ខេត្តប៉ៃលិន ៖ ការផ្សព្វផ្សាយព័ត៌មាន ជាសាធារណៈឱ្យប្រជាពលរដ្ឋបានយល់ដឹង ជ្រោតជ្រាប អំពីបញ្ហាផ្សេងៗ ដែលបានកើតឡើងនៅក្នុងសង្គម ពិតជាមានសារសំខាន់ណាស់ ហើយអាជ្ញាធរមូលដ្ឋាន ត្រូវតែរៀបចំដោះស្រាយបញ្ហាសំបុត្រកំណើត សៀវភៅស្នាក់នៅ សៀវភៅគ្រួសារ និងអត្តសញ្ញាណប័ណ្ណ ដល់បងប្អូនប្រជាពលរដ្ឋ ដែលពិតជាមានសញ្ជាតិខ្មែរពិតប្រាកដឱ្យបានគ្រប់ៗគ្នា ដោយលោកមេភូមិ សហការជាមួយនិងមេ ប៉ុស្តិ៍នៅតាមឃុំសង្កាត់នីយមួយៗ ។ នេះជាការលើកឡើងរបស់លោក សក់ សេដ្ឋា រដ្ឋលេ ខាធិការក្រសួងមហាផ្ទៃ ក្នុងពិធីប្រកាសតែងតាំង លោកស្រី មុនីរ័ត្ន ជាអតីតប្រធានមន្ទីរអភិវឌ្ឍន៍ជនបទ ទៅជាអភិបាលរងខេត្ត កាលពីរសៀលថ្ងៃទី០៨ ខែកញ្ញា ឆ្នាំ២០១៦ ក្នុង សាលប្រជុំសាលាខេត្តប៉ៃលិន ជំនួសតំណែងលោក ម៉ី មគ្គ អតីតអភិបាលរងខេត្ត ដែលបានចូលនិវត្តន៍ ។
លោក សក់ សេដ្ឋា បានបន្តទៀថា សូមឱ្យលោកស្រីដែលជាអភិបាលរងខេត្តថ្មី គោ រពតួនាទីរបស់ខ្លួន ដោយយកចិត្តទុកដាក់ទៅលើកុមារ និងស្ត្រី ធ្វើការថែទាំ និងផ្តល់ការសម្របសម្រួលដល់ប្រជាពលរដ្ឋដែលកំពុងជួបនឹងបញ្ហាផ្សេងៗផងដែរ ។ ត្រូវតែរៀបចំធ្វើគណនេយ្យភាពជា មួយប្រជាពលរដ្ឋឱ្យបានល្អប្រសើរ និងត្រូវគ្រប់គ្រងធនធានមនុ ស្សដោយចេះសង្កេតពិនិត្យមើលពីសកម្មភាពរបស់មន្ត្រីរាជការណាមួយដែលធ្វើការងារល្អ ត្រូវតម្លើងមុខតំណែងជូន មិនត្រូវប្រកាន់បក្ខពួករបស់ខ្លួននោះឡើយ ដែលជាហេតុនាំឱ្យអ្ន កដែលស្មោះត្រង់នឹងការងារបាក់ទឹកចិត្តធ្វើអ្វីលែងកើត នាំឱ្យមានការស្ទះការងារអភិវឌ្ឍន៍ ផងដែរ ។
ម្យ៉ាងវិញទៀត បច្ចុប្បន្ន ប្រទេសកម្ពុជាយើង ជាប្រទេសដែលកំពុងអភិវឌ្ឍទៅមុខ ដូច្នេះមិនត្រូវឱ្យបងប្អូនប្រជាពលរដ្ឋបន្តកាប់ព្រៃរានយកដីទៅធ្វើជាកម្មសិទ្ធិផ្ទាល់ខ្លួន នាំឱ្យប៉ះពាល់ដល់បរិស្ថាននោះឡើយ ។ ជាពិសេសជើងភ្នំខៀវនាពេលនេះ ត្រូវបានពលរដ្ឋខ្លួន ឯងកំពុងតែកាប់ឆ្ការព្រៃកាន់តែស្រឡះឡើងៗ សូមឱ្យមន្ទីរពាក់ព័ន្ធ ក៏ដូចជាអាជ្ញាធរខេត្តប៉ៃលិន ចុះត្រួតពិនិត្យឡើងវិញ ។
ចំណែក លោកស្រី សោ មនីរ័ត្ន អភិបាលរងខេត្ត ដែលទើបនឹងតែងតាំងថ្មី បានប្តេ ជ្ញាចិត្តថា នឹងខិតខំប្រឹងប្រែងបំពេញការងារ តួនាទីរបស់ខ្លួន ឱ្យបានល្អប្រសើរ ដើម្បីបម្រើ ប្រជាពលរដ្ឋ និងសង្គមឱ្យបានល្អ មានការរីកចម្រើនជឿនលឿនទៅមុខ ។ លោកស្រីក៏នឹង យកគំរូតាមថ្នាក់ដឹកនាំចាស់ៗ ដែលបំពេញតួនាទីរបស់ខ្លួនយ៉ាងល្អ មុនពេលចូលនិវត្តន៍ ។
សូមបញ្ជាក់ថា សេចក្តីសម្រេច របស់រាជរដ្ឋាភិបាលកម្ពុជា លេខ៨៨៥ ចុះថ្ងៃទី១៦ ខែសីហា ឆ្នាំ២០១៦ តែងតាំងលោកស្រី សោ មុនីរ័ត្ន ឋានន្តរស័ក្តិឧត្តមមន្ត្រី ថ្នាក់លេខ៦ នៃក្របខ័ណ្ឌមន្ត្រី គ្រប់គ្រងរដ្ឋបាល ក្រសួងអភិវឌ្ឍន៍ជនបទ ឱ្យកាន់មុខតំណែងជាអភិបា លរងនៃគណៈអភិបាលខេត្តប៉ៃលិន ៕ ដោយ ៖ នីយ៉ា
