ឈើប្រណីតរាប់រយកំណាត់ ត្រូវបានជំនាញនិងអជ្ញាធរស្រុកកែវសីមា ធ្វើការបង្ក្រាបរយះពេល២ថ្ងៃគឺចាប់ពីថ្ងៃទី២៨ និង២៩កក្កដា២០១៦ ស្ថិតក្នុង៣ទីតាំងផ្សេងៗគ្នា ក្រោមពាក្យសាទរនិងរិះគន់ពីមជ្ឈដ្ឋាននានា ដែលឈរមើល ប្រតិបត្តការបង្ក្រាបនោះ។
សូមជម្រាបថា ទីតាំង៣កន្លែងផ្សេងគ្នាដែលសមត្ថកិច្ចចំរុះរុករកនិងរឹបអូសឈើច្រើនសម្បើមនោះ គឺ១ទីតាំងស្ថិតក្នុង ចម្ការស្វាយចន្ទីរក្រោយផ្ទះឈ្មោះវុទ្ធី ទីតាំងទី២ស្ថិតក្នុងចម្ការដំឡូងមីនិងចម្ការកៅស៊ូ ក្រោយផ្ទះឈ្មោះប៊ុន និងទី តាំងទី៣ ស្ថិតក្នុងរបងក្រុមហ៊ុនគីរីស៊ីណា ផលិតធ្យូងអនាម័យ ទាំង៣ទីតាំងគឺស្ថិតនៅតាមបណ្តោយផ្លូវឆ្ពោះទៅ ច្រកទ្វាទ្វេរភាគីឡាប៉ាខេ ស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។ក្នុងនោះនៅថ្ងៃ២៨កក្កដា ក៏មានការដេញចាប់រថយន្តប្រភេទឡង់គ្រុយស័រ ពណ៍ក្រហម ផ្ទុកឈើប្រណិត ពេញប្រៀប១គ្រឿងផងដែរ។
ក្នុងប្រតិបត្តការដែលដឹកនាំដោយព្រះរាជអជ្ញាររងអមសាលាដំបូងខេត្តមណ្ឌលគិរី លោកសូ សុវិជ្ជា នោះក៏មានវត្តមាន កងរាជអាវុធហត្ថ នគរបាល យោធា រដ្ឋបាលព្រៃឈើ បរិស្ថាន រួមនិងអជ្ញាធរស្រុកចូលរួម យ៉ាងច្រើនផងដែរ។
ទោះជាយ៉ាងណា គេនៅមិនទាន់ទទូលបានរបាយការណ៍ច្បាស់លាស់ណាមួយអំពីបរិមាណឈើប្រណិតខុសច្បាប់ទាំងនោះនៅឡើយ តែព័ត៌មានដែលទទូលបាន គឺសមត្ថកិច្ចបានរឹបអូសឈើប្រភេទបេង នាងនួន ធ្នង់រួមទាំងឈើ ប្រភេទលេខ១ និងដឹកទៅរក្សាទុកនៅផ្នែករដ្ឋបាលព្រៃឈើ ប្រមាណជា៥រថយន្តកែឆ្នៃឯណោះ។
គួររំលឹកថា ប្រជាពលរដ្ឋបានសំដែងការខកចិត្តជាខ្លាំង ក្រោយមន្ត្រីជំនាញសង្កាត់និងផ្នែករដ្ឋបាលព្រៃឈើកែវសីមា ដែលបណ្តោយអោយក្រុមឈ្មួញធ្វើការដឹកជញ្ជួនឈើប្រណិតដ៏ច្រើនទាំងនោះ លាក់ទុកក្នុង៣ទីតាំងខាងលើ យ៉ាងរលួន កាត់មុខស្នាក់ការរបស់មន្ត្រីជំនាញដោយមិនធ្វើការបង្ក្រាបពេលកំពុងតែដឹក ជញ្ជួននោះ។ប្រភពមួយ បានបង្ហើបថា ឈើទាំងនោះគឺកកស្ទះរយះពេល១សប្តាហ៍ទៅហើយ ដោយសារតែមន្ត្រីជំនាញតាមដងផ្លូវ បើកអោយ ក្រុម ឈ្មួញ ដឹកជញ្ជួន តែមន្ត្រីតាមខ្សែរបន្ទាត់ព្រំដែនបិទ ទើបឈើទាំងនោះកកស្ទះ ហើយក៏ត្រូវមេព្រៃ ដឹកនាំកម្លាំង បង្ក្រាប ក្រោមពាក្យថា ទទូលយកប្រាក់កញ្ចប់ប្រចាំខែ ទៅហើយនោះ។
