កំពត ៖ នៅរសៀលថ្ងៃទី០៦ ខែឧសភា ឆ្នាំ២០២១ លោក អូន ខន អភិបាល នៃគណៈអភិបាលស្រុក និងជាប្រធានកិត្តិយសអនុសាខាកាកបាទក្រហមស្រុក អមដំណើរដោយលោកអភិបាល រងស្រុក ព្រមទាំងអាជ្ញាធរមូលដ្ឋានក្នុងឃុំកំពង់ត្រាចខាងលិច បានអញ្ជើញចុះពិនិត្យនិងសួរសុខទុក្ខ ក្រុមគ្រួសារដែលបានពាក់ព័ន្ធជាមួយអ្នកជំងឺកូវីដ-១៩ កាលពីថ្ងៃទី២ ខែឧសភា ឆ្នាំ២០២១ ចំនួន៤គ្រួសារដែលកំពុងហ៊ុព័ទខ្សែសុវត្តិភាពធ្វើចត្តាឡីស័កនៅផ្ទះ១៤ថ្ងៃ ដើម្បីតាមដានសុខភាព ស្ថិតនៅភូមិដើមចារ ឃុំកំពង់ត្រាចខាងលិច ស្រុកកំពង់ត្រាច។
ជាមួយគ្នានេះលោកអភិបាល បាននាំយកអំណោយអនុសាខាកាកបាទក្រហមស្រុក ប្រគល់ជូនក្នុងមួយគ្រួសារៗ ទទួលបាន អង្ករ២៥គ.ក មី១កែស ទឹកស៊ីអ៊ីវ៦ដប ត្រីខ១ឡូ ទឹកសុទ្ធ១យួរ និងថវិកា២០,០០០៛ សម្រាប់ដោះស្រាយជីវភាពក្នុងបន្ទុកគ្រួសារក្នុងអំឡុងពេលជាប់ធ្វើចត្តាឡីស័ក។
លោកអភិបាលក៏បានណែនាំឲ្យចូលរួមអនុវត្តនូវវិធានការរបស់ក្រសួងសុខាភិបាល និងរាជរដ្ឋាភិបាលកម្ពុជា គឺ៣កុំ និង៣ការពារ ។
