្សអោយច្បាស់លាស់ហើយ មិនបំពានទៅលើដីកសិកម្ម ដែលប្រជាពលរដ្ឋដាំដុះកសិផលនោះឡើយ ៕
