ខេត្តប៉ៃលិន ៖ កម្មករស៊ីឈ្នួលយកគ្រឿងចក្រទៅជីកកកាយ និងដឹកជញ្ជូនដីចំនួនពីរនាក់ បានស្លាប់ភ្លាមៗ យ៉ាងអាណោចអាធ័មនៅក្នុងគំនរថ្មភ្នំ ខណៈកំពុងតែជីកកកាយដីដាក់រថយន្តសុខៗ ស្រាប់តែបាក់ថ្មភ្នំ១ផ្ទាំងធំ បណ្តាលឱ្យសង្កត់លើមនុស្ស និង គ្រឿងចក្រខ្ទេចទាំងអស់តែម្តង ។ តែសំណាងល្អ ផ្ទះប្រជាពលរដ្ឋចំនួន២ខ្នង ដែលទើបនឹងសាងសង់ នៅក្បែរនោះដែរ ត្រូវដុំថ្មខ្ទាតចំ បណ្តាលឱ្យរងការខូចខាតស្រាល រីឯម្ចាស់ផ្ទះព្រលឹងចុងសក់ ។
ហេតុការណ៍បាក់ផ្ទាំងដីថ្មសង្កត់កម្មករចំនួនពីរនាក់ស្លាប់ ដ៏គួរឱ្យអាណិតអាសូរយ៉ា ងខ្លោចចិត្តនេះ បានកើតឡើងកាលពីវេលាម៉ោង៥ និង៣០នាទីល្ងាច ថ្ងៃទី២៦ ខែវិច្ឆិកា ឆ្នាំ២០១៦ ស្ថិតនៅចំណុចផ្លូវក្រវ៉ាត់ក្រុង ក្នុងភូមិកូនភ្នំ សង្កាត់អូរតាវ៉ៅ ក្រុងប៉ៃលិន ។
ប្រភពព័ត៌មានពីលោក គង់ សំណាង នាយប៉ុស្តិ៍នគរបាលរដ្ឋបាលសង្កាត់អូរតាវ៉ៅ បានឱ្យដឹងថា កម្មករស៊ីឈ្នួលជីកកកាយដីភ្នំចំនួនពីរនាក់ ដែលស្លាប់បាត់បង់ជីវិត ទី១. ឈ្មោះ ឈីវ ភេទប្រុស អាយុ២០ឆ្នាំ ជាអ្នកបើកបរគ្រឿងចក្រអេស្កាវ៉ាទ័រ ទី២. ឈ្មោះ អ៊ួក ភេទប្រុស អាយុ១៩ឆ្នាំ ជាអ្នកបើកបររថយន្តដឹកដី ហើយពួកគេជាកម្មកររបស់ថៅកែម្នាក់ ឈ្មោះ ឈុន ឆាង ភេទប្រុស អាយុ៦០ឆ្នាំ រស់នៅភូមិអូរតាប្រាង សង្កាត់ប៉ៃលិន ក្រុងប៉ៃលិ ន ។ លោកបន្តទៀតថា មូលហេតុ ដែលនាំឱ្យបាក់ផ្ទាំងថ្មភ្នំសង្កត់ទៅលើកម្មករទាំងនោះ ស្លាប់ ដោយសារតែការជីកកកាយដីខុសបច្ចេក ព្រោះពួកគេជីកតែផ្នែកខាងក្រោម ដឹកតាមរថយន្ត លុះយូរៗ ទៅ ទើបបាក់ធ្លាក់មួយផ្ទាំងធំមកពីលើសង្កត់គ្រឿងចក្រ ដែលកំពុងជីកកកាយ និងរថយន្តចូលទៅដឹកដីស្លាប់ទាំងពីរនាក់តែម្តង ។
លោកបញ្ជាក់ទៀតថា ក្រោយពេ លកើតហេតុ សមត្ថកិច្ចបានយកគ្រឿងចក្រផ្សេងទៅជីកកកាយយកជនរងគ្រោះដែលបើកបរគ្រឿងចក្របានតែម្នាក់ប៉ុណ្ណោះ ។ ចំណែកអ្នកបើកបររថយន្តមិនទាន់ជីកកកាយចេញរួ ចនោះទេ ដោយខ្លាចក្រែងបាក់ផ្ទាំងថ្មមកពីលើសង្កត់បន្តថែមទៀត ។ ដូច្នេះត្រូវទុកសាក សពជនរងគ្រោះម្នាក់ទៀត នៅក្នុងគំនរដីថ្ម រង់ចាំដល់ពេលព្រឹក ទើបបន្តជីកកកាយថែមទៀត ។
ចំណែកប្រជាពលរដ្ឋបានឱ្យដឹងថា នៅថ្ងៃខាងមុខដីភ្នំខាងលើនេះ នឹងបន្តបាក់ធ្លាក់ថែមទៀត ព្រោះគេសង្កេតឃើញ អាជ្ញាធរ ឱ្យគ្រឿងចក្រជីកតែផ្នែកខាងក្រោមមុនប៉ុណ្ណោះ ដោយមិនបានជីកខាងលើនោះឡើយ ។ ចំណែកឯផ្ទះប្រជាពលរដ្ឋចំនួន២គ្រួសារ ដែលសាងសង់នៅក្បែរនោះ ក៏អាចនឹងទទួលរងផលប៉ះពាល់ធ្ងន់ធ្ងរដែរ បើសិនជាអាជ្ញាធរមិនព្រមរកវិធីដោះស្រាយ ដោយយកគ្រឿងចក្រទៅជីកកកាយដីភ្នំផ្នែកខាងលើជាមុនទេនោះ ។ ពួកគាត់ម្នាក់ៗ សំណូមពរឱ្យមន្ត្រីពាក់ព័ន្ធយកចិត្តទុកដាក់ចំពោះបញ្ហាខាងលើនេះផងដែរ ។
ពាក់ព័ន្ធទៅនឹងបញ្ហានេះ លោក ម៉ៅ វឿន អនុប្រធានមន្ទីរបរិស្ថានខេត្តប៉ៃលិន បានឱ្យដឹងថា ការជីកកកាយរំលាយដីកូនភ្នំខាងលើ ដើម្បីធ្វើជាកន្លែងសាងសង់សាលាក្រុងប៉ៃ លិននេះ ខាងអាជ្ញាធរ មិនធ្លាប់បានជួបពិភ្សាជាមួយខាងជំនាញនៃមន្ទីរបរិស្ថានឡើយ ពោ លគឺធ្វើតាមតែចិត្តនឹកឃើញ ។
ដូច្នេះដោយសារកម្មករទាំងនោះជីកកកាយដោយអត់មានអ្នកពន្យល់ប្រាប់ពីបច្ចេកទេស ដោយជីកតែជើងក្រោម ទើបបណ្តាលឱ្យបាក់ថ្មភ្នំសង្កត់ស្លា ប់បែបនេះ ។
សូមបញ្ជាក់ផងដែរថា កាលពីប៉ុន្មានខែកន្លងទៅ គេធ្លាប់ដឹងពីការបាក់ថ្មសង្កត់កម្មករ ដែលជីកដីភ្នំបណ្តាលឱ្យស្លាប់ដែរ នៅខេត្តបន្ទាយមានជ័យ តែអ្នកផ្សេងៗទៀត ហាក់ដូ ចជាអត់យកចិត្តទុកដាក់នោះឡើយ ៕ ដោយ ៖ នីយ៉ា
