សៀមរាប ៖ខណៈពេលដែល រាជរដ្ឋាភិបាល និងក្រសួង កសិកម្មរុក្ខាប្រមាញ់និងនេសាទបានដាក់ចេញនូវសារាចរណ៍ណែនាំលេខ ០១ ស្តីពី បទល្មើសនេសាទដល់មន្ត្រី ជំនាញពាក់ព័ន្ធគ្រប់លំដាប់ ថ្នាក់ឱ្យអនុវត្តវិធានការទប់ ស្កាត់ឱ្យបានម៉ឺងម៉ាត់បំផុត រាល់បទល្មើសនេសាទគ្រប់ ប្រភេទមិនឱ្យកើតមាននៅលើ ផ្ទៃបឹងទន្លេសាប ពិសេសនៅ រដូវហាមឃាត់ត្រីពងកូន ក៏ ប៉ុន្តែមកដល់ពេលនេះមានបទ ល្មើសនេសាទគ្រប់ប្រភេទបរ សាច់ក្រឡាកញឹក ដាក់ពាស ពេញផ្ទៃបឹងទន្លេសាប ដែល គេស្គាល់ ម្ចាស់ឈ្មោះ សល់ ទ្រី និងឈ្មោះ ណារី បានដាក់ រាយជាច្រើនកន្លែងប្រមាណ ពី ២០០ម៉ែត្រ ទៅ ៣០០ ម៉ែត្រ ស្ថិតនៅចំណុចកោះទេ ទល់អូរប្រតប់ ក្នុងសង្កាត់ចុង ឃ្នៀស ខេត្តសៀមរាប ។
ការដាក់នេះដោយមិន បានខ្លាចញញើតច្បាប់ឡើយ បង្កផលប៉ះពាល់ដល់ពពួកមច្ឆ ជាតិ និងប្រភេទសត្វផ្សេងៗ ទៀតដែលធ្វើចរាចរណ៍ឡើង ចុះរកទីជម្រកដើម្បីបង្កើតត្រី ពងកូននារដូវទឹកឡើងនឹង អាចឈានដល់ការវិនាសផុត ពូជជាមិនខាន ប្រសិនបើមន្ត្រី ជំនាញជលផលនិងស្ថាប័ន ពាក់ព័ន្ធមិនមានសកម្មភាព ទប់ស្កាត់ឱ្យមានប្រសិទ្ធភាព ខ្ពស់នោះ ។
មជ្ឈដ្ឋាននានា បានធ្វើ ការរិះគន់ទៅលើនាយផ្នែក ជលផលសង្កាត់ចុងឃ្នៀស និងអាជ្ញាធរពាក់ព័ន្ធថា មិន មានសមត្ថភាពគ្រប់គ្រាន់ក្នុង ការទប់ស្កាត់បទល្មើសនេសាទ ដែលតែងតែកើតមានឡើង នៅលើផ្ទៃបឹងទន្លេសាប តាម ព្រែក បឹង ដែលត្រូវបានគេ ដាក់ការសង្ស័យថាអស់លោក មន្ត្រីជមនាញជលផលទំនង ជាបានសំណែនសើមមាត់ សើម.កហើយមើលទៅបាន ជាមិនចាត់វិធានការឱ្យដូច ភ្លៀងរលឹមប្រកបដោយប្រសិទ្ធ ភាពខ្ពស់ ដែលរាជរដ្ឋាភិបាល និងក្រសួងកសិកម្មរុក្ខាប្រមាញ់ និងនេសាទបានដាក់ចេញ យ៉ាងដូច្នេះនោះ ។
ឆ្លើយតបនឹងការចោទ ប្រកាន់ទាំងនេះអ្នកសារព័ត៌មានយើងបានព្យាយាមទូរ ស័ព្ទទៅនាយផ្នែកជលផល សង្កាត់ចុងឃ្នៀស គឺលោក វុធ និងនាយរដ្ឋបាលជលផល ខេត្តលោក ព្រិន សុវិន ដើម្បី សាកសួរ ប៉ុន្តែមិនអាចទំនាក់ ទំនងបានទេដោយទូរស័ព្ទ របស់លោកបានរោទិ៍ជាច្រើន ដងតែគ្មានអ្នកទទួល ៕
