ខេត្តប៉ៃលិន ៖ បើតាមប្រភពព័ត៌មានពីមន្ត្រីបរិស្ថានខេត្តប៉ៃលិន បានឱ្យដឹងថា បន្ទា ប់ពីសារព័ត៌មាន ចុះផ្សាយអំពីបញ្ហាព្រៃឈើនៅក្នុងដែនតំបន់អភិរក្សជាច្រើនកន្លែងជាប់នឹ ងស្រុកសំឡូត ខេត្តបាត់ដំបង ស្ថិតនៅក្នុងភូមិភ្នំដំបង សង្កាត់អូរតាវ៉ៅ ក្រុងប៉ៃលិន ត្រូវបានជនខិលខូច នាំគ្នាយកម៉ាស៊ីន ទៅលួចកាប់ផ្តួលរំលំ ដើម្បីយកដីដាំដំណាំធ្វើជាកម្មសិទ្ធផ្ទា ល់ខ្លួន រហូតមកដល់ព្រឹកថ្ងៃទី០៣ ខែមករា នេះ កងរាជអាវុធហត្ថខេត្តបាត់ដំបង សហការជាមួយនឹងមន្ត្រីអភិរក្សសត្វព្រៃ តំបន់ប្រើប្រាស់ច្រើនយ៉ាងសំឡូតប៉ៃលិន បានចុះទៅត្រួតពិនិត្យកន្លែងជាក់ស្តែង ហើយរហូតដល់រសៀលថ្ងៃទី០៣ ដដែល នៅក្នុងសាលាខេត្តប៉ៃលិ ន ឯកឧត្តម កើត សុធា អភិបាលខេត្ត បានបើកកិច្ចប្រជុំគណ:បញ្ជាការឯកភាព អញ្ជើញអ ង្គភាព និងមន្ទីរពាក់ព័ន្ធ ដើម្បីធ្វើការប្រជុំបន្ទាន់ ជំរុញការងារគ្រប់គ្រងតំបន់ការពារធម្មជាតិ និងរៀបចំផែនការ ទប់ស្កាត់ និងបង្ក្រាបបទល្មើសធនធានធម្មជាតិក្នុងគោលបំណងស្រាវ ជ្រាវ ទប់ស្កាត់ និងបង្ក្រាបការកាប់បំផ្លាញធនធានធម្មជាតិ ការនាំឈើខុសច្បាប់ បទល្មើសព្រៃឈើនានា និងរុករករ៉ែខុសច្បាប់ ការពារឱ្យបាននូវធនធានធម្មជាតិ ។
លើសពីនេះត្រូវចាប់ជនប្រព្រឹតិ្តបទល្មើស និងមេខ្លោងយកមកផ្តន្ទាទោសតាមច្បាប់ ដែលជាគោលដៅមួយ ដើម្បីកសាងទំនុកចិត្តពីសំណាក់មតិជាតិ និងអន្តជាតិឱ្យមានជំនឿលើការដឹកនាំរបស់រាជរដ្ឋាភិបាល ។
ប្រភពបន្តទៀតថា បន្ទាប់ពីកម្លាំងកងរាជអាវុធហត្ថ ចុះត្រួតពិនិត្យភ្លាមៗ បានសង្កេ តឃើញថា ព្រៃឈើតំបន់អភិរក្សពិតជាទទួលរងនូវការកាប់បំផ្លាញយ៉ាងដំណំពីសំណាក់ជនខិលខូចប្រាកដមែន ហើយសមត្ថកិច្ច ក៏ដូចជាអាជ្ញាធរខេត្តទាំងពីរកំពុងតែតាមស៊ើបអង្កេត អ្នកនៅពីក្រោយខ្នងទាំងនោះ ។
បើសិនជានៅពេលក្រោយមាននរណាម្នាក់បន្តចូលទៅទៅកាប់រានព្រៃខាងលើនេះបន្តទៀត ពេលឃើញទាន់នឹងចាប់ឃាត់ខ្លួន ដើម្បីកសាងសំនុំរឿងបញ្ជូនទៅអយ្យការអមសាលាដំបូងខេត្ត ។
ទោះបីជាយ៉ាងណាក៏ដោយ រហូតមកដល់ពេលនេះ ផ្ទៃដីព្រៃឈើតំបន់អភិរក្សរាប់សិបហិកតា កំពុងទទួលរងនូវការកាប់បំផ្លាញពីសំណាក់ប្រជាពលរដ្ឋរស់នៅចំណុចស្លេង ខេត្តបាត់ដំបង និង ប្រជាពលរដ្ឋរស់នៅភូមិភ្នំដំបង សង្កាត់អូរតាវ៉ៅ ក្រុងប៉ៃលិន ។ ហើយ បើចេះតែបណ្តែតបណ្តោយឱ្យចូលទៅកាប់ឆ្ការបែបនេះបន្តទៀត នៅថ្ងៃក្រោយនឹងជួបគ្រោះរាំងស្ងួត ហួតហែង ព្រមទាំងបង្កទៅជាគ្រោះធម្មជាតិផ្សេងៗជាច្រើនថែមទៀត ។
ប្រជាពលរដ្ឋត្អូញត្អែរថា បន្ទាប់ពីកាប់ព្រៃឈើអស់ពីមួយឆ្នាំទៅមួយឆ្នាំ កាន់តែក្តៅ ខ្លាំងឡើងៗ ហើយក៏នាំឱ្យទឹកបឹង ស្ទឹង អូរ រីងខះស្ទើរតែរកទឹកប្រើប្រាស់មិនបាននោះឡើយ ។ ពួកគាត់សំណូមពរ ឱ្យពលរដ្ឋមេត្តារក្សាព្រៃឈើនៅតាមដីរបស់ខ្លួន ដោយមិន ត្រូវបំផ្លាញនោះឡើយ ៕
