ខេត្តរតនគិរី ៖ នៅរសៀលម៉ោង២ថ្ងៃទី៨ ខែកក្កដា ឆ្នាំ២០១៦ នេះ នៅសាលប្រជុំសាលាខេត្តរតនគិរី មានពិធីប្រារពផ្ទេរតំណែងអភិបាលក្រុងបានលុងថ្មីដែលមកកាន់តំណែង ដោយលោក ងិន ណែល ជាអភិបាលក្រុងបន្ត ខណៈអភិបាលក្រុងចាស់លោក អ៊ុក សំអុល ត្រូវបានខេត្តស្នើដកទៅសាលាខេត្តដោយរង់អយុត្តិធម៌បំផុត។
សាវតាៈ លោក អ៊ុក សំអុល ដែលត្រូវបានខេត្តសម្រេចបញ្ចប់តំណែងនៅរសៀលម៉ោង២នេះ គឺត្រូវបានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានតែងតាំងរូបលោកជាអភិបាលនៃគណៈអភិបាលក្រុងបានលុងនៅថ្ងៃទី៣០ខែមេសាឆ្នាំ២០១៤ រហូតមកដល់បច្ចុប្បន្ន លោកបានបំពេញភារកិច្ចការងារក្នុងមុខតំណែងនេះបានរយៈពេល២ឆ្នាំ។
ប្រវត្តិការងារត្រូវបានគេមើលឃើញថា លោក អ៊ុក សំអុល ជាមន្ត្រីគំរូមួយក្នុងចំណោមបញ្ញវន្ទ ដែលតែងតែ លើកផែនការ;អនុវត្តផែនការនិងទិសដៅ នៃការអភិវឌ្ឍន៌ជាប្រយោជន៌ដល់សេវាសាធារណៈប្រកបដោយភាណអង់អាចមិនប្រកាន់និន្នាការ ពូជសាស្ត្រ រើសអើង និងគោរពបានយ៉ាងល្អទៅតាមគោលនយោបាយរបស់ ប្រមុខរាជរដ្ឋាភិបាលថែមទៀតផង ។
ប្រជាពលរដ្ឋ និងមន្ត្រីប្រកាន់នៅសុច្ចរឹតភាព តម្លាភាព និងសច្ចៈភាពក៌បានកោតសសើរស្នាដៃបុគ្គលរូបនេះថាជាមន្ត្រីដែលធ្វើអោយប្រជាពលរដ្ឋកក់ក្តៅ និងមានកំរឹតវិជ្ជាខ្ពស់ហើយថ្លៃថ្នូរ ពោលគឺជាមន្ត្រីដែលហ៊ានវះកាត់ខ្វៀលយក បញ្ហាស្អុយរបស់សង្គមដែលតែងតែញាំញីដល់សង្គមនិងការរស់នៅដល់ប្រជាពលរដ្ឋនោះយកទៅដោះស្រាយបានជាបន្តបន្ទាប់ទោះស្ថិតក្នុងស្ថានការមានគ្រោះដ៏ធ្ងន់ធ្ងរពីក្រុមបច្ចាមិត្តមួយអំបូរក្នុងខេត្តរតនគិរីយ៉ាងណាក្តី។
ជាមួយគ្នា លោក ឡាំ គឹមសេង មន្ត្រីអ្នកច្បាប់ ប្រចាំនៅទីស្តីការគណៈរដ្ឋមន្ត្រីកាលដែលក្រុមការងារថ្នាក់ជាតិចុះបើកការប្រជុំរកដំណោះស្រាយនៅសាលប្រជុំដាលាខេត្តរតនគិរី ក្នុងនាមលោកជាអនុប្រធានក្រុមការងារថ្នាក់ជាតិ (បញ្ហាផ្សារបានលុង) លោកក៏ធ្លាប់បានការកោតសសើរពីភាពប៉ិនប្រសព្វនៃការដោះស្រាយបញ្ហាដ៏ធំមួយដែលបានកើតឡើង ដែលបញ្ហានេះ ចៅហ្វាយខេត្តចំនួន២អាណត្តិមកហើយដោះស្រាយមិនចេញគឺរឿងចំរ៉ូងចំរាស់ដែលកើតមានយ៉ាងក្តៅគគុកនៅកណ្តាលផ្សារបានលុងខេត្តរតនគិរី ដោយ លោកថា លោក អ៊ុក សំអុល និងជាវីរៈជនក្នុងចំណោមវីរៈជន។
