មណ្ឌលគិរី ៖ អភិបាលរងស្រុកអូរាំងម្នាក់នៅក្នុងខេត្តមណ្ឌលគិរី ជូបបញ្ហាថវិការ ក្រោយទទូលការវាយប្រហារពីជំងឺមហារីក សុដន់ធ្ងន់ធ្ងរ ដង្ហោយរកជំនួយពីសប្បុរសជនដើម្បីបន្តការព្យាបាលបន្ថែម។ព័ត៍មាននេះគឺបានទទូលពីអាជ្ញាធរមូល ដ្ឋានដែលបានចុះសួរសុខទុក្ខនិងឧបត្ថមថវិការមួយចំនួនជួនដល់អ្នកជម្ងឺនាព្រឹកថ្ងៃ២៦សីហា២០១៦នេះ។
អ្នកស្រីរ័ត្ន សាវី មានទួនាទីជាអភិបាលរងស្រុកអូរាំង បានថ្លែងទាំងសភាពទ្រុឌទ្រោមថា អ្នកស្រីចាប់មានជំងឺ មហារីកលើសុដន់ផ្នែកខាងឆ្វេងនេះយូរណាស់មកហើយ ប៉ុន្តែដោយសារតែការខ្មាស់អៀនអ្នកស្រី មិនហ៊ានប្រាប់អ្នក ដទៃនោះទេ និងបានព្យាយាមស្វែងរក ការព្យាបាលនៅមន្ទីរពេទ្យដែរតែមិនបានធូរស្រាលសោះ។
អ្នកស្រីបន្តថា នៅ រយះកាល២ទៅ៣ខែនេះ ជំងឺបានធ្វើទុក្ខខ្លាំង ហើយក្រុមគ្រួសារ បាននាំអ្នកស្រីទៅព្យាបាល នៅមន្ទីរពេទ្យប្រទេសវៀតណាម ។ ការព្យាបាលនៅប្រទេសវៀតណាមនោះ ម្តងធូរម្តងធ្វើទុក្ខ ហើយការចំណាយ ចេះតែច្រើនឡើងៗរហូតធ្វើ អោយគ្រួសារអ្នកស្រីអស់ប្រាក់និងមិនអាចបន្តការព្យាបាលទៀត ក៏សម្រេចចិត្តត្រឡប់មកលំនៅស្ថាន ឯក្រុងសែន មនោរម្យវិញ។
អភិបាលស្រុកអូរាំងលោក នង ទុនរី បានអោយដឹងនៅព្រឹកថ្ងៃដដែលនេះថា លោកក៏ទើបតែទទូលដំណឹងថា អ្នកស្រី មានជំងឺធ្ងន់ធ្ងរ នៅពេលថ្មីៗនេះទេ ។
លោកថា រដ្ឋបាលសាលាស្រុកបានអធ្យាស្រ័យដល់អ្នកស្រីមិនបាច់មក បំពេញភារកិច្ចនោះទេ ព្រោះត្រូវទុកពេល អោយអ្នកស្រីព្យាបាលជំងឺ ។ ក្នុងនាមលោកជាអភិបាលស្រុក ក៏បានគៀរគរ ថវិការពីមន្ត្រីរាជការក្នុងមូលដ្ឋានបានមួយចំនួនចូលរួមរំលែកទុក្ខលំបាក ដល់គ្រួសារអ្នកស្រីអភិបាលរង ផងដែរ ដោយក្នុងនោះ នៅព្រឹកថ្ងៃ២៦សីហានេះ លោកបានទទូលបានប្រាក់ ឧបត្ថមពីលោក សូ សំអាត មេបញ្ជាការអាវុធហត្ថ ស្រុកអូរាំងចំនួន ៣០ ម៉ឺនរៀល រួមជាមួយប្រាក់ ដែលលោកទទូលបានពីសប្បុរសជនផ្សេងទៀត សរុបទាំងអស់ចំនួន ១៥៨ ម៉ឺនរៀល ថែមទៀត ។
លោកអភិបាលស្រុកបញ្ជាក់ថា អាជ្ញាធរខេត្តមណ្ឌលគិរី ដែលមានឯកឧត្តមស្វាយ សំអ៊ាង ជាអភិបាល រួមនិង លោកផ្ទាល់បានស្នើរទៅក្រុមគ្រូពេទ្យប្រទេសវៀតណាម តាំងពីកំឡុងខែកុម្ភះ ដើម្បីជួយសំរួលថ្លៃព្យាបាលជំងឺអ្នកស្រី ហើយនៅពេលថ្មីៗនេះ ភាគីវៀតណាមក៏ទើបតែយល់ ព្រមតាមសំណើរនេះ និងរង់ចាំតែអ្នកស្រីធ្វើដំណើរទៅ តែប៉ុណ្ណោះ។ ជាមួយគ្នានេះ ដែរលោកអភិបាលស្រុកក៏ដូចជាអ្នកជំងឺ គឺអ្នកស្រីរ័ត្ន សាវី បានសំណូមពរតាមប្រព័ន្ធផ្សព្វ ផ្សាយ សូមមេត្តាជួយ ឧបត្ថមថវិការអ្នកស្រីផង ព្រោះបច្ចប្បន្នអ្នកស្រីបានចំណាយថវិការអស់ពីខ្លួនព្រោះ តែការចំ ណាយលើការព្យាបាលនេះទៅហើយ៕
ដោយ សាត ចាន់បុត្រ
