សមាជិកគណបក្សសង្គ្រោះជាតិ ៣រូបនិងប្រជាពលរដ្ឋ ៤៦នាក់ផ្សេងទៀតស្ម័គ្រចិត្តរួមមាគ៌ាជាមួយគណបក្សប្រជាជនកម្ពុជា ក្រោមការដឹកនាំដ៏ឈ្លាសវៃរបស់សម្តេចតេជោ
[កណ្ដាល]៖នាព្រឹកថ្ងៃទី ២៧ ខែតុលា ឆ្នាំ ២០២១ នៅស្នាក់ការគណបក្សប្រជាជនកម្ពុជាស្រុកស្អាង អ្នកឧកញ៉ា លី សាម៉េត ឯកឧត្តម ដួង តារា រដ្ឋលេខាធិការទីស្ដីការគណៈរដ្ឋមន្ត្រី និងជាជំនួយការផ្ទាល់សម្ដេចតេជោ ដោយមានការទទួល ស្វាគមន៍យ៉ាងយកចិត្តទុកដាក់ពី លោក ញ៉ឹម វណ្ណឌិន អភិបាលស្រុក និងជាប្រធានគណបក្ស ប្រជាជនកម្ពុជាស្រុកស្អាង លោកអភិបាលរងស្រុក មន្ត្រីរបស់គណបក្សប្រជាជនម្ពុជាស្រុក រួមនិងតំណាងក្រុមហ៊ុនមួយចំនួនដែលស្រ ឡាញ់គណបក្សប្រជាជនកម្ពុជា បានចុះមកជួបដើម្បីសួរសុខទុក្ខដល់ប្រជាពលរដ្ឋចំនួន៤៩ នាក់ ដែលមកពីឃុំទឹកវិល ឃុំព្រៃគយ និងឃុំស្អាងភ្នំ ស្រុកស្អាង ខេត្តកណ្ដាល ដែលពីមុនពួកគាត់ជាសមាជិកនៃគណបក្សសង្គ្រោះជាតិ។
នៅក្នុងឱកាសនោះផងដែរ អ្នកឧកញ៉ា លីសាម៉េត បានមានប្រសាសន៍សំណេះសំ ណាលថា លោកពិតជាសប្បាយចិត្តខ្លាំងណាស់នៅពេលឃើញសមាជិកសមាជិការបស់គណបក្សសង្គ្រោះជាតិដែលភ្ញាក់រលឹក ចូលមករួមរស់ និងដើរតាមមាគ៌ារបស់គណបក្សប្រជាជនកម្ពុជា ដែលមានសម្ដេចអគ្គមហាសេនាបតីតេជោ ហ៊ុនសែន ជាប្រមុខ។ ហើយគណបក្ស ប្រជាជនកម្ពុជាបើកទ្វារចំហ ស្វាគមន៍ជានិច្ចមិនថាបងប្អូនមកពីគណបក្សណានោះទេ ឲ្យតែមានបំណងរួមរស់ ចូលរួមជាមួយគណបក្សប្រជាជនកម្ពុជាដើម្បីកសាងជាតិ គណបក្សប្រជាជនកម្ពុជា នឹងគាំទ្រ ១០០% ។ ហើយសម្ដេចអគ្គមហាសេនាបតីតេជោ ហ៊ុន សែន ជាប្រមុខដឹកនាំរបស់គណបក្សប្រជាជនកម្ពុជាតែងតែទុកបងប្អូនប្រជាពលរដ្ឋជាប្រជាពលរដ្ឋរបស់លោកទាំងអស់មិនថាមកពីគណបក្សនយោបាយណានោះទេ។
ឯកឧត្តម ដួង តារា រដ្ឋលេខាធិការទីស្ដីការគណៈរដ្ឋមន្ត្រីនិងជាជំនួយការផ្ទាល់សម្ដេចតេជោ បានមានប្រសាសន៍សំ ណេះសំណាលក្នុងឱកាសនោះផងដែរថាឯកឧត្តមសប្បាយរីករាយខ្លាំងណាស់ដែលមានឱកាសបម្រើការងារជាជំនួយ ការផ្ទាល់របស់សម្ដេចតេជោ និងកាន់តែរីករាយទៀតនោះនៅពេលដែលឃើញប្រទេសកម្ពុជាមានការរីកចម្រើន ហើយស្មារតីរបស់គណបក្សប្រជាជនកម្ពុជាចង់ឃើញប្រជាជនមានការរួបរួម រួមរស់ សាមគ្គី រឹងមាំជាមួយគ្នា ក្រោមការដឹកនាំដ៏ឧត្តុងឧត្តមរបស់សម្ដេចអគ្គមហាសេនាបតីតេជោ ហ៊ុន សែន ដែលជាប្រធានគណបក្សប្រជាជនកម្ពុជា ។