ជាមួយគ្នានេះ លោក ទេសរដ្ឋមន្ត្រី ឱប យ៉ិនទៀង ប្រធានអង្គភាពប្រឆាំងអំពើពុកតលួយ ក៌ធ្លាប់បានចេញលិខិតបញ្ជាក់លើកិច្ចការដឹកនាំរបស់ លោក អ៊ុក សំអុល អភិបាលរូបនោះ មិនបានពាក់ពន្ធក្នុងអំពើពុករលួយ ក្នុងការដែលខ្លួនលោក ម្ចាស់នាវាដឹកនាំក្នុងតំណែងជា អភិបាលក្រុងបានលុងនោះដែរ។
ក្រៅពីភាពប៉ិនប្រសព្វចំពោះកិច្ចការរដ្ឋបាលនិងជាអ្នកដឹកនាំនោះ លោក អ៊ុក សំអុល ក៏បានធ្វើអោយមហាជនក្នុងក្រុងកោតសសើរអ្នកដឹកនាំវ័យក្មេងម្នាក់នេះមានអត្តចារឹកម៉ឺងម៉ាត់ទន់ភ្លន់ រុះរាយរាក់ទាក់ និងមានកាយវិការប្រកបដោយសីលធម៏ និងមានទំនាក់ទំនងជិតដិតជាមួយប្រជាពលរដ្ឋ មន្ត្រីរាជការ និងអ្នកសារព័ត៌មានក្នុងស្រុក សក្តិសមជាថ្នាក់ដឹកនាំល្អ និងមានគុណធម៌ពិតៗ ។ តែទង្វើល្អមេដឹកនាំម្នាក់នេះបានក្លាយជាចំណីវិបត្តិយ៉ាងធ្ងន់ធ្ងរផងដែលចំពោះបុគ្គលស្មោកគ្រោក ដែលជាបច្ចាមិត្តជាតិ វៃអែបស៊ីអប លុញពង លើកជើង ក្នុងកាលដែលពួកនោះ បានប្រើប្រាស់តួនាទីជាឱកាសប្រព្រឹត្តជញ្ជក់ យកផលប្រយោជន៌និងបំផ្លាញអំពើល្អរបស់ដង្គមមួយអំបូរស្វាក្នុងខេត្តរតនគិរី។
ជាមួយការដែលថ្នាក់ដឹកនាំម្នាក់នេះបាននិងកំពុងឃ្លាតពីការយកគុណធម៌ វិជ្ជា និងភាពអង់អាចប្រកបដោយតម្លាភាពមិនលាក់លៀមយកទៅប្រើប្រាស់ជាប្រយោជន៏ដល់សង្គមជាហូរហែកន្លងមកពី កែវភ្នែកមហាជនដោយតាមរយៈការដែលខេត្តបានដកតំណែងនៅរសៀលថ្ងៃនេះ មានទស្សនៈជាច្រើនបានលើកឡើងជាសោកស្តាយថាគឺជាការបាត់បង់ធនធាន់មនុស្សដែលកំពុងបំពេញតម្រូវការពួកគាត់យ៉ាងខ្លាំងណាស់ ។
ជាមួយគ្នានេះ មហាជនក៏សង្ឃឹមដែរសម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋមន្ត្រីនៃព្រះរាជាណាចក្រកម្ពុជានិងមានតម្រេះធ្វើការពិចារណាចំពោះបញ្ហានេះ ។ យ៉ាងណា មន្ត្រីដូចលោកអ៊ុក សំអុល និងត្រូវបានសម្តេចយកមកប្រើប្រាស់ជាប្រយោជន៌ធំទូលាសម្រាប់ជាប្រយោជន៌សង្គមតទៅទៀត?
