ខេត្តប៉ៃលិន ៖ មានសេចក្តីរាយការណ៍ ឱ្យដឹងថា មានឈ្មួញ មានលុយម្នាក់ បានធ្វើ ការបុកគ្រឹះ ដើម្បីសង់ផ្ទះល្វែង(ផ្ទះជួល) ស្ថិតនៅក្បែរកាស៊ីណូម្កុដពេជ្រ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ដោយអត់មានប្លង់ត្រឹមត្រូវ ចេញពីមន្ទីរសុរិយោដីខេត្តដែរ ។ តែគេមិនទាន់ឃើញមាន អាជ្ញាធរណាម្នាក់ ចុះទៅត្រួតពិនិត្យ ឬណែនាំម្ចាស់ឱ្យរៀបចំសា ងសង់តាមក្បួនច្បាប់នោះឡើយ ។
ជាក់ស្តែងកាលពីរសៀលថ្ងៃទី០៦ ខែកញ្ញា ឆ្នាំ២០១៦នេះ គេឃើញមានគ្រឿងចក្រកំពុងតែបុកគ្រឹះ ដើម្បីសាងសង់ផ្ទះល្វែង (ផ្ទះជួល) នៅចំណុចខាងលើ ជាប់នឹងភ្នំអភិរក្ស។
ប្រភពព័ត៌មានបានឱ្យដឹងថា ព្រៃភ្នំតំបន់អភិរក្សក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ រហូតមកដល់ពេលនេះ ត្រូវបានគេមានប្លង់កាន់កាប់អស់ហើយ ដូច្នេះទើបឈ្មួញធ្វើការសាងសង់ផ្ទះស្នាក់នៅ ផ្ទះជួល ដោយសេរីមិនមានការខ្លាចញញើតអ្វីបន្តិចនោះឡើយ ។
ប្រភពបន្តទៀតថា កាលពីប៉ុន្មានថ្ងៃកន្លងទៅនេះ ឈ្មួញបានយកគ្រឿងចក្រទៅជីកដីបុកគ្រឹះនៅជើងភ្នំអភិរក្ស ក្បែរកាស៊ីណូម្កុដពេជ្រ យ៉ាងរលូន ដោយខាងម្ចាស់ផ្ទះអះអាងថា គេមានប្លង់ត្រឹមត្រូវ ទើបហ៊ានសាងសង់ បើអត់ច្បាប់ក៏មិនអីដែរ ព្រោះអ្នកសាងសង់មុនៗ មិនឃើញរត់ច្បាប់អ្វីនោះឡើយ ។ ដូច្នេះ សាងសង់រួចចាំសុំច្បាប់តាមក្រោយក៏មិនទាន់ហួសពេលដែរ ។
ពាក់ព័ន្ធទៅនឹងបញ្ហានេះ លោក គឹម សុខា ប្រធានមន្ទីរបរិស្ថានខេត្ត បានឱ្យដឹងតាមទូរស័ព្ទកាលពីរសៀលថ្ងៃទី០៦ កញ្ញានេះថា ព្រៃភ្នំតំបន់អភិរក្សត្រង់ចំណុចខាងក្រោ យកាស៊ីណូម្កុដពេជ្រ ត្រូវបានគេធ្វើប្លង់កាន់កាប់អស់ហើយ ។
ចំណែកអ្នក ដែលកំពុងតែចាក់គ្រឹះសាងសង់ផ្ទះល្វែង (ផ្ទះសំណាក់ជួល) ក៏មានប្លង់រួចរាល់ហើយដែរ ទើបខាងលោ កមានការលំបាកក្នុងការដោះស្រាយ ខណៈអ្នកខ្លះយកភ្នំតំបន់អភិរក្សទៅធ្វើជាកម្មសិទ្ធិផ្ទាល់ខ្លួន ហើយកាប់បំផ្លាញព្រៃឈើ ។
លោកបន្តទៀតថា ទោះបីជាយ៉ាងណា ខាងលោកតែ ងតែចុះទៅធ្វើការត្រួតពិនិត្យ ដើម្បីណែនាំពួកគាត់កុំឱ្យរំលោភបំពានទៅលើដីភ្នំរបស់រដ្ឋ ព្រោះជាកន្លែងអភិរក្ស ទុកព្រៃឈើឱ្យដុះលូតលាស់ សម្រាប់ទាក់ទាញអាកាសធាតុឱ្យមានលំនឹង និងមានភ្លៀងច្រើនគ្រប់គ្រាន់ផងដែរ ។
ពាក់ព័ន្ធទៅនឹងបញ្ហានេះ លោក ហុក សុផល ប្រធានមន្ទីរសុរិយោដីខេត្តបានឱ្យដឹងថា ដីតំបន់ភ្នំខាងលើ គ្មាននរណាម្នាក់ មានប្លង់ជាកម្មសិទ្ធិផ្ទាល់ខ្លួននោះឡើយ ព្រោះខាងលោកមិនបានចេញលិខិតណាមួយ ឱ្យពួកគាត់កាន់កាប់នោះទេ ហើយបើនរណាម្នាក់អះ អាងថា មានប្លង់នៅលើដីភ្នំនោះ សុំឱ្យគេបង្ហាញមើល ថាតើបានប្លប់មកពីណា បើខាង លោកអត់បានចេញឱ្យផងនោះ ។ លោកបន្តទៀតថា ចំណែកការសាងសង់ផ្ទះល្វែង (ផ្ទះសំណាក់ជួល) ដែលកំពុងបុកគ្រឹះរាល់ថ្ងៃនេះ ម្ចាស់មាន ឈ្មោះ ហ៊ាជាង ភេទប្រុស រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ អត់ទាន់មានប្លង់ត្រឹមត្រូវនោះទេ ៕
ដោយ ៖ នីយ៉ា
