សៀមរាប ៖ ឈ្មោះ នឹន ឃុន និងឈ្មោះហាក់ ដែលប្រជាពលរដ្ឋស្គាល់ច្បាស់ថា ជាឈ្មួញឈើប្រណិត បានកំពុងយកឈ្មោះ ចៅហ្វាយខេត្តសៀមរាប ពង្រាយបន្លាចសមត្ថកិច្ចនៅតាមដងផ្លូវ ដើម្បីការពារការដឹកឈើល្មើសច្បាប់ មកស្តុកទុកនៅក្នុងសណ្ឋាគារ អង្គរអេរ៉ាដែលស្ថិតកណ្តាលក្រុនសៀមរាប។
បើតាមប្រភពពីសមត្ថកិច្ច និងប្រជាពលរដ្ឋឱ្យដឹងថា សកម្មភាពយកឈ្មោះអ្នកធំមកបម្លាចសមត្ថកិច្ចដើម្បីប្រព្រឹតតបទល្មើសព្រៃឈើនេះបុសឈ្មោះ ឃុន និងឈ្មោះ ហាក់ បានប្រើប្រាស់ជាយូឆ្នាំមកហើយ ។
គេមិនដឹងថា តើឈ្មួញពីរនាក់ខាងលើនេះត្រូវជាក្មួយចៅហ្វាយខេត្តសៀមរាប ឃឹម ប៊ុនសុង មែនឬអត់នោះទេ ព្រោះកន្លងមក មិនដែលឃើញមានប្រតិកម្មពី ឯកឧត្តម ឃឹមប៊ុន សុង សោះ ។ ចឹងឈ្មួញពីរនាក់នេះចេះតែបានដៃក្នុងការប្រព្រឹត្តបទល្មើសព្រៃឈើ ប្រឆាំងបទបញ្ជារតេជោសែនចឹងទៅ។
ជាក់ស្តែងគេបានឃើញឈ្មោះឃុនដឹកឈើប្រណិតដែលមានមុខកាត់ធំៗដោយចំហរ យកទៅស្តុកទុកក្នុងសណ្ឋាគារ អង្គរអេរ៉ា។
ប្រភពពីសមត្ថកិច្ចនិយាយថាការដឹកឈើចូលទៅក្នុងសណ្ឋាគារខាងលើ ទោះបីសមត្ថកិច្ចជំនាញឃើញ ក៏មិនហ៊ានបង្ក្រាបដែរពីព្រោះខ្លាចមេឈ្មួញឈ្មោះឃុនប្តឹងចៅហ្វាយខេត្តឱ្យដកតំណែង(Sic)។ ម្យ៉ាងវិញទៀត ថៅកែសណ្ឋាគារអង្គរអេរ៉ា ឈ្មោះលី ស៊ីណា ក៏មានខ្នងបង្អែកអ្នកធំ ចឹងហើយទើបគេហ៊ានប្រមូលទិញឈើប្រណិតខុសច្បាប់ដោយមិនញញើត ។
សមត្ថកិច្ចមេព្រៃម្នាក់និយាយថារាល់ថ្ងៃមិនមែនគេមិនដឹងនោះទេគ្រប់ពេលឈ្មោះឃុននិងឈ្មោះហាក់ដឹកឈើពីស្រុកស្វាយលើ មកស្តុកទុកក្នុងសណ្ឋាគារអង្គរអេរ៉ា ពេលណាក៏ដឹងតែពួកគាត់តូចតាចមិនហ៊ានទៅក្បែរទេគឺបានត្រឹមដឹង។ព្រោះអីឈ្មួញឈ្មោះឃុនរូបនេះគេថាមានពួជាចៅហ្វាយខេត្តនិងមានបងធម៏ជានាយខណ្ឌរដ្ឋបាលព្រៃឈើគឺលោកទាគឹមសុទ្ធ។សមត្ថកិច្ចមេព្រៃម្នាក់និយាយទៀតថាករណីនេះខ្ញុំនឹងស៊ើបឱ្យច្បាស់ថាបើមេព្រៃសុទ្ធតែបងធម៏មេឈ្មួញនេះមែនហើយបើកដៃឱ្យបុរសឈ្មោះឃុនប្រព្រឹត្តបទល្មើសដោយមិនទប់ស្កាត់ទៀត ខ្ញុំ(មេព្រៃ)នឹងប្តឹងទៅថ្នាក់លើឱ្យតាមដាន។
តាមពិតទៅ បុរសជាមេឈ្មួញឈើឈ្មោះឃុនអាចត្រូវជាក្មួយចៅហ្វាយខេត្តនិងប្អូនធម៏លោកនាយខណ្ឌមែនព្រោះគេរកស៊ីដឹកឈើល្មើសច្បាប់យកមកស្តុកទុកក្នុងសណ្ឋាគារអង្គរអេរ៉ាជិត២០ឆ្នាំមកហើយគ្មានមេព្រៃណាហ៊ានចាប់គេផង។ ចំណុចនេះមិនដឹងថា បុរសឈ្មោះឃុនខ្លាំង ឬថៅកែសណ្ឋាគារខ្លាំងនោះទេ។
ទោះបីបុរសឈ្មោះឃុន ដើរអួតអាងតាមហាងកាហ្វេ និងតាមកន្លែងផឹកស៊ី ថាខ្លួនអាចដឹកឈើចូលមកក្រុងសៀមរាបបានគ្រប់ពេលព្រោះខ្លួនជាក្មួយចៅហ្វាយខេត្តនិងប្អូនធម៏លោកនាយខណ្ឌទា គឹមសុទ្ធ តែក៏នៅមតិជាច្រើនមិនបានជឿជាក់ ។ រហូតរិះគន់ថា មិនដែលចៅហ្វាយខេត្តឯណាយកតួនាទីរបស់ខ្លួនទៅការពារជនអាក្រក់ចឹងទេ ម្យ៉ាងទៀតលោកទា គឹមសុទ្ធក៏មិនអាចចឹងដែរ ធ្វើដល់មេខណ្ឌព្រៃឈើម៉ាខេត្ត ទៅយកខ្លួនការពារឈ្មួញឱ្យកូនចៅរបស់ខ្លួនស្អប់។ តាមពិតពួកអាក្រុមឈ្មួញឈើនេះ ចេះតែដើរអួតអាងយកឈ្មោះអ្នកធំមកលាបពណ៏ទេ ។តែប្រសិនបើរឿងនេះវាជាការពិត ថ្នាក់លើ រួមទាំងអង្គភាពប្រឆាំងអំពើពុករលួយ គួរបើកការស៊ើបអង្កេតខ្លះឬយ៉ាងណា ?៕