ដោយឡែក លោក ងិន ណែល ដែលបាន និងកំពុងទទួលបានតំណែងជាអភិបាលក្រុងបានលុងនៅរសៀលថ្ងៃទី៨នេះ តទៅ មានប្រវត្តិអតីតជា…….. បញ្ហាដែលអ្នកទោសចំនួន ៥នាក់ បានអារចំរឹងបង្អួចពន្ធនាគារខេត្តរតនគិរី រត់គេចខ្លួនកាលពីយប់ថ្ងៃទី១០ ខែវិច្ឆិកា ឆ្នាំ២០១៣ នេះគឺជាសំណួរដ៏សំខាន់មួយ ដែលថ្នាក់ដឹកនាំក្រសួងមហាផ្ទៃបានសួរគ្នាទៅវិញទៅមកថា អ្នកទោសបានរណារអារដែកមកពីណា? ហេតុអ្វីបានជាអ្នកទោសអាចអារចំរឹងបង្អួច លូនចេញពីបន្ទប់ឃុំឃាំង ហើយបន្តទៅអារលួសបន្លា ហ៊ុំព័ទ្ធបរិវេណពន្ធនាគារខេត្តរតនគិរី បានយ៉ាងងាយស្រួល ។ បែបនេះ ហើយដើម្បីបង្ហាញពីការទទួល ខុសត្រូវលោក ងិន ណែល ជាប្រធានពន្ធនាគារខេត្តរតនគិរី កាលរូបលោកមានតួនាទីជាប្រធានពន្ធនាគារខេត្តរតនគិរី ។
លោក ងិន ណែល ក៏មាន កំហុសឆ្គងជាបន្តបន្ទាប់ ដែលផ្តើមចេញពីការធ្វេសប្រហែស និងកង្វះការទទួលខុសត្រូវផងដែរ ។ ប៉ុន្តែបញ្ហាដែលកើតមាន ក្នុងពន្ធនាគារ ខេត្តរតនគិរី ដែលដឹកនាំដោយលោក ងិន ណែល នៅតែគ្មានការកែទម្រង់ រហូតមានការថ្លោះធ្លោយ ដែលអ្នកទោសអាច អារដែកចំរឹងបង្អួច រត់គេចខ្លួននិងមានឱកាសអារផ្តាច់របងលួសបន្លា ដែលហ៊ុំព័ទ្ធបរិវេណពន្ធនាគារ យ៉ាងព្រហើនបំផុត។
ខណៈនោះគេមិនច្បាស់ទេថា តើនៅក្នុងអង្គភាព ពន្ធនាគារខេត្តរតនគិរីនេះ មានបញ្ហាផ្ទៃក្នុង ឬភាពអសកម្មដល់កម្រិតណាទេ បានជាកើតមានរឿងរ៉ាវថ្លោះធ្លោយ ច្រើនលើកច្រើនសាគួរឲ្យព្រួយបារម្ភបំផុត ដែលទាមទារឲ្យក្រសួងមហាផ្ទៃ ចុះពិនិត្យមើលឡើងវិញពីបាតុភាព ដែលកំពុងកើតមាន ក្នុងពន្ធនាគារខេត្តរតនគិរី។
មុនពេលមានហេតុការណ៍អ្នកទោស អារចំរឹងដែកបង្អួចពន្ធនាគារ រត់គេចខ្លួនដោយសុវត្ថិភាព ក៏ធ្លាប់មានករណីលួច ប្រើប្រាស់គ្រឿងញៀន ក្នុងពន្ធនាគារខេត្តរតនគិរី ហើយកន្លងមកក៏ធ្លាប់មានអ្នកទោសលួចរត់គេចខ្លួនជាហូរហែ គេមិនដឹងថាលោក ងិន ណែល គ្រប់គ្រងពន្ធនាគារខេត្តរតនគិរី នាពេលកាល ដែលលោកកាន់តំណែងជាប្រធានពន្ធនាគារ ខេត្តរតនគិរីបែបណានោះទេ។
តែកាលនោះ បើពិនិត្យលើគោលការណ៍ គេអាចវាយតម្លៃបានថា ភាពអសកម្មនិងកង្វះ ការទទួលខុសត្រូវ ជាពិសេសកង្វះកិច្ចសហការរវាងលោក ងិន ណែល ជាមួយមន្ត្រីក្រោមឱវាទ គឺជាដើមហេតុធំបំផុត បង្កឲ្យមានភាពអសកម្ម និងរឿងរ៉ាវមិនប្រក្រតីទាំងនេះ កើតឡើងជាហូរហែ។ រហូតមានការផ្តល់ឱកាសអោយទណ្ឌិតចេញចូលដោយសេរី និងបើករថយន្តទៅបង្កមានគ្រោះថ្នាក់ចរាចរថែមទៀតផង។
មូលហេតុបញ្ហាអាស្រូវកើតមានជាបន្តបន្ទាប់ ដូចនេះហើយទើបអគ្គនាយកដ្ឋានអនុរក្សពន្ធធនាគារបានសម្រេចទៅក្រសួងមហាផ្ទៃដកហូតតំណែងលោកងិនណែលនៅថ្ងៃទី២៨ខែមករាឆ្នាំ២០១៦នៅបន្ទាប់ពីខាងអគ្គនាយកដ្ឋានអនុរក្សពន្ធធនាគារក្រសួងមហាផ្ទៃបានរកឃើញកំហុសគ្រប់យ៉ាងនោះ ។
តែដោយការស្នើសុំពីលោក ថង សាវុន អភិបាលខេត្តបានស្នើសុំអោយលោក ងិន ណែលមកកាន់តំណែងជាអភិបាលនៃគណៈអភិបាលក្រុងទៅក្រសួងមហាផ្ទៃទើបនៅថ្ងៃទី៨ខែកក្កដានេះ លោក ងិន ណែល ត្រូវបានសាលាខេត្តប្រកាសផ្ទេរភារកិច្ច មកកាន់តំណែង ជាអភិបាលក្រុងបានលុង វិញដោយជោគជ័យ ៕
