មេឈ្មួញឈ្មោះ ម៉េង រស់នៅភូមិ កន្តិល សង្កាត់ ឡាបានសៀក ក្រុងបានលុង ខេត្តរតនៈគិរី បានធើ្វសកម្មភាពដឹកឈើប្រណិតឆ្លងកាត់មុខមេព្រៃ ផ្នែករដ្ឋបាល ព្រៃឈើ ដែលមានទីតាំងនៅ ស្រុកបកែវ និងសមត្ថកិច្ចប៉េអឹម ជាច្រើនកន្លែង។
រថយន្តដឹក ឈើ ប្រណិត ពីរគ្រឿងម៉ាក ធុនត្រា និងបាឡែន សម្រាប់ដឹក ឈើប្រណិតចេញពីស្រុកវើនសៃ មកស្ដុកនៅទីរួមខេត្ត រតនៈគិរី ដើម្បីរៀបចំ ដឹកចេញទៅ ព្រំដែន វៀតណាម ឆ្លងកាត់ ពីរស្រុកគឺ ស្រុកបកែវ និងស្រុកវើនសៃ ។ ហើយរថយន្ត ធុនត្រា ពណ៌ទឹកមាស ដែលពាក់ ផ្លាកលេខ ភ.ព 7859 និងរថយន្ត បាឡែនមួយ គ្រឿងទៀត ពាក់ផ្លាកលេខ 5277 ដែលរថយន្ត ទាំងពីរគ្រឿង របស់ឈ្មោះ ម៉េង នេះត្រូវដឹក ឈើប្រណិត ចេញទៅ ប្រទេស វៀតណាម នៅពេលយប់ តាមច្រករបៀង ភូមិភីក ឃុំប៉ក់ញ៉ៃ ស្រុកអូយ៉ាដាវ គឺជាច្រករបៀង ដែលគ្របដណ្ដប់ ទៅដោយ ប៉ូលីសព្រំដែន វវៈ623 ។
មេឈ្មួញ ម៉េង នេះល្បីថា មានខ្នងបង្អែក ធំនៅពីក្រោយ ទៀតផង ទើបអាចដឹក ឈើប្រណិត ចេញបាន ដោយសេរី បែបហ្នឹង ។ មិនដឹងថា គណៈបញ្ជាការ ឯកភាពខេត្ត និងឯកឧត្ដមអគ្គមេបញ្ជាការរងកងយោធពល ខេមរភូមិន្ទ និងជា មេបញ្ជាការកងរាជអាវុធហត្ថលើផ្ទៃប្រទេស ដែលទទួលបទបញ្ជាពីរាជរដ្ឋាភិបាល មិនអាចទទួលបានព័ត៌មានបទល្មើសព្រៃឈើ ដោយសារតែ មានការលាក់លៀមពីថ្នាក់ខេត្ត ឬយ៉ាងណានោះទេ? ។
សារព័ត៌មានយើងពុំអាចទំនាក់ទំនងពីមេព្រៃ ផ្នែករដ្ឋបាលព្រៃឈើ និងសមត្ថកិច្ចប៉េអឹមបាននោះទេ?៕
