ខេត្តពោធិ៍សាត់ ៖ កម្លាំងមូលដ្ឋានកងរាជអាវុធហត្ថស្រុកក្រគរ បង្ក្រាបករណីដឹកជញ្ជូនឈើដោយគ្មានច្បាប់អនុញ្ញាត យ៉ាងកគ្រើកគគ្រេង ក្នុងខេត្តពោធិ៍សាត់ របស់ឈ្មួញដែលប្រមូលទិញអុសពីប្រជាពលរដ្ឋ លក់ដូរបាយ និងបានកូនរៀន ដែលកាប់តាមដៃចំការ និងកំពោតព្រៃក្បែៗផ្ទះ។
ក្នុងដំណើរប្រតិបត្តិការទ្រង់ទ្រាយធំជាលើកដំបូងរបស់អជ្ញាធរខេត្តពោធិ៍សាត់គឺប្រព្រឹត្តទៅកាល ពីវេលាម៉ោង១១ និង៣០នាទី ថ្ងៃទី០២ ខែមករា ឆ្នាំ២០១៧ ដោយកម្លាំងមូលដ្ឋានកងរាជអាវុធហត្ថស្រុកក្រគរខេត្តពោធិ៍សាត់ ។ ដោយការធ្វើការបង្ក្រាបករណីដឹកជញ្ជូនឈើខាងលើ គឺដោយយោងទៅលើការដឹកជញ្ជូនឈើគ្មានច្បាប់អនុញ្ញាត ចំនួន០១លើក ស្ថិតនៅចំណុចភូមិបំណក់ ឃុំឈើតុំ ស្រុកក្រគរ ខេត្តពោធិ៍សាត់ហើយ ដោយឃាត់ខ្លួនបានជនសង្ស័យចំនួន២ នាក់។
ក្នុងប្រតិបត្តិការបង្ក្រាបបទល្មើសនោះផងដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាងមួយចំនួន រួមមាន ៖ ០១. រថយន្តម៉ាក HYUNDAI ចំនួន០២គ្រឿង០២. ឈើអុស ចំនួន ៣២,២ ម៉ែត្រគូប។ដោយឡែកជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថកំពុងកសាងសំណុំរឿង ដើម្បីចាត់ការបន្តតាមនីតិវិធី ៕
