ខេត្តពោធិ៍សាត់ ៖ កម្លាំងមន្ត្រីP.Mផ្ទៃប្រទេសសហការជាមួយកម្លាំងចម្រុះខេត្ត មានលក្ខណះទ្រង់ទាយធំ បានប្រើធម៌ក្តៅចំពោះបទល្មើសព្រៃឈើក្នុងដែនជម្រកសត្វព្រៃឧិរ៉ាល់ ស្រុកក្រវាញ ចាប់ពីថ្ងៃទី២៨ ខែធ្នូ ឆ្នាំ២០១៦ មកដល់ថ្ងៃទី៥ ខែមករា ឆ្នាំ២០១៧នេះ រកឃើញឈើប្រណិតជាង១០០ម៉ែតគីប ។
យោងតាមប្រភពបានឲ្យដឹងថា ៖ រយះពេលបីថ្ងៃចុងក្រោយនេះ កម្លាំងP.Mផ្ទៃប្រទេសបានចូលរុករកក្នុងដែនជម្រកប្រទះឃើញឈើប្រណិត ដែលក្រុមឈ្មួញលួចលាក់ក្នុងព្រៃបានជាបន្តបន្ទាប់ រហូតដល់ចំណុចវាលស្រែតាសៃ និងចំណុចអំពិល ស្ថិតក្នុងឃុំសន្ទែ ស្រុកក្រវាញ បានជួបកន្លែងស្តុបឈើធំ មានឈើប្រណិតជាង១០០ម៉ែតគីប ដែលកន្លងមកគេមិនដែលឃើញមន្ត្រីបរិស្ថាន បង្ក្រាបបានច្រើនដូច្នេះនោះទេ។
ប្រភពដដែលបានបន្តថា ៖ កន្លែងស្តុបឈើនៅចំណុចខាងលើ គឺជាកន្លែងហាមឃាត់ប្រជាពលរដ្ឋ ឬសមត្ថកិច្ចគ្មានតួនាទីមិនអាចចូលបានឡើយ។
ប៉ុន្តែគេសង្កេតឃើញក្រុមឈ្មួញដឹកឈើចេញនៅចំណុចខាងលើ ដឹក តាមរថយន្តកែឆ្នៃយូឆ្នាំមកហើយ គេឃើញមន្ត្រីបរិស្ថានដែលដឹកនាំដោយលោក ប៉ាន់ ម៉ូកុដប្រធានមន្ទីបរិស្ថានខេត្តពោធ៌សាត់ ធ្លាប់់ធ្វើការបង្ក្រាបបានតិចតួចបំផុតនាពេលកន្លងមកបើប្រៀបធាបក្នុងការបង្ក្រាបលើនេះ។
មជ្ឈដ្ឋានប្រជាពលរដ្ឋបានចោទសួថា លោក ប៉ាន់ ម៉ូកុដ ប្រធានមន្ទីរបរិស្ថានខេត្តពោធ៌សាត់បានធ្វើអ្វីខ្លះ បានជាបទល្មើសព្រៃឈើ ក្នុងដែនជម្រកកើតច្រើនយ៉ាងនេះ?? តើឯឧត្តមសាយ សំអាល់ គិតយ៉ាងណាចំពោះមន្ត្រីគ្មានសម្ថភាពបែបនេះ?? ។
ពាក់ពន្ធ័ករណីខាងលើនេះ លោក ប៉ាន់ ម៉ូកុដ បានប្រាប់តាមទូរសព្ទ័ នៅវេលាម៉ោង៣.២០នាទីថ្ងៃទី៥មករាឆ្នាំ២០១៧នេះថា ៖ កម្លាំងចម្រុះរបស់ខេត្តសហការ ជាមួយP.Mផ្ទៃប្រទេស មានលក្ខណៈទ្រង់ទ្រាយធំ ទើបអាចបង្ក្រាបទទួលបានឈើប្រណិតច្រើនបែបនេះ ។ លោកបានបញ្ជាក់បន្ថែមថា នាពេលកន្លងមក កម្លាំងរបស់លោកក៏បានខំប្រឹងការពារ និងបានបង្ក្រាបជាច្រើនករណីផងដែរហ្នឹង បានយកឈើដែលបង្ក្រាបបាន ដាក់ដេញថ្លៃ យកលុយចូលរដ្ឋក៏បានច្រើនផងដែរ ៕
