ខេត្តមណ្ឌលគីរី ៖ លោក យិន ច័ន្ចទី មេបញ្ជាការវរៈការពារព្រំដែនគោកលេខ103 ដឹកនាំកំលាំងចុះបង្ក្រាបតាមបញ្ជាផ្ទាល់របស់ លោក ឡុង ហុកម៉េង ព្រះរាជ្ញាអមសាលតំបូងខេត្ត ចុះចាប់ឃាត់រថយន្តប្រកុងដឹកឈើធំៗចំនូនពីរគ្រឿង រួមទាំងមនុស្សប្រាំនាក់ ខណៈកំពុងដឹកឈើបំរ៉ុងចូលទៅក្នុងក្រុមហ៊ុនយូនីគ្រីនដោយខុសច្បាប់ កាប់ឈើពីក្រៅទីតាំង ដែលប្រមុខរាជរដ្ឋាភិបាលកំពុងតែហាមឃាត់។ បច្ចុប្បន្ន វត្ថុតាងបញ្ជូនមកផ្ញើរនៅអធិការដ្ឋានស្រុកកោះញែកកាលពីយប់ថ្ងៃទី០១មករាឆ្នាំ២០១៧ ។
សមត្ថកិច្ចបានឲ្យដឹងថា ក្នុងការឃាត់ចាប់រថយន្ដខាងលើនេះ គឺបានឃាត់តៃកុងរថយន្ថចំនួនពីរនាក់ ព្រួបីនាក់ ដែលដឹកឈើគគីរ បំរ៉ុងដឹកចូលក្នុងឃ្លាំងក្រុមហ៊ុន យ៉ូនីគ្រីន ចំណុចជើងភ្នំក្រោល ស្ថិតនៅក្នុងស្រុកកោះញ៉ែក ខេត្តមណ្ដលគីរី ខណៈរថយន្ដពីរគ្រឿងផ្សេងទៀត ត្រូវបានរត់គេចចូលព្រៃ ក្រោយពីដឹងថា កំលាំងសមត្ថកិច្ចចា ប់ឃាត់រថយន្ដនៅខាងមុខ ។
សកម្មភាពយ៉ាងគគ្រឹកគគ្រេងបែបនេះ មន្ត្រីក្នុងស្រុកកោះញ៉ែក ដូចជាស្ងៀមស្ងាត់ខ្សឹបខ្សាវគ្នា ដូចគ្មានរឿងអីបច្ចប្បន្ននេះ ទាំងរថយន្តនឹងមនុស្សយកមករក្សាទុកនៅអធិកាស្រុកកោះញ៉ែករង់ចាំប្រធានមន្ទីរកសិកម្មខេត្តចុះទៅត្រួតពិនិត្យជាក់ស្ដែង ។
ប្រភពពីប្រជាពលរដ្ឋបានបង្ហើបឲ្យដឹងថា រថយន្ដខាងលើនេះបានធ្វើកាដឹកជញ្ជួន ឈើជាយួខែមកហើយដោយដឹកចេញពីចំណុចតំបន់ព្រៃចាស់ជាប់ដី ក្រុមហ៊ុនយួនីគ្រីន ហើយកាប់អារសុទ្ធតែប្រភេទឈើធំៗ ដូចជាឈើ គគី កកោះ សុក្រំ ដែលមានមុខកាត់ធំៗ ។
ពលរដ្ឋបានបន្តថា ការដឹកជញ្ជួនឈើខាងលើនេះ មានរយៈពេលជាយូរខែមកហើយតែគេពុំឃើញ ជំនាញចុះទៅបង្ក្រាបនោះឡើយ ទើបតែបែកធ្លាយពត៌មាន ដល់ទៅព្រះរាជអជ្ញាធរខេត្ត ទើបលោកចេញបញ្ជាឲ្យចាប់ជាបន្ទាន់ ៕
