បន្ទាយមានជ័យ ៖ ផ្ទះប្រជាពលរដ្ឋចំនួន៣៤ខ្នង នៅក្នុងស្រុកស្វាយចេកខេត្តបន្ទាយមានជ័យ ត្រូវរងនូវការខូចខាត និងបាក់រាបដល់ដី ខណៈមានភ្លៀងធំមួយមេលាយលំជាមួយខ្យល់កន្ត្រាក់ កាលពីល្ងាចថ្ងៃទី១៨ ខែកក្កដា ឆ្នាំ២០១៦ ។
អាជ្ញាធរស្រុកស្វាយចេកបានអោយដឹងថាភ្លៀងបានចាប់ផ្តើមធ្លាក់នៅវេលាម៉ោង១៥និង៣០នាទីល្ងាចថ្ងៃទី១៨ហើយបាននាំយកទាំងខ្យល់កន្ត្រាក់មកជាមួយផង។ ខ្យល់បានបោកបក់យ៉ាងខ្លាំងបណ្តាលអោយផ្ទះប្រជាពលរដ្ឋជាច្រើនខ្នងរងផលប៉ះពាល់។
ក្នុងនោះឃុំដែលរងផលប៉ះពាល់មាន ១-ឃុំតាផូ ផ្ទះ០៣ខ្នងរបើកដំបូលស័ង្កសី ៨៣សន្លឹក រលំទាំងស្រុង ០១ខ្នង ២-ឃុំតាបែន ផ្ទះ២០ខ្នង របើកដំបូល ស័ង្កសី ២៦៤សន្លឹក រលំទាំងស្រុង ០៣ខ្នង និង៣-ឃុំស្លក្រាម ផ្ទះចំនួន ១១ខ្នង របើកដំបូលស័ង្កសី ១១៥សន្លឹក។
ក្រោយមានគ្រោះធម្មជាតិគេឃើញមានការអន្តរាគមន៍និងជួយឧបត្ថម្ភជាស័ង្កសីពីសំណាក់លោក អាត់ ខែម ស្នងការនគរបាលខេត្ត ដើម្បីជួយជួសជុលនិងសង់លំនៅដ្ឋានបងប្អូនជូនបងប្អូនប្រជាពលរដ្ឋឡើងវិញ ៕
