លោក ញ៉ញ់ ជាបហ៊ង ប្រធានមន្ទីរធនធានទឹក និងឧតុនិយម ខេត្តកំពង់ស្ពឺ មានអោយដឹងពីវឌ្ឍនភាពគម្រោងស្តារប្រឡាយរងថ្មសំលៀង ស្ថិតក្នុងឃុំត្រពាំងជោរ ស្រុកឧិរ៉ាល ខេត្តកំពង់ស្ពឺ ។
ប្រឡាយត្រូវបាននាំទឹកពីអូរធម្មជាតិ (ថ្មសំលៀង) ដើម្បីយកទឹកទៅស្រោចស្រពលើផ្ទៃដីស្រែវស្សាចំនួន៤៥០ហិកតា ស្រូវប្រាំងចំនួន១២៥ហិកតា និងដំណាំរួមផ្សំចំនួន៣០ហិកតា ដោយការសាងសង់សំណង់ស្ទាក់ទឹកកាត់អូរ ដើម្បីបញ្ចាល់ទឹកអូរបង្ហូរចូលមកតាមប្រឡាយរងដោយមានប្រភពទឹកមកពីភ្នំឧិរ៉ាល់ ទំនប់ពាមល្វា និងទំនប់អូរតោង ។ គិតមកដល់បច្ចុបន្ននេះការងារសម្រេចបាន ៩០% នៃផែនការ ។
ទំហំការងារក្នុងការសាងសង់រួមមាន ៖
– ស្តារប្រឡាយរងប្រវែង៣.៥៨០ម៉ែត្រ
– សាងសង់សំណង់ស្ទាក់ទឹកលើអូរ ០១កន្លែង
– សាងសង់សំណង់ទ្វារទឹកលើប្រឡាយ (ទ្វារ២) ចំនួន ០៦កន្លែង
-ជួសជុលកន្ទុយសំណង់ទ្វារទឹក ០១កន្លែង ៕