ក្នុងឱកាសដ៏វិសេសវិសាលនោះផងដែរ សមាជិកគណបក្សសង្គ្រោះជាតិចំនួន៣ រូបដែលតំណាងឱ្យសមាជិកគណបក្សសង្គ្រោះជាតិចំនួន ៤៦ នាក់ផ្សេងទៀតរួមមាន :
១ លោក លឿង សារុន អតីតមេឃុំទឹកវិល
២ លោក អ៉ឹម សុខលី អតីតក្រុមប្រឹក្សាឃុំទឹកវិល
៣ លោក ទីង ណាខន អតីតយុវជនស្រុកស្អាង
បានធ្វើការពាក់អាវ និងមួករបស់គណ បក្សប្រជាជនកម្ពុជានៅក្នុងអង្គពិធីនោះផងដែរ ដើម្បីបង្ហាញអំពីការជឿជាក់ ឆន្ទៈមោះមុត ក្នុងការរួមមាគ៌ាជាមួយនឹងគណបក្សប្រជាជនកម្ពុជា។
លោក លឿង សារុន អតីតមេឃុំទឹកវិលដែលពីមុនជាសមាជិករបស់គណបក្សសង្គ្រោះជាតិ បានបង្ហាញនូវអារម្មណ៍ពិតរបស់លោកផងដែរថាមូលហេតុដែគាត់ សម្រេចចិត្តចូលរួមជាមួយគណបក្ស ប្រជាជនគឺដោយសារគាត់ចង់មានឱកាសបម្រើប្រជាជនបន្តទៀត ហើយម្យ៉ាងទៀតក្រោមការដឹកនាំរបស់សម្ដេចតេជោគឺមាន សន្តិភាព មានការរីកចម្រើនទៅមុខជានិច្ច ព្រមទាំងមានការយកចិត្តទុកដាក់ចំពោះប្រជាពលរដ្ឋគ្រប់ទីកន្លែង។ ហើយរឿងដែលសំខាន់បំផុតដែលលោកចង់បង្ហាញគឺ កត្តាចម្បងដែលលោកចូលរួមជាមួយគណបក្សប្រជាជនកម្ពុជាដោយសារលោកបានឃើញពីសកម្មភាពរបស់ឯកឧត្តម ដួង តារា ដែលជាមន្ត្រីដែលល្អ បម្រើប្រជាពលរដ្ឋពិតប្រាកដ ដោយគ្មានការរើស អើង។ ហើយលោកក៏បានបន្ថែមថាបើសិនជាមានមន្ត្រីល្អៗ យកចិត្តទុកដាក់ប្រជាពលរដ្ឋដូចឯកឧត្តម ដួង តារា គឺពិតជាធ្វើអោយប្រទេសកម្ពុជាយើងមានការរីកចម្រើនខ្លាំង។
នាយចុងនៃកម្មវិធីព្រឹកនេះផងដែរសមាជិកសមាជិកាទាំង ៤៩ រូបក៏បានទទួលនូវអំណោយក្នុងម្នាក់ៗទទួលបាន អង្គរចំនួន ២០គីឡូក្រាម ត្រីខ០១យួរ ទឹកសុទ្ធ០១កេស មី០១កេស ទឹកលាងដៃមួយដប ម៉ាស់មួយប្រអប់ និងថវិកាចំនួន ៥ម៉ឺនរៀលផងដែរ ។
បន្ទាប់ពីអង្គពិធីបានចប់សព្វគ្រប់ ឯកឧត្តមដួង តារា និងអ្នកឧកញ៉ា លី សាម៉េត បានចុះទៅផ្ទះលោក លឿង សារុន ផ្ទាល់ដើម្បីពិនិត្យមើលស្ថានភាពភូមិសាស្រ្តជាក់ស្ដែង ក៏ដូចជាការរស់នៅរបស់ប្រជាពលរដ្ឋ ដើម្បីបង្ហាញពីការយកចិត្តទុកដាក់និងផ្ដល់ភាពកក់ក្តៅក្នុងការចូលមកកាន់គណបក្សប្រជាជនកម្ពុជា៕
