មណ្ឌលគិរី ៖ គម្រោងការសាងសង់គ្រឹះស្ថានសិក្សាស្រាវជ្រាវរ៉ែ ថាមពល និងប្រេងកាតដែលជាជំនួយឥតសំណងរបស់ ប្រទេសចិន នៅលើទឺកដីខេត្តមណ្ឌលគិរី នៅមិនទាន់មាននរណាម្នាក់អាចសន្និដ្ឋានបានទេថា តើអាចសាងសង់បាន ឬមិនបាននោះទេ ខណៈទីតាំងនៅជាប់និងភ្នំដោះក្រមុំ ដែលអាជ្ញាធរ និងមន្ទីររ៉ែគ្រោងទុកសាងសង់គ្រឺះស្ថាននេះ ត្រូវបានសហគមន៍ជនជាតិដើមភាគតិចព្នង ធ្វើការតវ៉ា និងរារាំង មិនឲ្យសាងសង់ នាពេលកន្លងទៅថ្មីៗនេះ ដោយអះ អាងថា អាចប៉ះពាល់ដល់ទីសក្ករៈរបស់ពូកគេ។តែយ៉ាងណាក៏ដោយនៅពេលនេះអាជ្ញាធរ និងមន្ទីរជំនាញបានកំណត់ យកទីតាំងថ្មីមួយទៀតហើយ សម្រាប់ទុកសាងសង់គ្រឺះស្ថានមួយនេះ។
ប្រធានមន្ទីររ៉ែ និងថាមពល ខេត្តមណ្ឌលគិរី លោក សាន់ ដារិទ្ធ មានប្រសាសន៍ថា ក្រោយពីមានការតវ៉ា ពីសំណាក់សហគន៍ជនជាតិភាគតិចព្នង ដោយមិនអនុញ្ញាតឲ្យសាងសង់គ្រឹះស្ថាន សិក្សាស្រាវជ្រាវរ៉ែ ថាមពល និងប្រេងកាតនៅលើទីតាំងចាស់ដូច្នេះអាជ្ញាធរខេត្ត និងមន្ទីររ៉ែបានជ្រើសរើសទីតាំងថ្មីមួយទៀតសម្រាប់ទុកសាងសង់គ្រឺះ ស្ថានខាងលើនេះ។ ដោយទីតាំងថ្មីនេះគឺស្ថិតនៅលើភ្នំមួយផ្សេងទៀត មានចម្ងាយប្រមាណ៣០០ ទៅ៤០០ម៉ែត្រ ពីទី តាំងចាស់។
ទោះជាយ៉ាងនេះក្តីលោក សាន់ ដារិទ្ធនៅតែមិនទាន់អាចអះអាងបានទេថាទីតាំងថ្មីនេះនឹងចាក់គ្រឺះសាង សង់នៅពេលណានោះទេដោយលោកបញ្ជាក់ថា ត្រូវរង់ចាំប្រជុំពិភាគ្សាជាមួយសហគមន៍ជនជាតិព្នង និងការសម្រេច ពីក្រសួងរ៉ែ និងថាមពល ពោលគឺត្រូវបង្កើតគណៈកម្មការសិក្សាស្វែងយល់ឲ្យបានច្បាស់លាស់ជាមុនសិន ទើបដំណើរ ការសាងសង់អាចធ្វើទៅបាន ។ ប៉ុន្តែក្នុងបញ្ហនេះ លោក ប្រធានមន្ទីររ៉ែ និងថាមពល បានលើកឡើងនូវបញ្ហារលំបាក មួយចំនួន នោះគឺការមិនព្រមសហការពីសំណាក់ជនជាតិព្នង។លោកថាពេលលើកគ្នាមកតវ៉ានាំគ្នីគ្នាមកច្រើនតែពេល ហៅពួកគាត់មកប្រជុំរកដំណោះស្រាយ ពួកគាត់តែងតែនិយាយថាជាប់រវល់នេះ ជាប់រវល់នោះ ហើយពេលមក គឺមក គ្នាតិច និងឆ្លើយថាមិនហ៊ានសម្រេច។ លោកប្រធានមន្ទីររ៉ែចាត់ទុកថា សហគមន៍ជនជាតិព្នង មានចេតនាមិនចង់ឲ្យ សាងសង់គ្រឺះស្ថាននេះឡើយ។
ជាមួយនេះគ្នានេះ លោក សាន់ ដារិទ្ធ បានមើលឃើញថា គ្រឺះស្ថានសិក្សានេះ វាមានសារៈប្រយោជន៍ធំ ធេងណាស់សម្រាប់យុវជនគ្រប់ជាតិសាសន៍ ជាពិសេស ម្ចាស់ជំនួយផ្តោតការយកចិត្តទុកដាក់ទៅលើយុវជនជំនាន់ ក្រោយជនជាតិព្នង ដែលខ្វះលទ្ធិភាពទៅសិក្សានៅទីឆ្ងាញ ឲ្យបានសិក្សាស្វែងយល់ តាមរយះគ្រឹះស្ថានខាងលើនេះ នៅមូលដ្ឋានរបស់ខ្លួនតែម្ដង។ លោកប្រធានមន្ទីរបន្តថា មន្តីររ៉ែ រូមនិងអាជ្ញាធរខេត្ត នឹងខិតខំធ្វើយ៉ាងណាឲ្យគ្រឺះស្ថាន សិក្សានេះមានវត្តមាននៅលើទឺកដី នៃខេត្តមណ្ឌលគិរី ដ្បិតថា នៅទូទាំងប្រទេស គ្រឹះស្ថានសិក្សាស្រាវជ្រាវរ៉ែ ថាម ពល និងប្រេងកាត មានតែមួយកន្លែងប៉ុណ្ណោះ។
គួររំលឹកផងដែរថា រដ្ឋាភិបាលបានផ្តល់ដីទំហំជាង៥ហិចតា ដើម្បីសាងសង់ជាកន្លែងបណ្តុះបណ្តាល និងសិក្សាស្រាវ ជ្រាវពីជំនាញធនធានរ៉ែ ថាមពលនិងប្រេងកាត។ ហើយកំឡុងពេលចាប់ផ្តើមគំរោងនោះ មន្ទីររ៉ែថាមពលខេត្តមណ្ឌលគិរី បានឈូសឆាយដីភ្នំ និងធ្វើរបង កាលពីបីបួនសប្តាហ៍មុន ហើយក៏ត្រូវបានប្រជាសហគមន៍ នាំគ្នាមកតវាជំទាស ដោយអះអាងថា ប៉ះពាល់ទីសក្ការះបូជាភ្នំដោះក្រមុំ ចាប់ពីពេលនោះមកការសាងសង់ ក៏ត្រូវផ្អាកមកដល់សព្វថ្ងៃតែម្តង៕
អ៊ិត តុលា