តួយ៉ាង ក្នុងការបង្ក្រាបរថយន្តដឹកឈើកាលពីថ្ងៃទី២៨នោះ ឈ្មួញបានរាយការណ៍តាមទូរស័ព្ទប្រាប់អ្នកកាសែតថា គេ បានបង់ប្រាក់អោយលោកស្រ៊ុន ឈួន នាយសង្កាត់រដ្ឋបាលព្រៃឈើស្រែព្រះចុងផ្លាស់ចំនួន១៥០ដុល្លានិងលោកជុយ សុឃាង នាយផ្នែករដ្ឋបាលព្រៃឈើកែវសីមា ចំនួន១៥០ដុល្លាដូចគ្នា ក្នុងរយះពេល១ខែ នេះមិនបាននិយាយទាំង សម្ថកិច្ច ផ្សេងៗមួយចំនួនធំទៀតនោះទេ។ដូចគ្នានេះម្ចាស់ទីតាំង២ផ្សេងទៀតបានអះអាងថា ក៏មានប្រាក់កញ្ចប់បង់ ជូន លោកនាយទាំង២រូបនេះក្នុង១ខែ មិនក្រោម១រយដុល្លាដែរក្នុងរយះពេល១ខែ។
ដោយឡែក ទីតាំងក្រុមហ៊ុនគីរី ស៊ីណា ដែលគំរោងនិងផលិតធ្យូងអនាម័យ មានលាក់ទុកឈើប្រណីតផងដែរនោះ កាលពីពេលថ្មីៗកន្លងទៅនោះ លោកជុយ សុឃាង នាយផ្នែករដ្ឋបាលព្រៃឈើកែវសីមា ក៏បានចូលទៅត្រួតពិនិត្យ និងរកឃើញឈើប្រណិតជាច្រើនដុំនៅក្នុងទីតាំងនោះផងដែរ ប៉ុន្តែ គេមិនបានដឹងរឿងអ្វីច្រើនជាងនេះនោះទេ ហើយ ឈើប្រណិតទាំងនោះក៏មិនបានឃើញជំនាញរឹបអូសសូម្បីតែ១ដុំនោះទេ ដោយសង្ស័យថាអាច ត្រូវរ៉ូវគ្នាក្នុង ទំហំទឹក ប្រាក់មួយចំនួន ជាថ្នូរមិនធ្វើការបង្ក្រាបឈើដែលមានចំនួនយ៉ាងច្រើននោះ។
ជុំវិញការលើកឡើងពីការទទូលប្រាក់ពីក្រុមឈ្មួញប្រចាំខែនោះ លោកជុយសុឃាងនិងលោកស្រ៊ុន ឈួន មិនបានធ្វើ អត្ថាធិប្បាយនោះទេ។តែកន្លងមកលោកបានប្រាប់អ្នកកាសែតថា ចំពោះទីតាំងក្រុមហ៊ុនធ្វើធ្យូងអនាម័យ លោកបាន ចូលត្រួតពិនិត្យពិតមែន និងបានណែនាំអោយម្ចាស់ក្រុមហ៊ុនធ្វើកិច្ចសន្យាបញ្ឈប់ ការទទូលទិញឬចែកចាយបន្ត និងមិនបានធ្វើការរឹបអូសនោះទេ។
ពាក់ព័ន្ធជាមួយការរឹបអូសឈើក្នុងក្រុមហ៊ុនខាងលើ ប្រភពមួយបានលើកឡើងថា ក៏ដោយសារតែរថយន្តដែលបង្ក្រាប កាលពីថ្ងៃទី២៨នោះបានរត់ចូលផ្លូវក្បែរក្រុមហ៊ុន ហើយប្រជាពលរដ្ឋក៏បានលើកឡើងក្នុងហេតុការណ៍នោះថា បើបង្ក្រាប សូមបង្ក្រាបអោយអស់ផងព្រោះក្រុមហ៊ុននៅក្បែរនោះមានលាក់ទុកឈើប្រណិតច្រើនណាស់ ហើយបន្ទាប់ ពីមានការលើកឡើងបែបនោះគេក៏បានឃើញកងរាជអាវុធហត្ថ នាំគ្នាទៅហ៊ុមព័ន្ធនិងបន្តធ្វើការរឹបអូសនៅថ្ងៃបន្ទាប់ តែម្តង។
ទោះជាយ៉ាងណា ឈើដែលដាក់រាយប៉ាយនៅក្នុងទីតាំងទី១និងទី២ ក៏ត្រូវគេរាយការណ៍ថា ជំនាញមិនបានរឹបអូស អស់នោះទេ គឺបណ្តោយអោយមានមនុស្សចូលលើកដាក់ម៉ូតូ ដឹកចេញដោយសុវត្ថភាព បើទោះបីជាមានកម្លាំង ប្រដាប់អាវុធ ឈរយាមយ៉ាងណាក៏ដោយនោះ។ហើយបរិមាណឈើក្នុងទីតាំងទាំង៣រួមនិងឈើក្នុងរថយន្តដែល បង្ក្រាប នៅថ្ងៃទី២៨នោះមានចំនួនសរុប៤៧៥ដុំក្នុងនោះក្នុងក្រុមហ៊ុនគីរីស៊ីណាមានចំនួន២៨១ដុំ នេះបើតាមការ អោយដឹងពី លោកជុយ សុឃាង ។
លោកជុយ សុឃាង បានបញ្ជាក់បន្ថែមថា បើតាមផ្លូវច្បាប់ម្ចាស់ទីតាំងទាំង៣ គឺត្រូវទទូលការផាកពិន័យជាប្រាក់ លើចំនួនឈើ ១គុណនិង៣ ៕
