ភ្នំពេញ ៖ វេលាម៉ោងជិត៩នៅព្រឹកថ្ងៃទី១០ ខែកក្កដាឆ្នាំ២០១៦នេះលោក កែម ឡី អ្នកវិភាគនយោបាយនិងសង្គមនិយាយអត់សំចៃមាត់ ត្រូវបានខ្មាន់កាំភ្លើងបាញ់សម្លាប់នៅក្នុងម៉ាតការ៉ាស់សាំងកាលតិច ស្តុបបូកគោបង្កឲ្យមានការភ្ញាក់ផ្អើល។ មកដល់ពេលថ្ងៃត្រង់មានមនុស្សរាប់រយនាក់ដែលគាំទ្របានទាមទារដង្ហែ សពទៅតម្កល់នៅវត្តក្តីចាស់ តាមបណ្ដោយផ្លូវជាតិលេខ៦ ស្ថិតក្នុងសង្កាត់បាក់ខែង ខណ្ឌជ្រោយចង្វារដោយដៃតែចុងក្រោយម៉ោង២ជិត៣ល្ងាចបានសម្រចដឹក តាមឡានឡិចស៊ី៣០០របស់លោកកែមឡីផ្ទាល់វិញ ។ សូមបញ្ជាក់ថា៖ ក្រោយពីការចូលទៅបាញ់ឆៅៗដូចជាពួកខៅប៊យអាមេរិកាំងជនដៃដល់ត្រូវ ចាប់បានដោយនគរបាលនៅជិតស្ថានទូរុស្ស៊ីក្បែវត្តស្វាយពពែដោយសាសម ត្តកិច្ចឃើញមានអាវប្រឡាក់ឈាម ។
ជនដៃដល់អះអាងថា ខ្លួនឈ្មោះ ជួប សម្លាប់ អាយុ៣៨ឆ្នាំ ធ្វើការនៅប្រទេសថៃ ហើយជននេះថា មូលហេតុដែលខ្លួនបាញ់សម្លាប់អ្នកវិភាគសង្គមនិងនយោបាយរូបនេះ ដោយសារលោក កែម ឡី ជំពាក់លុយ៣០០០ដុល្លារអត់សង ។ ខ្មាន់កាំភ្លើង បានសារភាពប្រាប់សមត្ថកិច្ចពីដើមចមនាំឲ្យសម្រេចចិត្តតាម បាញ់សម្លាប់ជនរងគ្រោះនោះ គឺផ្តើមចេញពីរឿងលក់ដីមួយកន្លែងបានប្រាក់៣-៤ពាន់ដុល្លារ ពេលនោះលោក កែម ឡី បានប្រាប់ថា លុយនេះទុកសម្រាប់ជួយជនក្រីក្រ (ខ្មាន់កាំភ្លើងនិងលោកកែម ឡីស្គាល់ និងរាប់អានគ្នា)។ប៉ុន្តែខ្លួនមិនដែលឃើញលោក កែម ឡី យកទៅជួយជនក្រីក្រនោះឡើយទើប រៀបចំផែនការតាមបាញ់សម្លាប់តែម្តង។
ភរិយាលោក កែម ឡី ឈ្មោះ ប៊ូ រតនា អាយុ៣៥ឆ្នាំ នៅឯអធិការដ្ឋាននគរបាលខណ្ឌចំការមន លោកស្រីគ្រាន់តែបញ្ជាក់ខ្លីថា មុនពេលកើតហេតុ លោក កែម ឡី បានដឹកខ្លួន (ប្រពន្ឋ) និងកូន ទៅផ្សាររួចលោក កែម ឡី ក៍បានជិះរថយន្តម្នាក់ឯងមកស្តារម៉ាតស្ថានីយ៍ប្រេងបូកគោ (ចំណុចកើតហេតុ) ដើម្បីហូបកាហ្វេដូចសព្វដង និងត្រូវបានជនដៃដល់បាញ់សម្លាប់តែម្តង ។អ្នកស្រី ប៊ូ រចនា បានប្រាប់កាសែតតាមទូរស័ព្ទ ថាប្តីរបស់អ្នកស្រីមិនដែលមានបញ្ហាជាមួយអ្នកណានោះទេ។
អ្នកស្រីបានច្រានចោលការលើកឡើងថាលោក កែម ឡី ជំពាក់លុយគេមិនសង។ អ្នកស្រីចាត់ទុកករណីនេះជារឿងនយោបាយ។ “ខ្ញុំពិបាកនិយាយណាស់។ រឿងនយោបាយហ្នឹង…”។ អ្នកស្រីឲ្យដឹងថាអ្នកស្រីមានកូនចំនួន៤នាក់និងកំពុងពរពោះកូន ម្នាក់។
នៅវេលាម៉ោងជិត១១ថ្ងៃត្រង់ថ្ងៃទី១០ កក្កដានេះ សមត្ថកិច្ចបានបញ្ជូនជនដៃដល់បាញ់សម្លាប់លោកបណ្ឌិត កែម ឡី ទៅស្នងការដ្ឋាននគរបាលរាជធានីភ្នំពេញហើយ ដើម្បីបន្តចាត់ការតាមច្បាប់ ។
អ្នកនាំពាក្យទីស្តីការគណៈរដ្ឋមន្ត្រីលោកផៃស៊ីផានក៏ដូចជាលោកគឺម សន្តិភាពក្រសួងយុត្តិធមិ បានប្រតិកម្មចំពោះអំពើបាញ់ប្រហារយ៉ាងឃោរឃៅសម្លាប់លោកកែម ឡីថាជាអំពើកំសាកថោកទាបហើយបានសុំឲ្យបណ្តាញពិតមានផ្សពផ្សាយ កុំឲ្យលម្អៀង បង្កឲ្យស្ថានភាពនយោបាយនៅកម្ពុជា មានភាពស្មុគ្រស្មាញ។
លោក ផៃ ស៊ីផាន អ្នកនាំពាក្យរាជរដ្ឋាភិបាលកម្ពុជា បានប្រកាសក្នុងនាមរាជរដ្ឋាភិបាលកម្ពុជា ដោយសូមថ្កោលទោសចំពោះករណី បាញ់សម្លាប់លោកបណ្ឌិត កែម ឡី អ្នកវិភាគឯករាជ្យ និងបានចាត់ទុកជាទង្វើ កំសាកថោកទាប បង្កឲ្យស្ថានភាពនយោបាយនៅកម្ពុជា មានភាពស្មុគ្រស្មាញ ។ឯគណបក្សសង្គឡ្រោះជាតិក៏បានចេញសេចក្តីថ្លែងការណ៍សម្តែង ការសោកស្តាយចំពោះមរណៈភាពនិងថ្កោលទោសចំពោះករណីយ៍នេះហើយទាមទារឲ្យ មានការស្រាវជ្រាវ ៕
