ប៉ៃលិន ៖ រថយន្តម៉ាកសឺដេសពណ៌ខ្មៅមួយគ្រឿង បើកបរល្បឿនលឿនដូចហោះ ទំនងរៀងស្រវឹង បញ្ច្រាស់ទៅបុករថយន្តតូយោតា HILUX ពណ៌ស្ករ ចំកង់ខាងមុខផ្ទុះបែកកង់ ព្រមទាំងខ្ទេច គ្រឿងក្រោម ។ ក្នុងហេតុការណ៍នេះ អ្នកបើកបរ រថយន្តទាំងពីរគ្រឿង មិនមានរងគ្រោះទេ ។
ហេតុការណ៍នេះ បានកើតឡើងនៅវេលាម៉ោង ០៩និង៣០នាទីយប់ ថ្ងៃទី០២ ខែ០៧ ឆ្នាំ២០១៦ នៅចំណុចផ្លូវចូលចំកាហ្វេ ក្នុងភូមិអូរពឺត សង្កាត់ទួលល្វា ក្រុងប៉ៃលិន ខេត្តប៉ៃលិន។
តាមប្រភពបាន នៅជុំវិញកន្លែងកើតហេតុបានឱ្យដឹងថា នៅយប់កើតហេតុ រថយន្ត ម៉ាកសឺដេសពណ៌ខ្មៅមួយគ្រឿង ទំនងដូចស្រវឹងដល់ក បើកបរល្បឿនលឿនដូចហោះ បើកបញ្ច្រាស់ទិសគ្នា ទៅបុករថយន្តតូយ៉ូតា HILUX ពណ៌ស្ករ មុខចំខាងឆ្វេងទាំងស្រុង ផ្ទុះបែកកង់ ព្រមទាំងខ្ទេច គ្រឿងក្រោម រីឯរថយន្តសឺដេសក៏បែកកង់ខាងមុខដូចគ្នា។
មួយសន្ទុះក្រោយមក សមត្ថកិច្ចចរាចរណ៍ខេត្តប៉ៃលិនក៏បានមកដល់វាស់វែង ។ ខណៈពេលសមត្ថកិច្ចវាស់វែង និងសម្រួលគ្នា រថយន្តជនបង្កបានដូរកង់ដែលបែក ហើយ បើកបរចេញទៅបាត់ ទុកឱ្យរថយន្តជនរងគ្រោះនៅលើចិញ្ចើមផ្លូវ កន្លែងកើតហេតុមួយយប់មួយថ្ងៃ ។
សមត្ថកិច្ចបានឱ្យដឹងថា ជនបង្កឈ្មោះ ស៊ុន សុភត្រា ភេទប្រុសអាយុ៣៣ឆ្នាំ អ្នកលក់រថយន្តរស់នៅភូមិអូរតាពុកលើ សង្កាត់ប៉ៃលិន ក្រុងប៉ៃលិន បើកបររថយន្តម៉ាកសឺដេស ពណ៌ខ្មៅ ស្លាកលេខភ្នំពេញ2M7671 បើកបរបហ្ច្រាស់រថយន្តបង្កបើក២ជើងទៅត្បូង ។ រថយន្តរងគ្រោះបើកពីត្បូងទៅជើង ក៏បុកគ្នាតែម្ដង ។
ជនរងគ្រោះឈ្មោះអ៊ុក ទូច រស់នៅភូមិអូរអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន បើកបរម៉ាកតូយោតា HILUX ស្លាកលេខ បាត់ដំបង 2A6331 ។ រថយន្តជនរងគ្រោះខូចខាតបែកកង់ទាំងស្រុង។
តាមប្រភពនៅជុំវិញកន្លែងកើតហេតុបានឱ្យដឹងថា ក្រោយពីកើតហេតុរួចបានមួយយប់ ភ្លឺឡើងម៉ោង០៩និង០០នាទី ព្រឹកថ្ងៃទី០៣ ខែកក្កដា ឆ្នាំ២០១៦ មានម្ចាស់រថយន្តសឺដេស មកមើលនៅកន្លែងកើតហេតុ មកសំរួលគ្នា ជាមួយម្ចាស់រថយន្តតូយោតាថា រថយន្តរបស់គេក៏ខូចដែរ បើឱ្យសងត្រូវចេញសងឱ្យទាំងសងម្ខាង នេះជាសំដីរបស់ជនបង្កឈ្មោះ ស៊ុន សុភត្រា ដែលនិយាយចេញពីសំដីរបស់គេផ្ទាល់។
ក្រោយមកទៀត ជនបង្កបានប្រើពាក្យទៅលើ អ្នកសារព័ត៌មានថា បើសរសេរព័ត៌មានរឿងគេខុស គេនឹងដកដូចស្ពៃ ហើយបន្តថា បើចង់ប្ដឹងឡើងទៅដល់ណាពួកគេមិនខ្លាចដែរ ៕
ស សារឿន
