កណ្តាល ៖ កាលពីព្រឹកថ្ងៃទី២៣ ខែមិថុនា ឆ្នាំ២០១៦ នៅភូមិឃុំខ្ពបបានរៀបចំបើកវេទិការផ្សពផ្សាយពិគ្រោះយោបល់
របស់ក្រុមប្រឹក្សារស្រុកស្អាងអាណត្តិទី២ ក្រោមអធិបតីភាព ឯកឧត្តម អ៊ុំ ថន ប្រធានក្រុមប្រឹក្សាខេត្តកណ្តាល និងប្រធានក្រុមប្រឹក្សាស្រុកស្អាង លោក ព្រំ ឈឺន ប្រធានក្រុមប្រឹក្សាស្រុកស្អាងបានរាយការណ៍ពីស្ថានភាពគ្រប់គ្រងគំរោងការនានាដែលត្រូវអភិវឌ្ឍន៍រងគនៅក្នុង.មូលដ្ឋាននិងគោលនោយោបាយភូមិឃុំមានសុវត្ថិភាពក្នុងឆ្នាំ ២០១៦ យ៉ាងច្បាស់លាស់ ។
ការងារទាំងអស់នេះជាពិសេសគំរោងដែលត្រូវអភិវឌ្ឍន៍នានា ដូចជា ការធ្វើផ្លូវ និង ការ ចំណាយផ្សេងៗគួរតែដាក់ជូនដល់មន្ត្រីថ្នាក់ស្រុកស្អាងនិងខេត្តផងដើម្បីបានដឹង និង ធ្វើការតាមដានលើ ការងារទាំងនោះផង។ លោក ព្រំ ឈឺន បានលើកឡើងដូចនេះ ក្នុងឱកាសចូលរួមក្នុងវេទិការផ្សព្វផ្សាយពិគ្រោយោបល់របស់ក្រុមប្រឹក្សាស្រុកស្អាងអាណត្តិទី២នេះ។
លោក ញឹម វណ្ណឌិន អភិបាលនៃគណៈអភិបាលស្រុកស្អាងនិងលោក ញ៉ែម វណ្ណថា អភិបាលរងស្រុកស្អាង បានលើកឡើងថា៖ កន្លងមកក៏ដូចជាក្នុងពេលនេះ រាល់គំរោងការអភិវឌ្ឍន៍នានាក្នុងស្រុកស្អាងត្រូវបានបែងចែកជា ៣ ប្រភេទ៖ ដែលក្នុងនោះមានគំរោងរបស់សាលាខេត្តកណ្តាល គំរោងរបស់សប្បុរសជន និង គំរោងរបស់សាលាស្រុក។ រាល់គំរោងការងារទាំងអស់រដ្ឋបាលខេត្ត រដ្ឋបាលស្រុក បានអនុវត្តប្រកបដោយភាពច្បាស់លាស់ ។
ឯកឧត្តម អ៊ុំ ថន ប្រធានក្រុមប្រឹក្សារខេត្ត ក៏បានសន្យាថា៖ រាល់គំរោងការងារទាំងអស់ ជាពិសេសលើគំរោងអភិវឌ្ឍន៍នានា សាលាស្រុក នឹងធ្វើការផ្តល់ជូនទៅមន្ត្រីក្រុមប្រឹក្សាខេត្តបានតាមដាន និងស្វែងយល់អោយបាន គ្រប់ៗគ្នាចាប់ពីពេលនេះតទៅ។គួរបញ្ជាក់ថា៖ កិច្ចប្រជុំសាមញ្ញលើកទី២ របស់ក្រុមប្រឹក្សាស្រុកស្អាង នាពេលនេះ បានប្រព្រឹត្តិទៅក្រោមវត្តមាន លោក ព្រំ ឈឺ ប្រធានក្រុមប្រឹក្សាស្រុកស្អាងនិង លោក ញឹម វណ្ណឌិន អភិបាលស្រុកស្អាង ។
របៀបវារៈនៃកិច្ចប្រជុំរួមមានអនុម័តកំណត់ហេតុកិច្ចប្រជុំសាមញ្ញលើកទី២ពិនិត្យរបាយការណ៍ នៃ ការអនុវត្តផែនការសកម្មភាពសំខាន់ៗ ប្រចាំខែ ឆ្នាំ របស់រដ្ឋ បាលស្រុក និងពិនិត្យ អនុម័តសេចក្តីព្រាងវេទិការផ្សពផ្សាយ និង ពិគ្រោះយោបល់ក្រុមប្រឹក្សា ស្រុកស្អាង៕
ដោយ លោក ឈាង សុបុន
