លោកឧត្ដមសេនីយ៍ត្រី ឈុន ប៊ុនទី មេបញ្ជាការរង កងរាជអាវុធហត្ថរាជធានីភ្នំពេញ
នាំយកថវិការលោកឧត្តមសេនីយ៍ឯក រ័ត្ន ស៊្រាង ជូនដល់ យុវជន សល់ ធា ជានិស្សិតឆ្នាំទី៤ បានបញ្ចប់ បរិញ្ញាបត្រ ថ្នាក់ឧត្តមសិក្សា
ភ្នំពេញ÷លោកឧត្ដមសេនីយ៍ត្រី ឈុន ប៊ុនទី មេបញ្ជាការរង កងរាជអាវុធហត្ថរាជធានីភ្នំពេញ
បានទទួលគោេរពនូវ
វប្បធម៌ជួយគ្នាក្នុងគ្រាមានទុក្ខលំបាកដែរ គំនិតផ្ដួចផ្ដើម របស់ លោកឧត្តមសេនីយ៍ឯក រ័ត្ន ស៊្រាង នេះជាសំណាងរបស់
យុវជនម្នាក់ដែរទទួលបានការឧបត្ថម្ភ ថ្លៃសេវាសិក្សាឆ្នាំទី៤ តាមការសន្យារបស់ លោកឧត្តមសេនីយ៍ឯក រ័ត្ន ស៊្រាង!
នាព្រឹក ថ្ងៃទី២៧ ខែតុលា ឆ្នាំ២០២១ លោកឧត្ដមសេនីយ៍ត្រី ឈុន ប៊ុនទី មេបញ្ជាការរង កងរាជអាវុធហត្ថរាជធានីភ្នំពេញ ជាតំណាង ដ៏ខ្ពង់ខ្ពស់ របស់ លោកឧត្តមសេនីយ៍ឯក រ័ត្ន ស៊្រាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ និងជាប្រធានក្រុមការងាររាជរដ្ឋាភិបាល ចុះមូលដ្ឋានខណ្ឌដង្កោ រាជធានីភ្នំពេញ បាន នាំយកថវិការជូនដល់យុវជនឈ្មោះ សល់ ធា អាយុ២១ឆ្នាំ ជានិស្សិត បរិញ្ញាបត្រ ឆ្នាំទី៤ តាមការសន្យា ជួយបង់សេវាថ្លៃសិក្សា ក្នុងមួយឆ្នាំចំនួន៥០០$ ជារៀងរាល់ឆ្នាំ រហូតដល់បញ្ចប់ ថ្នាក់ឧត្តមសិក្សា។ យុវជនឈ្មោះ សល់ ធា អាយុ២១ឆ្នាំ គឺត្រូវជាចៅបង្កើតរបស់សពលោក ប៉ាន់ ប៉ន អតីតចៅសង្កាត់រងទី១ សង្កាត់ព្រែកកំពឹស និងជា អតីត:សកម្មជនគណបក្សCNRP ដែលបានមកចូលរួមជីវភាពនយោបាយ ជាមួយគណបក្សប្រជាជនកម្ពុជា កាលពីថ្ងៃទី ហើយបានទទួលអនិច្ចកម្ម កាលពីខែវិច្ឆិកា ឆ្នាំ២០១៩។
គួររំលឹកដែរថា គ្រាដែលលោក ប៉ាន់ ប៉ន បានទទួលអនិច្ចកម្ម លោកឧត្តមសេនីយ៍ឯក រ័ត្ន ស៊្រាង បាននាំយកសម្ភារ: ថវិកា ទៅចូលរួម រំលែកទុក្ខដល់ក្រុមគ្រួសារនៃសពដោយផ្ទាល់ និងបានសំណេះសំណាលជាមួយក្រុមគ្រួសារនៃសព ដឹងថាមានចៅប្រុសម្នាក់របស់សព កំពុងតែបន្តការសិក្សាឆ្នាំទី១ នៅមហាវិទ្យាល័យ ហើយអាចនឹងមិនបានរៀន តទៅទៀត ដោយសារលោក ប៉ាន់ ដែលជាអ្នកជួយផ្គត់ផ្គង់ការសិក្សា បានស្លាប់នោះ ឯកឧត្តម រ័ត្ន ស៊្រាង ក៏បានធានា ជួយឧបត្ថម្ភ ថ្លៃសិក្សាឲ្យយុវជន សល់ ធា ចាប់ពីឆ្នាំសិក្សាទី២រហូតដល់បញ្ចប់មហាវិទ្យាល័យ ក្នុង១ឆ្នាំ ៥០០$ ដោយមិនឲ្យអាកខានការសិក្សាឡើយ៕
