ខេត្តមណ្ឌគិរី ៖ នៅព្រឹកថ្ងៃទី២៩ សីហា ២០១៦នេះ សាលាអនុវិទ្យាល័យ ហ៊ុន សែន អូរអាម បានធ្វើកម្មវិធី បិទបវេសនការ២០១៥-២០១៦ និងមានចែកប័ណ្ឌ សរសើរ ដល់សិស្សានុសិស្ស ដែនខំរៀនពូកែ ទទួលចំណាត់ថ្នាក់លេខ១ ដល់លេខ៥ ។
លោកនាយកសាលា អ៊ន អ៊ែល បានមានប្រសាសន៍ប្រាប់ភ្នាក់ងារព័ត៌មានយើងថាៈ
ជារៀងរាល់ឆ្នាំ ឲ្យតែបិទបវេសនកាល លោកតែងតែមានប័ណ្ឌសរសើរ ដើម្បីលើកទឹកចិត្តដល់សិស្សានុសិស្សដែលរៀនពូកែ។
កម្មវិធីនោះ ប្រព្រឹតទៅក្រោមអធិបតីយភាពដខ្ពង់ខ្ពស់របស់ លោកស៊ិន វណ្ណ វុឌ្ឍ អភិបាល នៃគណៈអភិបាលស្រុកកែវសីមា នៅក្នុងកម្មវិធីនោះផងដែរ ។
លោកអភិបាលនៃគណៈអភិបាលស្រុក បានមានប្រសាសន៍ផ្តាំផ្ញើ ដល់សិស្សានុសិស្សទាំងអស់ ឲ្យខិតខំរៀនសូត្រឲ្យបានខ្លាយខ្លួនជាសិស្សពូកែ ហើយត្រូវដើរ ចេញឲ្យឆ្ងាយពីគ្រឿងញៀន ដែលសង្គមជាតិស្អប់ខ្ពើម ។ លោកបានមានប្រសាសន៍បន្តទៀតថា ៖ ត្បិតក្មួយៗទាំងអស់នេះ ហើយជាក្តីសង្ឃឹមរបស់ឪពុកម្តាយ ដែលខំប្រឹងចំណាថវិការយ៉ាងច្រើន ដែលគាត់រកបានឲ្យក្មួយ ចាយវាយពេលមករៀន ហើយជាពិសេសទៅទៀតនោះ គឺក្មួយៗទាំងអស់នឹងហើយ ដែលជាសេចក្តីសង្ឃឹម របស់ប្រមុខរាជរដ្ឋាភិបាល ដែលមានសម្តេចតេចជោ ហ៊ុន សែន ជានាយករដ្ឋមន្ត្រី ដែលលោកខំប្រឹងកសាងសាលាយ៉ាងច្រើនទូទាំងប្រទេស ដូចក្មួយៗបានឃើញហើយ គ្រប់ភូមិទាំងអស់ ទូទាំងប្រទេស ឲ្យក្មួយៗបានសិក្សារ រៀនសូត្រ តើក្មួយដឹងទេថា ក្មួយនេះហើយ ដែលជាក្តីសង្ឃឹមនិងទំពាំងស្នងឬស្សីពីសម្តេច ដើម្បីរួមចំណែកអភិវឌ្ឍន៍ និងដឹកនាំប្រទេស បន្តពីសម្តេច ៕
ដោយ ៖ ឃិន សុខន
