ខេត្តប៉ៃលិន ៖ ជនសង្ស័យ៤នាក់ ត្រូវបានកម្លាំងកងរាជអាវុធហត្ថខេត្តប៉ៃលិន និងខេត្ត បាត់ដំបង សហការគ្នា ប្រតិបត្តិការចុះចាប់ឃាត់ខ្លួន បន្ទាប់ពីពួកគេ បានចាប់បង្ខាំង និងឃុំឃាំង មនុស្សខុសច្បាប់ កាលពីពេលថ្មីៗ កន្លងមក លុះក្រោយពីទទួលបានដីការ លេខ២៦៣ .២៦៣. ២៦៥.២៦៦.ព.ស ចុះថ្ងៃទី០៤ ខែសីហា ឆ្នាំ២០១៦ ។ បញ្ជាឱ្យចូលខ្លួនដោយលោក សេង គឹមឡាក់ ព្រះរាជអាជ្ញារងអមសាលាដំបូងខេត្តប៉ៃលិន ក៏ចាប់ឃាត់ខ្លួនជនសង្ស័យទាំង នោះតែម្តង ដែលហេតុការណ៍ចាប់ឃាត់ខ្លួននេះ បានធ្វើឡើងនៅវេលាម៉ោង១២ និង៣០នាទីថ្ងៃទី០៤សីហា ឆ្នាំ២០១៦ ស្ថិតនៅភូមិដំណាក់លួង សង្កាត់វត្តគ ក្រុងបាត់ដំបង ខេត្តបាត់ដំបង ។
ប្រភពព័ត៌មាននបានឱ្យដឹងថា បន្ទាប់ពីទទួលបានដីការរួចមក កម្លាំងអាវុធហត្ថក្នុងមន្ទី រយុត្តិធម៌ខេត្តប៉ៃលិន ចំនួន៤នាក់ ដឹកនាំដោយ វរសេនីយត្រី នង វណ្ណនី ប្រធានមន្ទីរយុត្តិធម៌ បានសហការ ជាមួយអាវុធហត្ថខេត្តបាត់ដំបង ចុះអនុវត្តន៍ដីការបញ្ជាអោយចូលខ្លួនចំនួន៤ដីកា ដោយក្នុងនោះមានលេខ២៦៣,២៦៣, ២៦៥, និងលេខ២៦៦ ព.ស ចុះថ្ងៃទី០៤.៨. ២០១៦ ករណីការចាប់ ការឃុំឃាំង នឹងបង្ខាំងមនុស្សដោយខុសច្បាប់ ចេញដោយលោក សេង គឹមឡាក់ ព្រះរា ជអាជ្ញារងអមសាលាដំបូងខេត្តប៉ៃលិន ។
ប្រភពបន្តទៀតថា ជនសង្ស័ យ ដែលចាប់ឃាត់ខ្លួន ទាំង៤នាក់មាន ទី១- ឈ្មោះ កា ប៊ុនស ភេទប្រុស អាយុ៤៣ឆ្នាំ ទី២- ឈ្មោះ ហ៊ាង សុភ័ត្រ ភេទប្រុស អាយុ៣៦ឆ្នាំ ទី៣- ឈ្មោះ ជាម យុទ្ធិដា ភេទប្រុស អាយុ៣៣ឆ្នាំ និងទី៤- ឈ្មោះ ហាស់ ញាណ ភេទប្រុស អាយុ៣៤ឆ្នាំ ។ ប្រភពដដែលបញ្ជាក់ទៀតថា ក្រោយធ្វើការឃាត់ខ្លួនរួចមក វត្ថុតាងដែលរឹបអូសបាន មាន ប្រាក់បាតចំនួន១ម៉ឺនបាតប្រាក់ ថៃ ប្រាក់ខ្មែរចំនួន៤៤០០០០រៀល ខ្សែក. លោហពណ៍លឿងចំនួន២ខ្សែ ។ ខ្សែដៃចំនួន២ខ្សែ ចិញ្ជៀនលោហពណ៍លឿងចំនួន២វង់ នាឡិកា ចំនួន២ខ្សែ ដោយ១ខ្សែ ធ្វើអំពីលោហពណ៌ លឿង និង១ខ្សែទៀត ធ្វើអំពីស្បែក ។ ទូរស័ព្ទដៃចំនួន៦គ្រឿងនិងរថយន្ត១គ្រឿងម៉ាក RANGE ROVER ពណ៌ខ្មៅ ពាក់ស្លាកលេខ ភ្នំពេញ2U – 22 67 ។
ពាក់ព័ន្ធទៅនឹងបញ្ហានេះ បច្ចុប្បន្នសមត្ថកិច្ចកងរាជអាវុធហត្ថខេត្តប៉ៃលិន កុំពង់កសាងសុំណំរឿង បញ្ជូនជនសង្ស័យទាំង៤នាក់ ទៅសាលាដំបូងខេត្តប៉ៃលិន ដើម្បីឱ្យចាត់ការតាមនីតិវិធី ៕
ដោយ ៖ នីយា
