ភ្នំពេញ៖លោក ឃួង ស្រេង អភិបាលរាជធានីភ្នំពេញ ថ្លែងថា « តំបន់ ក្រហម ដែលជា តំបន់ មានហានិភ័យ ខ្ពស់នៃ ការរីក រាលដាល ជំងឺ កូ វីដ -១៩ អាចបង្រួមមក នៅ ទំហំកាន់តែ តូចជាង មុន ថែមទៀត ដើម្បី បង្កលក្ខណៈ ងាយស្រួល ដល់ បងប្អូន ប្រជាពលរដ្ឋ បានធ្វើ ដំណើរ ងាយស្រួល ជាង មុន» ។
លោកអភិបាលរាជធានីភ្នំពេញ បន្តថា ការឆ្លង រាលដាលជំងឺ កូ វីដ -១៩ បាន ថយចុះ ពី ចំនួន ជាង៥០០នាក់ មក នៅត្រឹម ជាង២០០នាក់ ក្នុង មួយថ្ងៃ ហើយ ការ បង្រួម នេះ អាច បង្រួម មក ត្រឹម បិទ ខ្ទប់ លំនៅដ្ឋាន ដោយ មិន បិទ ភូមិ សង្កាត់ ទាំងមូល នោះទេ ។
ប្រសាសន៍របស់លោកអភិបាលរាជធានីភ្នំពេញ នាពេលនេះ ធ្វើឡើង នាព្រឹកថ្ងៃទី៩ ខែឧសភា ឆ្នាំ២០២១ ខណៈ លោក អញ្ជើញ ចុះទៅពិនិត្យ ស្ថានភាព ជាក់ស្ដែង នៃ ការចាក់ វ៉ាក់សាំង កូ វីដ -១៩ ជូន ប្រជាពលរដ្ឋ នៅក្នុង តំបន់ ក្រហម តាម ដងផ្លូវ លេខ៣៣៦ ក្នុង សង្កាត់ បឹង សាឡាង ខណ្ឌទួលគោក ។
លោក អភិបាល រាជធានី ភ្នំពេញ បាន មានប្រសាសន៍ថា «ស្ថានភាព អ្នក ឆ្លង ជំងឺ កូ វីដ -១៩ នៅ ភ្នំពេញ កើនឡើង ពី ជាង៤០០ទៅ៥០០នាក់ ក្នុង មួយថ្ងៃ តែ សម្រាប់ តួលេខ ថ្ងៃនេះ អ្នក ឆ្លង ជំងឺ កូ វីដ -១៩ បាន ធ្លាក់ ចុះមក នៅត្រឹមតែ ជាង២០០នាក់ ប៉ុណ្ណោះ ដែល នេះ ជា សញ្ញា មួយ បង្ហាញពី ការថយចុះ ច្រើនអ្នក ជំងឺ កូ វីដ -១៩» ។
ដូច្នេះ ជា វិធានការរបស់ រដ្ឋបាល រាជធានី ភ្នំពេញ នឹង ពិភាក្សាដើម្បី រៀបចំ តំបន់ ក្រហម ទាំងនេះ ឲ្យ មក នៅ រួម តូច ជាង មុន ឬ អាចឈាន ទៅដល់ ការបិទ ខ្ទប់ ត្រឹមតែ លំនៅដ្ឋាន ដែលមាន បញ្ហា ប្រឈម តែប៉ុណ្ណោះ ដើម្បី បង្កលក្ខណៈ ឲ្យ បងប្អូន ប្រជាពលរដ្ឋ ងាយស្រួល ក្នុង ការធ្វើ ចរាចរណ៍ បំពេញការងារ និង រកស៊ី វិញបាន បាន ៕
