ខេត្តសៀមរាប ៖ នៅក្នុងពិធី ប្រកាសតែងតាំងលោក ទា គឹមសុទ្ធ ជាប្រធានមន្ទីរកសិកម្មរុក្ខាប្រមាញ់ និងនេសាទ នៅព្រឹកថ្ងៃទី ៣០ ខែធ្នូនេះ ឯកឧត្តម ឃឹម ប៊ុនសុង អភិបាលខេត្តសៀមរាប បានមាន ប្រសាសន៍ថា បច្ចុប្បន្ននេះ បញ្ហាបទល្មើសជលផល ព្រៃ ឈើ បានកំពុងស្ថិតនៅចំណុច ក្តៅដែលរាជរដ្ឋាភិបាលកម្ពុជា កំពុងតែយកចិត្តទុកដាក់ និង បញ្ជាឱ្យបង្ក្រាបយ៉ាងខ្លាំងក្លា បំផុត ។
ឯកឧត្តមបានស្នើឱ្យប្រធាន មន្ទីរកសិកម្មរុក្ខាប្រមាញ់ និង នេសាទដែលទើបតែតាំងថ្មី ត្រូវបង្កើនការបង្ក្រាបបទ ល្មើសជលផល ព្រៃឈើ ការ ពារតំបន់អភិរក្សតំបន់ព្រៃលិច ទឹកក៏ដូចជា តំបន់ដែលមាន សក្តានុពលធនធានធម្មជាតិ ពាក់ព័ន្ធដទៃទៀត ឱ្យមាន ប្រសិទ្ធភាពខ្ពស់ ។
ជាពិសេសត្រូវត្រួតពិនិត្យ តាមដានមើលប្រភពអុស ដែលសិប្បកម្មឡឥដ្ឋប្រើប្រាស់ ដើម្បីឱ្យប្រាកដថា ឈើអុស ទាំងអស់នោះមិនមានប្រភព មកពីតំបន់អភិរក្សនិងតំបន់ ធនធានធម្មជាតិដែលស្ថិតនៅ ក្រោមការគ្រប់គ្រងរបស់ប្រជាពលរដ្ឋ និងសហគមន៍។
លោកបញ្ជាក់ថា បើយើង គ្រប់គ្រង និងត្រួតពិនិត្យតាម ដានមិនបានល្អទេនោះ ការ កាប់ឈើអុសនេះអាចបង្កទៅ ជាបទល្មើសព្រៃឈើបាន ។
លោក ទា គឹមសុទ្ធ ជា ប្រធានមន្ទីរកសិកម្មរុក្ខាប្រមាញ់ និងនេសាទ ដែលទើប តែតាំងថ្មីបានប្តេជ្ញាថានិងខិត ខំឱ្យអស់ពីលទ្ធភាពក្នុងបំពេញ ភារកិច្ចនេះឱ្យបានល្អប្រសើរ ជាពិសេស គឺការបង្ក្រាបបទ ល្មើស ជលផល ព្រៃឈើ ការពារតំបន់អភិរក្សតំបន់ព្រៃ លិចទឹកក៏ដូចជាតំបន់ដែល មានសក្តានុពលធនធានធម្មជាតិពាក់ព័ន្ធដទៃទៀត ដែល អភិបាលខេត្តបានដាក់ជូននៅ ពេលនេះ ។
ជាមួយនេះលោកនឹង សហការជាមួយស្ថាប័នពាក់ ព័ន្ធនានាក្នុងការស្វែងរកទីផ្សារកសិផលពង្រឹងគុណភាព ទំនិញកសិកម្ម ការធ្វើទំនើប កម្មបច្ចេកទេសកសិកម្ម ព្រម ទាំងវិធានការបង្ការគ្រោះ មហន្តរាយនៃជំងឺសត្វដំណាំ ស្រូវដំណាំរួមផ្សំឱ្យកាន់តែ មានភាពល្អប្រសើរ ៕
