ខេត្តបន្ទាយមានជ័យ ៖ នៅថ្ងៃព្រហស្បតិ៍ ទី ១១ ខែកុម្ភៈ ឆ្នាំ២០២១
ក្រោមការចង្អុលបង្ហាញពីលោក ឧត្ដមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ ក៏ដូចជា លោកឧត្តមសេនីយ៍ត្រី នូ ជីវ័ន្ត ស្នងការរង ទទួលផែនការងារនគរបាលព្រហ្មទណ្ឌ នៃស្នងការនគរបាលខេត្តបន្ទាយមានជ័យ ដឹកនាំកម្លាំងដើរល្បាត ដើម្បីរក្សាសន្តិសុខ សុវត្ថិភាព សណ្តាប់ធ្នាប់ជូនដល់បងប្អូនប្រជាពលរដ្ឋនៅក្នុងក្រុងសិរីសោភ័ណខេត្តបន្ទាយមានជ័យនៅក្នុងពេលរដូវពិធីបុណ្យឆ្នាំថ្មីប្រពៃណីចិន នឹងវៀតណាម ។
លោកឧត្តមសេនីយ៍ត្រី នូ ជីវ័ន្ត ស្នងការរងទទួលផែនការងារព្រហ្មទណ្ឌនៃស្នងការដ្ឋាននគរបាលខេត្តបន្ទាយមានជ័យ បន្តដឹកនាំកម្លាំងផ្ទាល់ ចេញប្រតិបត្តិការ ល្បាតចល័តនៅតាមគោលដៅ ក្នុងគោលបំណង បានណែនាំដល់បងប្អូនប្រជាពលរដ្ឋនៅពេលសែនមើលធូបទៀននិងប្រុងប្រយ័ត្នខ្ពស់ពីអគ្គិភ័យកើតឡើងជាយថាហេតុនឹង ហាមជាដាច់ខាត់ដុតផាវនិងគ្រឿងផ្ទុះគ្រប់ប្រភេទនឹងលោកឧត្តមសេនីយ៍ត្រី នូ ជីវ័ន្ត បន្តដឹកនាំកម្លាំងដើរល្បាតដើម្បីពុកគាត់រាល់បទល្មើសគ្រប់ប្រភេទ នឹងរក្សា ការពារ សន្តិសុខ សុវត្ថិភាព សណ្តាប់ធ្នាប់ ជូនដល់បងប្អូនប្រជាពលរដ្ឋ នៅក្នុងក្រុងសិរីសោភ័ណខេត្តបន្ទាយមានជ័យផងដែរ។
ក្នុងនោះលោក ក៏បានអំពាវនាវដល់បងប្អូនប្រជាពលរដ្ឋយកចិត្តទុកដាក់ខ្ពស់ក្នុងការការពារប្រឆាំងជំងឺកូវីដ_១៩ តាមការណែនាំរបស់ក្រសួងសុខាភិបាល ។
