ខេត្តកោះកុង ៖ នៅរសៀលថ្ងៃទី១៣.ខែកក្តដា ឆ្នាំ២០១៦ លោក អន ភារះ អភិបាលស្រុកបូទុមសាគរបានកោះហៅបងប្អូនប្រជាពលរដ្ឋមកពីរភូមិជីត្រេះ ចំនួន៨៩គ្រួសារមកជួបជំគ្នានៅសារលាឃុំអណ្តូងទឹក ដើម្បីកាត់ដីចែកជួនដល់ពួកគាត់ ដែលគ្មានដីសម្រាប់សង់លំនៅដ្ឋាន អោយមានដីសង់លំនៅដ្ឋានឡើងវិញ ។
លោក អន ភារៈ អភិបាលស្រុកបូទុមសាគរ បានលើកឡើងទៀតថា ការកាត់ដីចែកជួនដល់បងប្អូនប្រជាពលរដ្ឋទាំងនេះ មិនបានដូចការស្នើសុំរបស់ប្រជាពលរដ្ឋខាងលើនេះទេ ព្រោះដីមានចំនួនតិច ប្រជាពលរដ្ឋមានច្រើន។
លោកអភិបាល បាន លើកទៀតថា ទោះដីមានចំនួនតិចយ៉ាងក៏ដោយ លោកអភិបាល នៅពុះពារ កាត់ចែកជូនប្រជាពលរដ្ឋ ខាងតែបាន ទោះតិចក្ដីច្រើនក្ដី។ ក្នុងនោះផងដែរ ក៏មានការចូលរួមពីលោក ស៊ុនដារា អភិបាលរងខេត្ត នឹងក្រុមការងារ មួយចំនួនទៀត ។
ដីនៅក្នុងភូមិជីត្រេះ ដែលលោកអនភារះ ត្រូវកាត់ជូនប្រជាពលរដ្ឋ នោះមានចំំនួន ៥៣៩ ហិកតាសម្រាប់ប្រជាពលរដ្ឋសាងសង់លំនៅដ្ឋានក្នុងភូមិជីត្រេះទាំងមូល ហើយដីទាំងនោះបានកាត់ចេញពីក្រុមហ៊ុន ស៊ីណូម៉ិចស៊ីម ដែលដីមានទំនាស់ជាមួយក្រុមហ៊ុនខាងលើនេះជាយូរឆ្នាំមកហើយ ទើបតែពេលនេះ ប្រជាពលរដ្ឋក្នុងភូមិជីត្រេះចំនួន៨៩គ្រួសារ បានទទួលដីសាងសង់លំនៅដ្ឋានវិញហើយ ៕
ដោយ ង៉ែត សុគន្ធី ខេត្តកោះកុង
